| e-texts navigator |
| Wylie |
164a1 འོད་ཟེར་དག་གིས་བཀུག་བྱས་ལ།། རང་སྙིང་རྡོ་རྗེ་ཧཱུཾ་ལ་ཐིམ།། དེ་ལ་མཆོད་བསྟོད་སྣ་ཚོགས་བྱ།། རྡོ་རྗེ་དག་ལ་ཡེ་ཤེས་དམ་པ་ཡིས།། མི་བྱུང་བས་ནི་རྡོ་རྗེ་འུ་གྱུར་ནས།། འཁོར་ལོའི་རྣམ་པར་གྱུར་པར་བསམ།། སྭ་ནི་སྐུ་པི་རྣམ་པ
164a2 སྟེ། ། མཚན་མ་མཚན་མའི་རྣམ་པར་རོ།། ས་དེ་བསྡུས་པ་ཀིར་ཏི་དང་།། བསྲེགས་པའི་ནང་དུ་འཁོར་ལོ་གཞུག། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བསྟོད་པ། སེམས་ཅན་རྣམས་ལ་ཕན་གདགས་ཕྱིར།། སྟོན་པ་ཁྱབ་བདག་རྡོ་རྗེ
164a3 འཛིན། ། གདུལ་ཀ་ཐམས་ཅད་འདུལ་བའི།། བསྲུང་བའི་འཁོར་ལོ་ངོ་མཚར་ཆེ།། འཇིག་རྟེན་གསུམ་འདུལ་བའི་རྒྱུད་ལས་ས་འོག་འདུལ་བ་སྟེ་ལེའུ་གཉིས་པའོ།། ། དེ་ནས་མི་མཇེད་ཀྱི་འཇིག་རྟེན་གྱི་ཁམས་ཀྱི་ཕྱག་ན་རྡོ་རྗེ་རྣམས་ཀྱིས
164a4 བཅོམ་ལྡན་འདས་རྡོ་རྗེ་འཛིན་པ་ལ་མཆོད་པ་ཐམས་ཅད་ཀྱིས་མཆོད་ནས་ཕྱག་འཚལ་ཏེ་གསོལ་བ་བཏབ་པ། དེ་ནས་སྔགས་སྙིང་ཀུན་འདུས་པ།། སེམས་ཅན་ཀུན་ལ་ཕན་པའི་ཕྱིར།། སྟོན་པ་དཔལ་ལྡན་རྡོ་རྗེ་འཛིན།། རིག་སྔགས
164a5 གཅོད་བྱེད་བཤད་དུ་གསོལ། ། དེ་ནས་སྟོན་པ་རིག་སྔགས་གཅོད།། གསུང་ནི་འདི་སྐད་བཀའ་སྩལ་ཏོ།། དང་པོ་བསྙེན་པ་བྱ་བ་སྟེ།། མཆོད་རྟེན་སྔོན་པོ་བརྩིགས་པ་དང་།། རས་རིས་ལ་སོགས་བྲི་བྱ་སྟེ།། ལྕེའི་སྒྲིབ་པ་སྤང་བའི་ཕྱིར།
164a6 ཡི་གེ་བརྒྱབས་བཤགས་པ་བྱ།། དེ་ནས་ཚངས་པའི་གནས་བཞི་བསྒོམ།། སྟོང་པ་ཉིད་ལས་འདི་གསུམ་མཐའ།། ཡོངས་སུ་གྱུར་པ་རྡོ་རྗེ་ས།། དེ་ལ་བཛྲ་པཱ་ནིས་མཚན།། ལྟེ་དབུས་སྔགས་ལ་ལྷ་སྤྲོ་བསྡུ།། བྱས་པས་ཕྱག་ན་རྗེ
164a7 རྗེར་འགྱུར། ། ལྷའི་སྐུ་མདོག་རྒྱན་ལ་སོགས།། རྩ་བའི་རྒྱུད་ལས་ཤེས་པར་བྱ།། བདག་ཉིད་ཐུགས་ཁའི་དཔལ་བེའུ་ལས།། འོད་ཟེར་འཕྲོས་པས་བཅོམ་ལྡན་བསྡུ།། འོད་ཟེར་གཉིས་པའི་རྩེ་མོ་ལས།། མཆོད་པ་རྣམ་པ་བཅུ
164a8 སྤྲོས་ཏེ། ། བཅོམ་ལྡན་ཚོགས་ལ་མཆོད་པ་བྱ།། དེ་ནས་ཡང་དག་བསྟོད་བྱས་ལ།། འོད་ཟེར་གསུམ་པས་སྙིང་ཁར་གཞུག། སྙིང་ཁའི་མཚན་མ་ཟླ་དཀྱིལ་ཐིས།། བཛྲ་ཉི་ཤུ་གཅིག་དབུས་གནས།། དེ་ལ་སྔགས་རྒྱལ་བསྐོར
iiif viewer powered by OpenSeadragon
