| e-texts navigator |
| Wylie |
157b1 སུ་བྱུང་དང་བཟློན་ཡི། ། སྔགས་འདི་བ་ཟླས་དང་བྲི་བར་བྱ།། ཕཊ་ཧཱུཾ་ཎི་པཱ་བཛྲ་དྷ་ར་བྷ་ལཱམ་ནི་མོ།། རིག་སྔགས་འབྲམ་ཕྲག་བཟླས་པ་དང་།། ཡི་གེ་རེ་ལ་འབུམ་ཕྲག་དང་།། དེ་ལས་ལྷག་པའི་སྦྱོར་བ་ཡིས།། བསྒྲུབ་པ་པོ་ཡི་བསམ་པ་ནི།། ཞིང
157b2 རྒྱས་དང་བང་དགྲག་དང་། ། བསྐྲད་དང་དབྱེ་རེངས་གསད་པ་དང་།། ལས་ནི་གང་གང་འདོད་པ་དེས།། སྙིང་ཁང་སྦྱོར་བ་རིམ་བཞིན་བསྒྲུབ།། ལུས་གཙང་སྙིང་རྗེར་ལྡན་པ་ཡིས།། རང་ལུས་ལྷ་དང་བྷྲ་མ་ལ།། ཕྱོག་སོགས་བྱ་བ་སྔོན་འཐོབས།། རིག་པའི
157b3 ཁྲོ་བོ་བསྒོམ་པར་བྱ། ། དང་པོར་སྟོང་ཉིད་རྣམས་བསམས་ལ།། ལུས་ཅན་རྣམས་ཀྱི་དྲིམ་བཀྲུ།། རང་གི་སྙིང་ཁར་དབྱངས་ཡིག་ནི།། དང་པོ་ལས་བྱུང་ཟླ་བ་ལ།། ཧཱུཾ་ཡིག་སྔོན་པོ་རྣམ་པར་བསྒོམ།། རང་གི་འདྲས་འདྲའི་འོད་འཕྲོས་ནས།། སེམས
157b4 ཅན་དྲི་མ་རྣམ་བསལ་ཏེ། ། སྐུར་གྱུར་སྙིང་པོ་བསྡུ་བར་བྱ།། དཱ་ཡང་རྡོ་རྗེ་སྔོན་པོར་གྱུར།། སྔོན་བཞིན་སྤྲོ་དང་བསྡུ་བྱས་ལ།། སྐུ་མདོག་སྔོན་པོ་ཆེར་འབར་བ།། རབ་ཏུ་དྲེགས་པས་ཁྲོས་པའོ།། རི་བོང་འཛིན་པའི་སྟེང་དུ་ནི།། བདེ་བར་གཡོན་བརྐྱང་གར
157b5 གྱིས་བཞུགས། ། བརྒྱད་གཉིས་ལོན་པའི་ཉམས་ཚུལ་ཅན།། དྲག་ཅིང་ཁྲོས་པའི་ངོདང་ལྡན།། བྲང་འགྲོ་བརྒྱད་པོས་སྐུལ་བརྒྱན།། ཞལ་གཅིག་པ་ལ་ཕྱག་གཉིས་པ།། རང་གི་རྡོ་རྗེ་བསྣམས་པ་ནི།། བསྣུན་པའི་ཚུལ་དུ་འཛིན་པ་དང་།། གཡོན་པ
157b6 བསྡིགས་པའི་འཛུབ་མོ་ཅན། ། ན་བཟའ་སྔོན་པོའི་ཤམ་ཐབས་འཛིན།། སྤྱན་མིག་དམར་ཞིང་མཆེ་བ་གཙིགས།། དབུ་སྒྲ་ཉི་མའི་འོད་འདྲ་བ།། སྟེང་དུ་བཅིངས་དབུས་ཅོད་པན་ལྡན།། ཞལ་ནས་ཧ་ཧའི་གང་རྒྱངས་ལྡན།། ཁྲོ་བོའི་བདག་པོ་འཇིས
157b7 པར་བྱེད། ། ལོག་འདྲེན་ལ་སྩོགས་འཇོམས་མཛད་པ།། དེ་འདྲར་བདག་ཉིད་རབ་བསྒོམས་ལ།། དེ་ནས་བདག་ཉིད་སྙོམས་འཇུག་པ།། དེའི་སྙིང་ཁར་ཉི་མ་ལ།། རང་གི་ཆོས་ཀྱི་ཡི་གེ་ལས།། ཁྲོས་པས་ཡང་ཡང་སྤྲོས་མཛད་ཅིང་།། དེ་དང་ལྡན
157b8 ཅིག་བསྒོམས་པར་བྱ། ། སྔགས་དང་ཕྱག་རྒྱ་བཅས་པ་ཡིས།། དེ་བཞིན་དུ་ཡང་དབང་བླང་ཞིང་།། རྡོ་རྗེ་ཧཱུཾ་མཛད་ཏིང་འཛིན་གནས།། གདུག་པའི་སེམས་ཅན་འཛིན་བྱེད་ཅིང་།། འོད་ཟེར་འབྱུང་བ་སྣ་ཚོགས་ཀྱིས།། རིམས་དང་གདོན་དང
iiif viewer powered by OpenSeadragon
