| e-texts navigator |
| Wylie |
162a1 ཧ་ས་ཧ་ས། དཱ་ར་དཱ་ར་སཱ་ར་ཡ་སཱ་ར་ཡ་ནཱ་ཤ་ཡ་ནཱ་ཤ་ཡ། སརྦ་བི་གྷྣཱན་པི་ནཱ་ཤ་ཀ་རཱ་ཡ་ཕཊ། སརྦ་ཤཏྲུ~ཾ་ས~ཾ་གྷ་བི་ནཱ་ཤ་ཀ་རཱ་ཡ་ཕཊ། ནཱི་ལཱཾ་བར་དྷ་ར་བཛྲ་པཱ་ཎི་རཱ་ཛཱ་བ་ནི་སྭཱ་ཧཱ།། དེའི་ཆོ་ག་ལ་གནོད་སྦྱིན་གྱིས་ཟིན་པ་ལ་ཆུ་ལ་སྔགས
162a2 ཀྱིས་བཏབ་ཏེ་གཏོར་ན་བཏང་བར་འགྱུར་རོ། ། ཀླུ་བཟློག་པར་འདོད་ན་སྤྲུག་ཤད་ཀྱི་ལྕུག་མ་འམ་བལ་པོ་སེའུའི་ལྕུག་མས་བྱའོ།། ཡི་དགས་དང་བརྗེད་བྱེད་རྣམས་ལ་སྐུད་པས་བྱའོ།། རིམས་ནད་མེད་པར་བྱ་བ་དང་། གཞོགས་བྱེད་ན་བ་དང་ཡི
162a3 གའཆུས་པ་ལ་ནི། སྐུད་པ་སྔོན་པོས་བྱའོ།། ནོར་འདོད་ན་ཞག་གཅིག་བསྙུང་བར་འདུག་ཏེ་སྤོས་པོར་གྱིས་གདུགས་ན་རྨི་ལམ་དུ་དགེ་བ་དང་མི་དགེ་བའི་དོན་ཐམས་ཅད་སྟོན་ལ་གསེར་གྱི་དོང་ཚེ་བདུན་སྟོང་སྦྱིན་པར་བྱེད་དོ།། རྒྱས་བཏབ་པ་དགྲོལ
162a4 བར་འདོད་ན་ཐལ་བས་བྱའོ། ། སྒོ་ལྕགས་དབྱེ་བར་འདོད་ན་ཉུངས་དཀར་གྱིས་བྱའོ།། འཇིགས་པ་ཐམས་ཅད་བསྲུང་བ་ལ་ནི་མར་རྙིང་པ་འམ་ཐལ་བ་འམ་ཉུངས་དཀར་གྱིས་བྱའོ།། ནད་ཀྱིས་འཇིགས་པ་ཐམས་ཅད་ལ་ནི་སྐུད་པ་སྔོན་པོ་ལ
162a5 བསྲང་བའི་མདུད་པ་བྱས་ཏེ་མགུལ་ཏུ་བཏགས་ན་བསྲུང་བའི་མཆོག་ཏུ་འགྱུར་རོ། ། བྱིས་པ་གདོན་གྱིས་ཉེན་པ་ལ་ནི་ཚོན་སྣ་ལྔའི་སྐུད་པ་ལ་བསྲུང་བའི་མདུད་པ་བྱས་ཏེ་མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ།། ཆོམ་རྐུན
162a6 ཟློག་པར་འདོད་ན་སས་བྱའོ། ། དུག་ལ་ནིརྩཝ་ཀུ་ཤས་བྱབ་པར་བྱའོ།། བདག་བསྲུང་བ་ལ་ནི་ཡིད་ཀྱིས་སམ་ཆུས་བྱའོ།། གཞན་བསྲུང་བ་ལ་ནི་སྐུད་པ་སྔོན་པོས་བྱའོ།། ལས་དེ་དག་ཐམས་ཅད་ལ་སྔགས་བརྗོད་པ་ནི་ལན་གསུམ་མམ། བདུན་ནམ
162a7 བཅུ་བཞིའམ་ཉི་ཤུ་རྩ་གཅིག་གམ། བརྒྱ་རྩ་བརྒྱད་བརྗོད་པར་བྱའོ།། དེ་ལྟར་བྱས་ན་འགྲུབ་པར་འགྱུར་རོ།། མཆོད་རྟེན་སྐུ་གདུང་དང་ལྡན་པའི་དྲུང་དུ་མེ་ཏོག་སྔོན་པོས་མཆོད་དོ།། སྔགས་སྟོང་བཟླས་བརྗོད་བྱས་ན་འགྲུབ་པར་འགྱུར་རོ།།
162a8 འཕགས་པ་ལག་ན་རྡོ་རྗེ་གིས་སྔོན་པོ་ཅན་གྱི་ཆོ་ག་ཞེས་བྱ་བའི་གཟུངས་རྫོགས་སྷོ།། །། རྒྱ་གར་གྱི་མཁན་པོ་དཱི་པ་ཀར་ཤཱི་ཛྙཱ་ན་དང་། བོད་ཀྱི་ལོ་ཙྪ་བརྒྱ་བརྩོན་འགྲུས་སེང་གེས་དཔལ་ན་ལེན་དྲའི་སྒོ་འགྲམ་དུ་བསྒྱུར།། རྒྱ་གར་སྐད་དུ།
iiif viewer powered by OpenSeadragon
