| e-texts navigator |
| Wylie |
10a1 དང་མདའ་དང་ཐོ་བ་དང་། ཞགས་པ་ལ་སོགས་པ་བསྒྲུབ་པར་བྱ་ཞིང་། རིག་པ་ལ་སོགས་པ་དང་བཅུད་ཀྱིས་ལེན་ལ་སོགས་པ་འདུས་བྱས་པ་བསྒྲུབ་པར་བྱའོ།། ཡང་ན་མིག་སྨན་ནམ་ཐིག་ལེ་འམ་རྐང་བསྲ
10a2 དབང་དུ་བྱས་པའི་རྫས་བསྡུས་ཏེ་བསྒྲུབ་པར་བྱའོ། ། འོ་མ་འཐུང་བ་དང་ཞོ་འཐུང་བས་མར་དང་བཅས་པ་ཁར་དང་བཅས་པས་སྣོད་བཀང་སྟེ། ལག་པས་བཀབ་ནས་བཟླས་པ་བྱས་ཏེ་འཐུངས་ན་ལོ་ལྔ་བརྒྱ་འཚོ་བར་འགྱུར
10a3 རོ། ། མཱ་ཤཱ་ཁར་བཅུགནས་བཟླས་པ་བྱས་ཏེ་མིང་ན་སྡེབ་སྦྱོར་དང་ཐོས་པ་འཛིན་པ་དང་སྨ་མཁས་པ་དང་ཡིད་གཞུངས་པར་འགྱུར་རོ།། པད་མའི་སྦྱིན་སྲེག་འབུམ་གྱིས་བཅོམ་ལྡན་འདས་མངོན་སུམ་དུ་འགྱུར་རོ།། བིལ
10a4 བའི་སྦྱིན་སྲེག་འབུམ་གྱིས་འཇིག་རྟེན་གསུམ་གྱིས་རྒྱལ་སྲིད་འགྲུབ་པར་བྱེད་དོ། ། ཇི་ལྟ་བ་བཞིན་དུ་རྙེད་པའི་མེ་ཏོག་གི་སྦྱིན་སྲེག་གིས་ངག་གི་དངོས་གྲུབ་ཐོབ་པར་འགྱུར་རོ།། མར་ལ་བཏགས་པའི་འབྲུ་ལྔའི་སྦྱིན་སྲེག
10a5 འབུམ་ཕྲག་བཞི་བྱས་པ་ཙམ་གྱིས་གནོད་སྦྱིན་མོ་དང་ཀླུའི་བུ་མོ་ལ་སོགས་པ་འགུགས་པར་བྱེད་དོ། ། དེ་བཞིན་དུ་ཡམ་ཤིང་ལྔས་ཀྱང་བྱའོ།། རྟག་ཏུ་གོམས་པར་བྱས་ན་ཚེ་འདི་ཉིད་ལ་སངས་རྒྱས་ཉིད་ཀྱང་སྒྲུབ་པར་བྱེད་པར
10a6 འགྱུར་རོ། ། ཨོཾ་རྩི་ཧཱུ། སྔགས་ཀྱི་རྒྱལ་པོ་འདི་འབྲས་བུ་མཉམ་པོར་སྟེར་བར་བྱེད་དོ།། ཨོ་གྣི་མ་ཧཱ་མཱ་ཡཱང་གེ་མ་ཧཱ་སྭ་རས་ཏྱེ་ན་མཿརྗེ་བཙུན་འཕགས་མ་སྒྲོལ་མའི་སྙིང་པོ་འདིས་ལས་ཐམས་ཅད་བྱེད་པར་འགྱུར་རོ།། ཨོཾ་པྲ་ཀྲྀ་ཏི
10a7 པ་རི་ཤུད་དྷཱཿསརྦ་དྷརྨཱཿཔྲ་ཀྲི་དྷཱ། པ་རི་ཤུད་དྷོ་ཏིཥཥཱ་ཧུ་བཱན་དར་ན་ན་ཨཱི་ཏི། ཞེས་བྱ་བས་ཆུབ་དང་མི་རྒ་བ་དང་བཅས་པའི་སྣ་ཚོགས་པ་དང་བདག་ཉིད་རང་བཞིན་གྱིས་ཡོངས་སུ་དག་པར་བསམ་ལ། པད་མ་དཀར་པོ།
10a8 ཁྲུ་བདུན་པའི་ཚད་དང་དེའི་སྟེང་དུ་ཟླ་བའི་དཀྱིལ་འཁོར། དེའི་སྟེང་དུ་ཕྱག་གཉིས་པ་པད་མ་དང་མཆོག་སྦྱིན་གྱིས་རྣམ་པར་མཛེས་པ། བཅོམ་ལྡན་འདས་མཐུགས་རྗེ་ཆེན་པོའི་རང་བཞིན་གྱི་སྐུ་ཅན། གཅིག་ཏུ་གཞན་ལ
iiif viewer powered by OpenSeadragon
