| e-texts navigator |
| Wylie |
165b1 དག་གིས་རངས་ནས་ནི། ། ཨོཾ་བཛྲ་ཙཎ་ཌ་སརྦ་དུཥྚཱཾ་བེ་ཤ་ཛ།། མཚོན་ཆ་དག་གིས་བཅད་ལ་སོགས།། ཨོཾ་བཛྲ་ཙཎ་ཌ་སརྦ་དུཥྚ་ཏ་ཀ་ཧ་ན་ད་ཧ་བ་ཙ་ཧཱུ~ཾ་ཕཊ། ཀྵ་ལི་བཟླས་པ་འབུམ་བྱས་ཏེ།། ཉ་དང་འབྱུང་པོའི་ཉི་མ་ལ། བདག་ཉིད་རྒྱན་དང་ལྡན་བྱས་ལ།། རྫས
165b2 དང་སྔགས་ཀྱིས་བསྲུང་བ་བྱ། ། བཞི་མདོ་ལྷ་ཁང་དུས་ནམ་བྱེད།། སྔགས་ཀྱི་རྒྱལ་པོ་བཟླས་བྱས་ཏེ།། དེ་ནས་འཁོར་ལོ་བྲི་བར་བྱ།། སྟེང་འཁོར་འོག་འཁོར་དུག་ཤིང་གིས།། དགའ་དང་ལེགས་པའི་སེམས་ཀྱིས་བྲི།། རས་མ་ཉམས་ལ་གུར་གུམ་མཆོག། དབུས
165b3 སུ་ཕྱག་ན་རྡོ་རྗེ་ལ། ། དཔྲལ་བ་སྙིང་ཁ་ལྐོག་མཿ།། ཡི་གེ་གསུམ་བཀོད་སྐུ་གསུམ་སྟེ།། རྒྱན་དང་ཆ་ལུགས་ཚང་བར་བྲི།། འཁོར་ཡུག་ཐམས་ཅད་དུཥྚི་བྲི།། ཞབས་དང་སྤྱི་བོ་གཡས་དང་གཡོན།། ཟླ་བ་ཉི་མ་དབུས་སུ་ནི།། རྒྱལ་པོ་བཞི་ཡི་མཚན་མ་གྲི།། མཚམ
165b4 བཞིར་རྡོ་རྗེ་གདན་ལ་ཏཱཾ། འཁོར་ཡུག་ལ་ནི་ཤེས་རབ་ཐབས།། ཧཱུཾ་ལས་དམ་ཚིག་སེམས་དཔའ་ལ།། ཡེ་ཤེས་སྤྱན་དྲང་མཆོད་དེ་ཞུ།། འོག་འཁོར་སྦལ་ནག་ཡན་ལག་ལྔ།། སྙིང་དང་དྲུག་དུ་མིང་རུས་གཞུག། ཕྱོགས་བཞིར་རྩིབས་ལ་མཚམས་བཞིར་ཐོད།
165b5 རྩིབས་དང་བོད་ཀར་མིང་རུས་ཏེ།། ཁོར་ཡུག་གཉིས་ལ་བསྟོད་པས་བསྐོར།། སྦལ་ཀར་ཧྲི་ལས་འོད་བྱུང་སྟེ།། ས་བདག་ཀླུ་ཆེན་བཀུག་སྟེ་མཆོད།། མཆོད་པའི་རྫས་ནི་འོ་མ་སོགས།། དེ་ནས་བསྒྲལ་བྱ་དགུག་བྱ་སྟེ།། སྐུ་གསུང་ཐུགས་ལ་ལེགས་གནས་པ།།
165b6 མིང་དང་རུས་ལ་བསྟིམ་སྟེ་བཞག། ཐོད་པ་ལས་སྲིན་ཧཱུ~ཾ་ལས་བསྐྱེད།། དེ་ལ་སྦྱོར་བ་ལེགས་པར་བྱ།། ཀླུ་ལ་དམ་བདར་མཆོད་པ་བྱ།། ཕུར་པས་ཕྱོགས་མཚམས་གཅད་པར་བྱ།། འོག་མས་ཕྱོགས་སུ་དྲངས་ན་འགྲུབ།། དེ་ནས་གསོལ་བ་འདེབས་པ
165b7 རྣམས། ། ངོ་མཚར་ནས་ཆེད་དུ་བརྗོད་པ།། རྨད་བྱུང་ཆེན་པོ་ཆོས་རྣམས་ལ།། རྣམ་པར་མི་རྟོག་ངོ་བོ་ཉིད།། ཆོས་རྣམས་རང་བཞིན་དག་པ་ལ།། ཀུན་རྫོབ་ཏུ་ཡང་བཤད་པ་མཚར།། དེ་ནས་ཐོག་མར་གྱུར་པའི་འཁོར་རྣམས་འཇིག་རྟེན་གཞན་ནས་བྱོན་པའི་སྟོན
165b8 པ་འཁོར་དང་བཅས་པ་ལ། ཐོ་འཚམས་ནས་བཅོམ་ལྡན་འདས་རྡོ་རྗེ་འཛིན་པས།། གནོད་བྱེད་ཐམས་ཅད་ཟློག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཨོཾ་བཛྲ་པཱ་ཎི་ཧྲི་ད་ཡ་གསུངས་པས་གཞན་ནས་བྱོན་པའི་སྟོན་པ་འཁོར་དང་བཅས
iiif viewer powered by OpenSeadragon
