| e-texts navigator |
| Wylie |
11b1 མར་སྲང་སུམ་བཅུ་རྩ་གཉིས་དང་། ཡུང་བ་དང་ནི་མ་ལ་ཏི། དུར་བྱིད་ཨ་རུ་རར་བཅས་པ།། དེ་དག་ཆ་ནི་སྲང་རེ་དང་། པི་བི་ལིང་དང་བྱི་དང་ཀ། སེན་དྷ་བེ་དང་ཀ་རར་བཅས། དེ་དག་སྲང་གི་བཞི་ཆར་ཤེས།། སྨན་རྣམས་དག་ནི
11b2 བཏགས་ནས་ཀྱང་། ། དེ་ལ་འདི་དག་བླུགས་བྱས་ལ།། དེ་དག་ཐམས་ཅད་ཆ་མཉམ་པ།། མེ་ཆུང་ངུ་ལ་དེ་སྐོལ་བྱ།། དེ་ནས་འཐུངས་པ་ཙམ་གྱིས་ནི།། བླ་མེད་དག་ནི་དག་འགྱུར་དང་། མཚན་བདུན་ཉེ་བར་ལོངས་སྤྱོད་པས།། མི
11b3 འམ་ཅི་དང་སྐད་མཚུངས་འགྱུར། ། ཟླ་གསུམ་ཉེ་བར་ལོངས་སྤྱོད་པས།། མི་ནི་ཤེས་རབ་གནས་སུ་འགྱུར།། ཟླ་གསུམ་རབ་ཏུ་སྦྱོར་བ་ཡིས།། ཐོས་པ་མཆོག་ནི་འཛིན་པར་འགྱུར།། ཟླ་བ་དྲུག་གིས་མངོན་སུམ་དུ།། མི་ནི་ངག་དབང་།
11b4 མཚུངས་པར་གྱུར།། མཛེན་དབཅཝ་བརྒྱད་དག་དང་ནི། ཟ་བྱེད་ཆེན་པོ་བདུན་འཇོམས་བྱེད།། ཨོཾ་ཨ་ནན་ཏ་ཛྙཱ་ན་ཤཱི་ཡེ། མཉ་ཛུ་ཤྲཱི་ཡེ་ན་མཿགོང་དུ་སྨོས་པའི་ལྷ་མོ་བཞིས་བསྐོར་བའི་ངག་གི་དབང་ཕྱུག་ཏུ་བདག་ཉིད་བསམས་ལ།
11b5 སྔར་བཤད་པའི་རིམ་པས་སྔགས་བཟླས་པ་བྱས་ན། གོང་དུ་སྨོས་པའི་ལས་ཐམས་ཅད་བྱེད་པར་འགྱུར་རོ།། ཨོཾ་ཨ་ར་པ་ཙན་དྷཱིཿསྭཱ་ཧཱ། དབེན་པར་དཀྱིལ་འཁོར་བྱས་ཏེ། བཅོམ་ལྡན་འདས་ངག་གི་དབང་ཕྱུག་དང་བྲམ་རྗེ་བཙུན་ཡང
11b6 དག་པར་མཆོད་དེ། བདེ་བའི་སྟན་ལ་འདུག་ནས་བྱང་ཆུབ་ཏུ་སེམས་བསྐྱེད་པར་བྱའོ།། དེ་ནས་ཨོཾ་སྭ་བྷཱ་བ་བི་ཤུད་དྷཱཿསརྦ་དྷརྨཱཿསྭ་བྷཱ་བ་ཤུད་དྷི་ཧཾ། ཞེས་བྱ་བའི་སྔགས་ལན་གསུམ་གྱི་བར་དུ་བརྗོད་དེ། བདག་དང་འཇིག་རྟེན་རང
11b7 བཞིན་གྱིས་རྣམ་པར་དག་པར་བསམས་ལ་སྟོང་པ་ཉིད་མངོན་དུ་བྱས་ནས། པད་མ་དཀར་པོའི་སྟེང་གི་ཟླ་བའི་དཀྱིལ་འཁོར་གྱི་སྟེང་ན་བཞུགས་པ། སྐུ་མདོག་དཀར་པོ་རལ་གྲི་དང་པོ་ཏི་བསྣམས་པར་བདག་ཉིད་ཡུད་ཙམ་གྱིས
11b8 ཡོངས་སུ་གྲུབ་པར་རྣམ་པར་བསམས་ལ། ངག་གི་དབང་ཕྱུག་བདག་ཉིད་ཀྱི་གཡས་སུ་སྨ་ཅན་དང་གཡོན་དུ་ཉེ་བའི་སྒྲ་ཅན་མ་རིན་པོ་ཆེའི་པད་མ་བསྣམས་པ་སྐུ་མདོག་དཀར་པོ་རྣམ་པར་བསམ་མོ།། མདུན་དུ་ཉི་མ་འོད་མདོག
iiif viewer powered by OpenSeadragon
