| e-texts navigator |
| Wylie |
163a1 འདིས་བསྟོད་པས་འགྱུར་བ་བཅུ་གཉིས་དང་། ལྷས་བཅཝ་བརྒྱད་འབྱུང་བས་འཇིག་རྟེན་གྱི་ཁམས་གཞན་ནས་འབྱུང་བའི་ལྷ་དང་མི་ལ་སྩོགས་པ་ཐམས་ཅད་སྐྲག་ནས་དཀོན་མཆོག་གསུམ་ལ་སྐྱབས་སུ་མཆིའོ་ཞེས་བརྗོད་དོ།། འཛིན
163a2 རྟེན་གྱི་ཁམས་གཞན་ན་གནས་པའི་བཅོམ་ལྡན་འདས་ཀྱིས་རང་རང་གི་གདུལ་བྱ་རྣམས་མ་འཇིགས་ཤིག། མི་མཇེད་ཀྱི་འཇིག་རྟེན་གྱི་ཁམས་ན་བྱང་ཆུབ་སེམས་དཔའ་ཕྱག་ན་རྡོ་རྗེ་བཞུགས་པས་འཇིག་རྟེན་མཁྱེན་པ་ལ་བསྟོད་པའི་ལྟས
163a3 ཡིན་གྱིས་ཞེས་གསུངས་སོ། ། རང་རང་གི་འཁོར་དད་པ་དང་ལྡན་པ་རྣམས་ཀྱིས་རང་རང་གི་འཇིག་རྟེན་མཁྱེན་པ་ལ་གསོལ་པ། འཇིག་རྟེན་མཁྱེན་པ་བྱང་ཆུབ་སེམས་དཔའ་དེ་བལྟ་བར་འཚལ་ན་གནང་བར་མཛད་དུ་གསོལ།། དེ་ནས་རང་རང་གི་འཁོར
163a4 རྣམས་རང་རང་གི་སྟོན་པའི་འོད་ལ་འཇུས་ནས་རི་རབ་ཀྱི་སྟེང་ན་ལྕང་ལོ་ཅན་གྱི་ཕོ་བྲང་གི་ནང་དུ་རང་རང་གི་འཁོར་དང་བཅས་པ་བྱོན་ནོ། ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་མཆོད་པ་ཐམས་ཅད་ཀྱིས་མཆོད་དེ་བསྟོད་པ་བྱས་ནས།། བྱང
163a5 ཆུབ་སེམས་དཔའ་བསྟོད་པ་ཡི། ། ངོ་མཚར་བལྟས་ཀྱིས་འདིར་མཆིས་པས།། འཇིག་རྟེན་དུ་འབྱུང་དཀའ་བ་ཡིས།། ཚར་གཅོད་རྗེས་བཟུང་བཤད་དུ་གསོལ།། དེ་ནས་བཅོམ་ལྡན་འདས་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར
163a6 ཞུགས་ནས་དབང་བསྐུར་བ་མཛད་དོ། ། ཨ་བྷི་ཥིཧ་ཙ་ཞེས་གསུངས་པས་སྣོད་དང་ལྡན་པར་བྱས་སོ།། འཇིག་རྟེན་གསུམ་འདུལ་བ་ཞེས་བྱ་བའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། དེ་ནས་བཅོམ་ལྡན་འདས་རྡོ་རྗེ་འཛིན་པ་ལ་བྱང་ཆུབ་སེམས
163a7 དཔའ་ཕྱག་ན་རྡོ་རྗེས་མཆོད་པ་ཐམས་ཅད་ཀྱིས་མཆོད་དེ། ། ལན་གསུམ་དུ་བསྐོར་བ་བྱས་ནས་ཡང་དང་ཡང་དུ་ཕྱག་བྱས་ནས་གསོལ་བ་བཏབ་པ། སེམས་ཅན་ཀུན་ལ་ཕན་པའི་ཕྱིར།། བསྲུང་བ་རྣམས་ཀྱི་མཆོག་གྱུར་པ།། ཕྱག་ན་རྡོ་རྗེ་བསྲུང
163a8 བའི་རྒྱུད། ། ནི་སྡང་གཙོ་བོས་བཤད་དུ་གསོལ།། དེ་ནས་སྔོན་པོ་རྡོ་རྗེ་འཛིན།། ཞེ་སྡང་ཀུན་གྱི་རྒྱ་མཆོག་ཙོ།། འབར་བ་དྲག་པོ་སྤྱན་ཡངས་པས།། གསུང་ནི་འདི་སྐད་བཀའ་སྩལ་ཏོ།། ཟླ་བའི་དཀྱིལ་འཁོར་ལ་གནས་པའི།། དབུས་སུ་ཕྱག་ན་རྡོ་རྗེ
iiif viewer powered by OpenSeadragon
