| e-texts navigator |
| Wylie |
163b1 བྲི། དེ་མཐའ་མཚན་མ་ཉི་ཤུ་བཞི། རང་དབུས་སརྦད་ཐཾ་དང་།། སྡེ་ཚན་དང་པོ་བཅཝ་བརྒྱད་དགོད།། དབུས་མཚན་ལྟེ་བར་མིང་བྲིས་ལ།། དེ་རྣམས་ཕྱག་ན་རྡོ་རྗེའི་དབུས།། དབུས་མའི་ཕྱག་ན་རྡོ་རྗེལ།། བསྟོད་པའི་སྔགས་ཀྱིས་བསྐོར་བར་བྱ།། རྡོ་རྗེ་ཉི་ཤུ
163b2 བཞི་ལ། ། ཀླུ་འདུལ་སྔགས་ཀྱིས་བསྐོར་བར་བྱ།། དེ་ནས་བཅོམ་ལྡན་འདས་རྡོ་རྗེ་འཛིན་པས་ཀླུ་འདུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སངས་རྒྱས་གང་གཱ་ཀླུང་གིས་གསུངས་པའི་རིག་སྔགས་འདི་བཀའ་སྩལ་ཏོ།།
163b3 6ཐཱ། པྲད་ད་བ་བི་བྲིད་དྷ། མ་དྷི་པྲབ་ཏ། ཧར་བཱར་ནཱ་ག་ནཱཾ། པྲ་ཧེ་ར་པྲ་ཧཱ་ར་ནཱ་ག་ནཱཾ། ནཱི་དྷི་ནཱ་ག་ཙིད་ཡཱ་ནི། བྷིན་ད་བྱེན་དནཱ་ག་དམ་ཎི། བི་ས་མ་དྷནཱ་ག་ཤ་དི་རཱི་བི་སྥོཊ་ཡ། སྔགས་དེས་ཀླུ་རྣམས་སྐྲག་སྟེ། རང་རང་གི་གནས་སུ་འབྲོས་པར་ཆས
163b4 པ་ལས་ནཱ་ག་ཡ་ནཱི་ནི་ཞེས་གསུངས་པས་ལུས་མི་གཡོ་བར་འགྱུར་རོ། ། དེ་ནས་དཀོན་མཆོག་གསུམ་ལ་སྐྱབས་སུ་མཆི་སྟེ། རང་རང་གི་གནས་སུ་དོང་ངོ་།། ཕྱི་ཡི་ཕྱག་ན་རྡོ་རྗེ་ལ།། ལྷ་སྲིན་སྔགས་ཀྱིས་བསྐོར་བར་བྱ།། གཉིས་ལ་རིགས་ཀྱི་ནག
163b5 པོས་བརྒྱན། ། རྒྱན་དང་ཆ་ལུགས་ཚང་བ་ལ།། དབུས་ནས་རིམ་པ་ཅི་བཞིན་དུ།། ཨོཾ་དང་ཧཱུ~ཾ་མཐའ་པཱ་ཎིའི་སྔགས།། ཕྲེང་བ་བསྣམས་པ་བྲི་བར་བྱ།། ཨོཾ་གྱིས་རྡོ་རྗེ་ལྟེ་བར་མཚན།། ཧཱུཾ་གིས་ཤེས་རབ་ལྕེ་ལ་མཚན།། ཕྱི་ཡི་ལྕགས་རི་དག་ལ་ནི།།
163b6 ཐབས་དང་ཤེས་རབ་དག་དང་བྲི།། བསྒྲུབ་བྱ་རྡོ་རྗེ་ལྟེ་བར་བཅའ།། གུར་གུམ་གྱིས་ནི་བྲི་བར་བྱ། ཡར་ངོའི་ཚེས་བརྒྱད་ནས་བཟུང་སྟེ།། བྲིས་ནས་དེ་ནུབ་ནས་བཟུང་བ།། བཅུ་བཞི་བར་དུ་བསྙེན་པ་བྱ།། བཅཝ་ལྔའི་ནུབ་མོ་བསྒྲུབ་པ་སྟེ།། དཀྱིལ
163b7 འཁོར་ཆ་ལུགས་ལྡན་པ་ལ། ། ལྷ་སྣམ་སྟེང་དུ་པུས་བཙུགས་ལ།། ཆོ་ག་བཞིན་དུ་བསྐྱེད་པར་བྱ།། འཁོར་ལོ་དག་ལ་བསང་བྱས་ལ།། འཁོར་ལོ་སྟོང་པ་ཉིད་དུ་བསྒོམ།། སྟོང་པ་ཉིད་ལས་ཧཱུ~ཾ་བྱུང་སྟེ།། དེ་ཞུ་བ་ལ་རྡོ་རྗེ་ནི།། བཛྲ་པཱ་ཎི་ས་ལྟེ་བར
163b8 མཚན། ། དེ་ལས་འཕྲོ་དང་འདུས་པ་ལས།། ཕྱག་ན་རྡོ་རྗེའི་སྐུར་བསྐྱེད་ལ།། དེས་སྙིང་ཟླ་བ་རྡོ་རྗེས་མཚན།། རྡོ་རྗེ་ལྟེ་བར་ཧཱུ~ཾ་མཚན་ལས།། འོད་ཟེར་སྤྲོས་ཏེ་གོས་སྔོན་བསྡུ།། དེ་ལ་མཆོད་པ་སྣ་ཚོགས་མཆོད།། བསྟོད་དང་བདུན་པོ་བྱས་ནས་ཀྱང་།།
iiif viewer powered by OpenSeadragon
