| e-texts navigator |
| Wylie |
148b1 འགལ་བར་བྱེད་པ་ནི་ལྷ་དང་བཅས་པ་དང་། བདུད་དང་བཅས་པའི་འཇིག་རྟེན་ན་ངས་མ་མཐོང་སྟེ། དེའི་མགོ་ལག་ན་རྡོ་རྗེངས་རྡོ་ཀུན་ཏུ་འབར་ཤིང་མེ་ལྕེ་གཅིག་ཏུ་བྱུར་པས་དགེས་མོ།། འཇམ་དཔལ་ཆར་མི་འབབ་ན་ཡང་གཟུངས་འདི་དག
148b2 ཀླག་པར་བྱའོ། ། ཕ་རོལ་གྱི་དམག་ཚོགས་འོང་ན་ཡང་བཀླག་པར་བྱའོ།། མི་ནད་ཀྱི་གནོད་པ་བྱུང་བ་ལ་བཀླགས་ན་འཇིགས་པ་ཐམས་ཅད་རབ་ཏུའི་བར་འགྱུར་ཏེ་དེའི་མོད་ལ་ཞི་བར་འགྱུར་རོ།། དེ་ནས་འཇམ་དཔལ་གཞོན་ནུར་གྱུར
148b3 པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། ། བྱང་ཆུབ་སེམས་དཔའ་ཆེན་པོ་གཟུངས་སྔགས་ཆེན་པོའི་དཀྱིལ་འཁོར་ཤིན་ཏུ་རྒྱ་ཆེ་བ་འདི་དང་ཤིན་ཏུ་ཟབ་པ་འདི་དང་གཏིང་དཔག་དཀའ་བ་དང་གསང
148b4 པས་ཀྱང་ཆེས་གསང་བ་སེམས་ཅན་སྡིག་ཅན་རྣམས་ལ་བསྟན་དུ་མི་རུང་བ་འདི་ནི་ལག་ན་རྡོ་རྗེ་ཁྱོད་ཀྱིས་ཤིན་ཏུ་དཀོན་པ་ཞིག་སྨྲས་ཏེ། འདི་ནི་སྔོན་མ་ཐོས་ན་འདི་སེམས་ཅན་ཇི་ལྟ་བུ་དག་ལ་བཤད་པར་བྱ། ལག་ན་རྡོ་རྗེས
148b5 སྨྲས་པ། འཇམ་དཔལ་གང་དག་བྱང་ཆུབ་ཀྱི་སེམས་སྒོམ་པ་ལ་ཞུགས་པ་དང་གང་གི་ཚེ་དེ་དག་གི་བྱང་ཆུབ་ཀྱི་སེམས་གྲུབ་པར་གྱུར་པ་དེའི་ཚེ། འཇམ་དཔལ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང
148b6 ཆུབ་སེམས་དཔའ་དེ་དག་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་དུ་གཞུག་པར་བྱའོ། ། གང་དག་གི་བྱང་ཆུབ་ཀྱི་སེམས་རྫོགས་པར་མ་གྱུར་པ་དེ་དག་ནི་ཞུགས་པར་མི་བྱ་སྟེ། དེ་དག་ནི་དཀྱིལ
148b7 འཁོར་ཡང་ལྟར་མི་གཞུག་གོ། དེ་དག་ལ་ནི་ཕྱག་རྒྱ་དང་གསང་སྔགས་ཀྱང་བསྟན་པར་མི་བྱའོ།། འཇམ་དཔལ་གཟུངས་སྔགས་ཆེན་པོའི་དཀྱིལ་འཁོར་འདི་བྱིན་གྱིས་བརླབ་པར་བྱ་བའི་ཕྱིར་ཕྱག་རྒྱ་ཆེན་པོ་གང་བཅིངས་པ་ཙམ
148b8 གྱིས་ཐམས་ཅད་བྱིན་གྱིས་བརླབས་པར་འགྱུར་བ་བཤད་ཀྱིས་ཉོན་ཅིག། ལག་པ་གཉིས་སྦྱར་ལ་གཡས་པའི་གུང་མོ་བཀུག་པ་ནི་གཟུངས་སྔགས་ཐམས་ཅད་འདྲེན་པའི་ཕྱག་རྒྱ་སྟེ་གསང་སྔགས་ལ། ན་མཿསརྦ་ཏ་ཐཱ་ག་ཏེ་བྷྱཿ།
iiif viewer powered by OpenSeadragon
