| e-texts navigator |
| Wylie |
10b1 ཕན་འདོགས་པས་ཞུགས་པས། སྒྲུབ་པ་པོ་རྣམས་ལ་མངོན་པར་འདོད་པའི་དངོས་གྲུབ་སྩོལ་བ་ལ་དགྱེས་པ། སྟོན་ཀའི་ཟླ་བ་ལྟར་དཀར་བ་ཙན་དན་དཀར་པོའི་འདེ་གུས་བྱུགས་ཤིང་མེ་ཏོག་གིས་མཛེས་པར་བརྒྱན་པ། ན་བཟའ
10b2 དཀར་པོ་དང་པྲ་ཏིག་གི་ཕྲེང་བས་ཐུགས་ལ་མཛེས་པར་བྱས་པ། ། སུ་རིན་པོ་ཆེ་སྣ་ཚོགས་ཀྱིས་བརྒྱན་པའི་སྐུལས་ཡོངས་སུ་སྨོས་པའི་འོད་ཟེར་སྟོང་གིས་མཐའ་ཡས་ཤིང་དཔག་ཏུ་མེད་པའི་འཇིག་རྟེན་གྱི་ཁམས་སྣང་བར་བྱེད།
10b3 པ། ལོ་བཅུ་གཉིས་ཀྱི་ན་ཚོད་དུ་འཁྲུངས་པའི་སྐུ་ཅན། ངག་གི་དབང་ཕྱུག་མ་ཆེན་མོར་བདག་ཉིད་རྣམ་པར་བསམ་མོ།། མདུན་དུ་ཤེས་རབ་མ་དང་གཡས་སུ་ཡིད་གཞུངས་མ་དང་རྒྱབ་དུ་བློ་མ་དང་གཡོན་དུ་དྲན་པ་མགོང་དུ
10b4 སྨོས་པའི་ཡོན་ཏན་ཐམས་ཅད་ཀྱིས་མཛེས་པར་ལྷ་མོ་རྣམ་པར་བསམ་པར་བྱའོ། ། དེའི་འོག་ཏུ་ལྟེ་བའི་ཕྱོགས་སུ་ཟླ་བའི་དཀྱིལ་འཁོར་གྱི་དབུས་སུ་ཡི་གེ་ཨོཾ་མདོག་དཀར་པོ་རྣམ་པར་བསམས་ལ་དེ་ལས་བྱུང་བའི་ངག་གི
10b5 དབང་ཕྱུག་རང་བཞིན་མ་ལུས་པའི་ཕྲེང་བ་རྒྱུན་མི་འཆད་པར་འབྱུང་བར་རྣམ་པར་བསམ་ཞིང་། གཅིག་པུ་དེར་ཕྱོགས་པའི་ཡིད་ཅན་གྱི་སྔགས་པས་ངེས་པར་བདག་ཉིད་ཀྱི་རང་གི་ལྟེ་བའི་དབུས་ན་གནས་པ་མི་སྨྲ་བས
10b6 བཟླས་པ་བྱས་ན། ཟླ་བ་གཅིག་གིས་དབྱངས་ཅན་གྱི་ངག་རབ་ཏུ་འཐོབ་པར་འགྱུར་ཞིང་ཟླ་བ་གསུམ་གྱིས་ཚངས་པ་གསོད་པ་ཡང་འགྲུབ་པར་འགྱུརརོ།། ཟླ་བ་དྲུག་གིས་དབྱངས་ཅན་དང་མཉམ་པར་འགྱུར་རོ།། ར་ཡི་འོ་མ་ཨ
10b7 རུ་ཚྭབ་གསུམ། ། བ་ཋ་ཤུ་དག་སེ་གྲུ་སེན་དྷ་བྷ།། ལན་བདུན་མངོན་བསྔགས་མར་དག་ནི།། འཐུངས་ན་དབྱངས་ཅན་འགྲུབ་པར་འགྱུར།། ར་ཡི་འོ་མ་བྲེ་བཞི་དང་།། སྨན་རྣམས་སྲང་གཅིག་ཙམ་གྱི་ཆང་།། མར་བྲེ་གང་དང་།
10b8 མཁས་པ་ཡིས།། རིམ་གྱིས་མེ་ཆུང་ལ་བསྐོལ་བྱ།། ཟླ་གཅིག་ཙམ་ཞིག་རབ་སྦྱར་ན།། ཐ་མེད་ཚིག་ནི་ཐོབ་འགྱུར་ཞིང་།། ཟླ་དྲུག་ཉེ་བར་ལོངས་སྤྱད་པས།། ངག་གི་དབང་ཕྱུག་མངོན་སུམ་འགྱུར།། ཤུ་དག་ཤིང་དངར
iiif viewer powered by OpenSeadragon
