| e-texts navigator |
| Wylie |
15a1 སྒྲིབ་པ་ཐམས་ཅད་ཟད་པར་འགྱུར་ན། འདོན་པ་དང་བཟླས་བརྗོད་བྱེད་པ་ལྟ་ཅི་སྤྲོས་ཏེ། དེ་བཞིན་གཤེགས་པ་དེ་ཉིད་བྱོན་ནས་འདི་སྐད་དུ་རིགས་ཀྱི་བུ་ཚུར་ངའི་གན་དུ་ཤོག་ཅེས་ཀྱང་གསུང་བར་འགྱུར
15a2 རོ། ། འཕགས་པ་ལས་ཀྱི་སྒྲིབ་པ་ཐམས་ཅད་རྣམ་པར་སྤྱོད་པ་ཞེས་བྱ་བའི་གཟུངས་རྫོགས་སྷོ།། སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།། དགེ་འདུན་ལ་ཕྱག་འཚལ་ལོ།། འཕགས་པ་སུན
15a3 རས་གཟིགས་དབང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱག་འཚལ་ལོ། ། དེ་རྣམས་ལ་ཕྱག་འཚལ་ནས་རིག་པ་འདི་འཛིན་གྱིས།། རིག་པ་འདི་བདག་ལ་གྲུབ་པར་གྱུར་ཅིག། ཏདྱ་ཐཱ། ཧ་ན་ཧ།
15a4 ན་སཱ་ནེ། ན་པ་སཱ་ནེ། ཛྭ་ལ་ཛྭ་ལ་ནེ། ཙ་ལ་ཙ་ལ་ནེ། པུརྦ་ཡོ་ག་མ་ནུ་སྨ་ར་ཕཊ། མ་ཧཱ་ཧ་ཏ་ཡ་སྭཱ་ཧཱ། གང་གིས་རིག་པ་འདི་ཀླགས་པ་དེ་ཚེ་རབས་བརྒྱ་སྟོང་དུ་སྐྱེ་བ་དྲན་པར་འགྱུར་རོ།། འདི་ནས་ཤི་འཕོས
15a5 ནས་ཀྱང་བདེ་ལྡན་གྱི་འཇིག་རྟེན་དུ་སྐྱེ་བར་འགྱུར་རོ། ། བདེ་ལྡན་གྱི་སྙིང་པོ་རྫོགས་སྷོ།། རྒྱ་གར་སྐད་དུ། ཨཱརྱ་བུད་དྷ་ཧྲི་ད་ཡ་ནཱ་མ་དྷཱ་རཎཱི། བོད་སྐད་དུ། འཕགས་པ་སངས་རྒྱས་ཀྱི་སྙིང་པོ་ཞེས་བྱ
15a6 བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ནི། བཅོམ་ལྡན་འདས་རྒྱ་མཚོའི་འགྲམ་གྱི་བསྐྱེད་མོས་ཚལ་ན་སངས་རྒྱས
15a7 ཀྱི་སྤྱོད་ཡུལ་གྱི་ཤིར་ལྗོན་པ་ཀུན་ནས་སེང་གེའི་ཁྲི་ལ་བཞུགས་ཏེ། ལྷའི་འཁོར་གྱིས་ཀུན་ནས་བསྐོར་ཅིང་མདུན་གྱིས་བལྟས་ཏེ་ཆོས་སྟོན་ཏོ།། དེ་ནས་བཅོམ་ལྡན་འདས་ཀྱིས་དབང་ཕྱུག་ཆེན་པོ་དཀའ་ཐུབ
15a8 བཟང་པོ་ལ་སོགས་པ་གནས་གཙང་མའི་རིས་ཀྱི་ལྷའི་བུ་རྣམས་ལ་བཀའ་སྩལ་པ། ལྷའི་བུ་དག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ།། དེ་བཞིན་གཤེགས་པ་ཕྱི་མའི་དུས་དང་འཁོར
iiif viewer powered by OpenSeadragon
