| e-texts navigator |
| Wylie |
13b1 ཤུགས་ཅན་གྱི་རིག་སྔགས་ཀྱིས་ཐམས་ཅད་དྲངས་ཏེ་སྒྲུབ་པ་པོའི་རྐེད་པའི་དྲུང་དུ་ལྟུང་ཞིང་བྱ་བ་ཐམས་ཅད་རྣམ་པར་བསམ་པར་བྱའོ། ། གོམས་པར་བྱས་པས་ནམ་མཁའ་ལ་འདྲེན་པར་ཡང་བསྒོམས་པ་ཙམ་གྱིས་འགྱུར་རོ།། མང་དང་།
13b2 སྦྲ་ཙི་ཀར་ལྷུང་བཟེད་ཀྱི་ནང་དུ་བཅུག་སྟེ་དུས་གསུམ་དུ་མེ་ཏོག་དྲི་ཞིམ་པོ་ལ་སོགས་པས་མངོན་པར་མཆོད་ཅིང་སྔགས་བཟླས་ན་གང་འདོད་པ་དེ་དབང་དུ་འགྱུར་རོ།། པད་མ་དཀར་པོའི་སྐུད་པའི་སྡོང་བུ་བྱས་ལ་བ་སར་སྐྱའི
13b3 མར་གྱི་ཡོལ་བཏང་བའི་ཁམ་ཕོར་ལ། དུ་བ་ཆགས་པ་ལ་བརྒྱ་རྩ་བརྒྱད་མངོན་པར་བསྔགས་པས་མིག་ལ་བསྐུས་ན་སྐྱེ་བོ་ཐམས་ཅད་དགའ་བར་འགྱུར་རོ།། དུར་ཁྲོད་དུ་ཀ་པཱ་ལ་ཆེན་པོ་ལ་པད་མ་དཀར་པོའི་སྐུད་པའི་སྡོང་བུ་དང
13b4 སྣུམ་ཆེན་པོས་མང་དེའི་ཚེས་བརྒྱད་དམ་བཅུ་བཞིའི་ནུབ་མོ་དུ་བ་བསྒྲུབ་པར་བྱས་ལ། དེས་མིག་ལ་བསྐུས་ན་ཐམས་ཅད་དགའ་བར་འགྱུར་རོ།། ཨ་མ་ལེ་བི་མ་ལེ་ཀུམ་ཀུ་མེ་ས་མ་ཡེ་ན། བྷད་དྷི་སི། བྷིན་དུ་ན་བྷི་ན་རི་མ
13b5 བི་ཥ་ཏི། བྷཱི་དྷོ་ཏ་ཡ་ཏི། ཀཧྣ་ཀིཾ། འཾ། བི་སྨ་ཡ་མ་ཧཱ་རཱ་ཛེ། ས་མཱ་དྷི་བྷ་དྷ་ཏ་ཡནཿ། དེ་བེ་བྷྱོ། མ་ནུ་ཥེ་བྷྱཱཾ།། གན་དྷ་ར་བྷེ་བྷྱོ། ཤི་གཾ་གྲ་ཧ་དེ་བ་ཨཱ་ནན་ཏ་སྱ་གྲྀ་ཧ་ནི་ཡཱ། ཨ་ཀ་མ་ན་ཡ་ཀྲ་མ་ཎཱཾ་ཡ་ཛཱ་ཧེ་མཾ་ཨཱ་ཧཱ། སྔགས་ཀྱི་རྒྱལ་པོ
13b6 འདིས་བསྙེན་པའི་ཆོ་ག་བྱས་ལ། ཁང་པའི་མདུན་གྱི་དབུས་སུ་བལྕིས་བླུགས་ལ་གྲུ་བཞིར་བྲིས་ཏེ། དུར་བའི་གཅལ་བཀྲམ་ནས་མེ་སྤང་ལ། ཨ་ར་ཀའི་མེ་ཏོག་བརྒྱ་རྩ་བརྒྱད་བླངས་ནས། སྔགས་བཟླ་ཞིང་མེ་ཏོག་རེ་རེ་མེ་ལ།
13b7 སྦྱིན་སྲེག་བྱས་ན། འདོད་པའི་སྐྱེས་པ་འམ་བུད་མེད་འགུགས་པར་འགྲུབ་པར་འགྱུར་ཞེས་མཁས་པས་དེ་ལྟར་ཤེས་པ་བྱས་ལ་གུས་པར་བྱའོ།། དཔའ་བོ་གཅིག་བུ་གྲུབ་པའི་རྒྱུད་ཀྱི་རྒྱལ་པོ་ལས་ལེའུ་བཞི་པ་རྫོགས་སྷོ།།
13b8 རྒྱ་གར་གྱི་མཁན་པོ་ཆེན་པོ་དེ་པ~ཾ་ཀ་ར་ཤྲཱི་ཛྙཱ་ན་དང་། ལོ་ཙྪ་བ་དགེ་སློང་དགེ་བའི་བློ་གྲོས་ཀྱིས་བསྒྱུར། དགེ་སློང་ཚུལ་ཁྲིམས་རྒྱལ་བས་གཏན་ལ་ཕབ་པའོ།། ། ཐམས་ཅད་མཁྱེན་པ་ལ་ཕྱག་འཚལ་ལོ།། བཅོམ་ལྡན
iiif viewer powered by OpenSeadragon
