| e-texts navigator |
| Wylie |
151a1 སྐད་ཅིག་རེ་རེ་ལ་དགའ་བར་བྱེད་དོ། ། རིག་སྔགས་འཆང་གི་འཁོར་དུ་མ་དང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་གནས་པར་འགྱུར་རོ།། འཇམ་དཔལ་བཅོམ་ལྡན་འདས་མའི་རི་མོའི་སྐུ་གཟུགས་ཀྱི་ཆོ་ག་རྒྱས་པ
151a2 འདི་ནི་དོན་ཐམས་ཅད་སྒྲུབ་པ། སྡིག་པ་ཐམས་ཅད་རབ་ཏུ་སེལ་བ། འཇིགས་པ་ཐམས་ཅད་རབ་ཏུ་སྦྱོད་བ། དུས་མ་ཡིན་པར་འཆི་བ་ཐམས་ཅད་རབ་ཏུ་ཞི་བར་བྱེད་པ་ཡིན་ནོ།། འཇམ་དཔལ་གང་རི་མོའི་སྐུ་གཟུགས་འདི་མཐོང་བ་དང་མཆོད་པ་བྱེད་པ
151a3 དང་སུའི་ལག་ན་འདུག་པ་དང་སུ་ཡི་གེར་འདྲི་བ་དེ་ལ་ནི་བྱང་ཆུབ་སེམས་དཔའ་རྣམས་བྱང་ཆུབ་ཀྱི་ལམ་སྟོན་པར་འགྱུར་ཞིང་སྡིག་པ་ཐམས་ཅད་དང་བྲལ་བར་འགྱུར། ། དེ་བཞིན་གཤེགས་པ་ཐམས་ཅད་ཀྱི་བསོད་ནམས་ལས་སྐྱེས་པར་འགྱུར།། འཇིགས
151a4 པ་ཐམས་ཅད་དང་བྲལ་བར་འགྱུར། བདུད་སྡིག་ཅན་རྣམས་ཀྱིས་གཙེ་བར་མི་འགྱུར་འཆི་བའི་ཚེ་སངས་རྒྱས་མཐོང་བར་འགྱུར་རོ།། ལག་ན་རྡོ་རྗེ་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་ཆེན་པོ་རིགས་ཀྱི་བུའམ། རིགས་ཀྱི་བུ་མོ
151a5 གང་རི་མོའི་སྐུ་གཟུགས་འདི་མཐོང་བ་དང་རི་མོར་འདྲི་བ་དང་། གང་གི་ལག་ཏུ་འདུག་པ་དེ་ནི་ཡོན་ཏན་དཔག་ཏུ་མེད་པ་དང་ལྡན་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་ཞིང་ངན་སོང་ངན་འགྲོར་ཡང་འགྲོ་བར་མི་འགྱུར།།
151a6 དེ་བཞིན་གཤེགས་པའི་རིགས་སུ་ཡང་རྟག་ཏུ་སྐྱེ་བར་འགྱུར་ཏེ་སྨོན་ལམ་ཐམས་ཅད་ཡོངས་སུ་རྫོགས་པར་འགྱུར་རོ།། དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་གསོལ་བ་བཏབ་པ། བྱང་ཆུབ་སེམས་དཔའ་ཆེན
151a7 པོ་གཟུངས་སྔགས་འདི་དག་གི་སྤྱིའི་དངོས་གྲུབ་པསྒྲུབ་པའི་རིམ་པར་དབྱེ་བ་གང་གིས་བྱང་ཆུབ་ཀྱི་སྤྱོད་པ་གསང་སྔགས་ཀྱི་སྒོ་སྤྱོད་པ་རྣམས་ཀྱིས་ཚེགས་ཆུང་ངུམ། སངས་རྒྱས་དང་བྱང་ཆུབ་སེམས་དཔའ་རྣམས་མཉེས་པར་བྱ་བར་འགྱུར་བ་དང་རྫ
151a8 འཕྲུལ་གྱི་ཆོ་འཕྲལ་རྣམ་པ་སྣ་ཚོགས་བྱེད་པར་འགྱུར་བ་དང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་སེམས་ཅན་ཐམས་ཅད་སྡུག་བསྔལ་ཐམས་ཅད་ལས་ཐར་བྱེད་པར་འགྱུར་བ་ཁྱོད་ཀྱིས་ཤོད་ཅིག། དེ་སྐད་ཅེས་སྨྲས་པ་དང་།
iiif viewer powered by OpenSeadragon
