| e-texts navigator |
| Wylie |
161a1 རྟོག་པ་དམན་པ་མནན་པ་ཡིན།། ནམ་མཁའ་ལྟ་བུར་རྟོག་མེད་ལ།། འཇིག་རྟེན་ངོར་ནི་རྟོག་པས་སྤྲུལ།། གདུལ་བྱ་སྡང་སོགས་སེམས་འཁྲུགས་ལ།། དེ་ནི་སྙིང་རྗེས་སྡང་བར་མཛད།། ཁྲོ་སོགས་བསལ་དུ་མེད་གྱུར་ན།། ཁྲོ་བོར་ངནི
161a2 ཅི་ཕྱིར་འགྱུར། ། དང་པོ་རྣལ་འབྱོར་འཚེ་བ་བཅོམ།། དེ་ཕྱིར་རིག་སྔགས་སྦྱོར་བ་རྣམས།། རྒྱུད་ཀུན་དུ་ནི་གསུངས་པ་ཡིན།། འཚེ་བ་བཅོམ་ནས་དག་པ་ནི།། སེམས་དག་པ་ནི་བདེ་བ་ཡིན།། གདུག་པའི་སྦྱོར་བ་ཕྲོགས་པས་ན།། བདེ་བར་བྱང་ཆུབ
161a3 ལམ་བརྟེན་ལ། ། རྡོ་རྗེ་སྐུ་ཉིད་འགྱུར་མེད་ལ།། བདག་གིས་རིག་པའི་ཡེ་ཤེས་དེ།། ལུས་ཅན་དེ་ཡི་འབྲས་བུའོ།། ཇི་ལྟར་ཤེལ་ནི་འཛམ་བུ་ཀའི།། མེ་ཏོག་གིས་ནི་གཞན་ཏུ་སྣང་།། དེ་བཞིན་རྟོག་མེད་རིག་པ་ཡང་།། ཁྲོ་བོའི་དབང་ཕྱུག་འདིར་སྣང་རྭ།།
161a4 ཇིལྟར་འདུལ་འགྱུར་སྤྲུལ་པ་ཡིས།། རྒྱུན་མི་འཆད་པར་ཁྲོ་བོར་སྣང་།། སྙིང་རྗེ་མེདན་འབྲས་བུ་ཉམས།། འགྲོ་ལ་ཕན་བཏགས་གནོད་བསལ་ན།། རང་སེམས་དག་པས་འབྲས་བུ་འགྲུབ།། རྒྱུ་དང་འབྲས་བུའི་སྒྲིབ་པ་རྣམས།། བྱང་ཆུབ་སེམས
161a5 ཀྱིས་རིང་དུ་སྐང། ། འདིས་ནི་འཁོར་བ་འཇིག་པར་ངེས།། བརྟན་དང་གཡོ་བའི་སྒྲིབ་པ་རྣམས།། བློ་མཉམ་དུས་ན་གཉེན་པོ་དང་།། མི་འཐུན་ནམ་མཁའ་ལྟར་ཡངས་པ།། ལྷུན་གྱིས་གྲུབ་འབྲས་ཕྱི་མ་ཡིན།། ཇི་སྲིད་རྟོག་པའི་དྲི་མ་ཡོད།། དེ་སྲིད
161a6 འབད་དེ་རིག་པ་བསྒོམ། ། སེམས་སྦྱོང་སྔ་མ་རིགས་པ་ཡིས།། རྒྱུད་ཉིད་དུ་ནི་འདོད་པ་ཡིན།། གང་ལ་སེམས་ནི་དྲི་མེད་པ།། རྟོག་པའི་དྲི་མས་ནག་པོར་བྱས།། དེ་ལ་སྤང་བའི་བློ་མོད་པ།། རྟོག་པའི་བློ་ཅན་འཁོར་བ་ཡིན།། དེ་ཕྱིར་ཤཱཀྱའི་རིགས་ཅན་རྣམས
161a7 ས་འོག་ཏུ་རྒྱུ་བའི་ཀླུའི་རྟོག་པ་ལ་སྩོགས་པ་ཚར་གཅོད་པའི་ཕྱིར་སྦྱོར་བ་རྣམས་ལ་གུས་པར་བྱའོ། ། རྡོ་རྗེས་གསུམ་དུ་རྒྱུ་བ་ལས་རྟོག་པ་ལྔ་རྫོགས་སྷོ།། དབང་ཕྱུག་དམ་པའི་མངའ་བདག་ཁྲི་སྲོང་ལྡེ་བཙན་གྱི་བཀའ་ཁྲིམས་སུ། དཔལ་དཔེ
161a8 མེད་ལྷ་ནི་གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་ཀུ་མཱ་ར་བཛྲ་དང་། ར་བྱིད་ལོ་ཙྪབས་བསྒྱུར་བའོ།། རྒྱ་གར་སྐད་དུ། ཨཱརྱ་ནཱི་ལཱམྦ་ར་དྷ་ར་བཛྲ་པཱ་ཎི་ཀ་ལ་པ་ནཱ་མ་དྷཱ་ར་ཎི། བོད་སྐད་དུ། འཕགས་པ་ལ་སན་རྡོ་རྗེ་གོས་སྔོན་པོ་ཅན་གྱི
iiif viewer powered by OpenSeadragon
