| e-texts navigator |
| Wylie |
265a1 མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་དེའི་ཕྱིར་ཆོས་ཀྱི་རྣམ་གྲངས་འདི་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པ་བཻ་དཱུརྱའི་འོད་ཅེས་བྱ་བར་ཟུང་ཤིག། ལས
265a2 ཀྱི་སྒྲིབ་པ་ཐམས་ཅད་རྣམ་པར་འཐག་ཅིང་སྦྱོང་བ་ཞེས་བྱ་བར་ཡང་ཟུང་ཤིག། དེ་བཞིན་གཤེགས་པ་བདུན་གྱི་རྣམ་པར་འཕྲུལ་པ་བསྟན་པ་ཞེས་བྱ་བར་ཡང་ཟུང་ཤིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། འཇམ་དཔལ་གཞོན་ནུར
265a3 གྱུར་པ་དང་། ཐམས་ཅད་དང་ལྡན་པའི་འཁོར་དེ་དག་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དེ་བཞིན་གཤེགས་པའི་ཏིང་ངེ་འཛིན་གྱི་སྟོབས་བསྐྱེད་པ་བཻ་དཱུརྱའི་འོད་ཅེས་བྱ་བའི་གཟུངས་རྫོགས་སྷོ།།
265a4 རྒྱ་གར་གྱི་མཁན་པོའི་ཛིན་མི་ཏྲ་དང་། དཱ་ན་ཤཱི་ལ་དང་། ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དྷེ་ཡེ་ཤེས་བསྒྱུར་ཅིང་ཞུས་ཏེ་གཏན་ལ་བབ་པའོ།། སླད་ཀྱིས་རྒྱ་གར་གྱི་མཁན་པོ་དཱི་བཾ་ཀ་ར་ཤྲི་ཛྙཱ་ན་དང་། དགེ་སློང་ཚུལ་ཁྲིམས་རྒྱལ་བས་ཐོ་ལིང
265a5 གསེར་ཁང་དུ། སྐད་གསར་ཆད་ཀྱིས་ཀྱང་གཏན་ལ་ཕབ་པའོ།། རྒྱ་གར་སྐད་དུ། ཨཱརྱ་མ་ཧཱ་མ་ཎི་བི་པུ་ལ་བི་མཱ་ན་བེ་ཤཱ་སུ་པྲ་ཏིཥྛི་ཏ་གུ་ཧྱཾ་བ་ར་མ་ར་ཧ་སྱན་ཀ་ལ་བ་རཱ་ཛཱ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ནོར་བུ་ཆེན་པོ་རྒྱས་པའི་གཞལ
265a6 མེད་ཁང་ཤིན་དུ་རབ་ཏུ་གནས་པ་གསང་བ་དམ་པའི་གསང་བའི་ཆོ་གཞིབ་མོའི་རྒྱལ་པོ་ཞེས་བྱ་བའི་གཟུངས། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཀྱིས་རྒྱལ་པོའི
265a7 ཁབ་ཀྱི་གྲོང་ཁྱེར་ཆེན་པོར་འདུས་པ་དང་པོ་ལ་བདུད་བྱེ་བ་ཕམ་པར་མཛད། དཔྱོད་པ་པ་དང་། ཀུན་ཏུ་རྒྱུ་དང་། གཅེར་བུ་པ་ཐམས་ཅད་དང་། མུ་སྟེགས་ཅན་གཞན་རྣམས་ཀྱང་བརྟུལ་ནས་ཕམ་པར་མཛད་དེ། འཁོར་བའི་སྐྱོན་འཁོར་བའི་ཆུ་བོའི་ཕ་རོལ
265a8 ཏུ་གཤེགས་སོ། ། གང་གི་ཚེ་བདུད་ཀྱི་སྡེ་བྱེ་བ་ཁྲག་ཁྲིག་བརྒྱད་སྟོང་ཕྲག་དུ་མ་གཡོག་བདུད་ཀྱི་སྡེ་ཕྲག་དཀྲིགས་པ་ཅན་དག་གིས་འཛམ་བུའི་གླིང་བཀང་བ་དེའི་ཚེ། བཅོམ་ལྡན་འདས་ཀྱིསས་རྡོ་རྗེར་བྱིན་གྱིས་བརླབས་ནས་སེམས་ཅན་དེ་དག་གིས
iiif viewer powered by OpenSeadragon
