| e-texts navigator |
| Wylie |
148a1 དེ་ནི་འཁྲུལ་པ་ཆེན་པོ་དང་ཤིན་ཏུ་ཁ་ན་མ་ཐོ་བ་ཆེན་པོ་ཡིན་ནོ།། འཇམ་དཔལ་སངས་རྒྱས་དང་བྱང་ཆུབ་སེམས་དཔའ་ལ་སླུ་བ་ནི་སླའི།། གཟུངས་སྔགས་ཀྱི་ཚིག་འདི་དག་སྤོང་བ་ནི་དེ་ལྟ་མ་ཡིན་ནོ།། འཇམ་དཔལ་སངས་རྒྱས་རྣམ
148a2 འབྱུང་བ་ནི་དཀོན་ཏེ། དཔེར་ན་ཨུ་དུམ་པ་རའི་མེ་ཏོག་བཞིན་ནོ།། དེ་བས་ཀྱང་གཟུངས་སྔགས་འདི་འདྲ་བ་དག་སྟོན་པ་ནི་དཀོན་ནོ།། དེ་བས་ཀྱང་ནན་ཏན་གྱིས་སྒྲུབ་པ་དཀོན་ནོ།། དེ་བས་ཀྱང་འདི་གང་དག་གི་ལག་ན་འཆང་བ་དང་གང་དག་འདི་ཉན་པ་དང
148a3 ཀློག་པ་དང་འཛིན་པ་དང་ཡང་ན་དཀྱིལ་འཁོར་འདྲི་བའི་སེམས་ཅན་དེ་དག་ནི་ཤིན་དུ་དཀོན། སེམས་ཅན་འདི་དག་གི་བསོད་ནམས་ཀྱི་ཕུང་པོའི་མཐའ་ཡང་རྟོགས་པར་མི་ནུས་ན། གང་ནང་པར་ལངས་ནས་ལན་གཅིག་ཀློག་པ་ལྟ་སྨོས་ཀྱང
148a4 ཅི་དགོས་ཏེ། ། དེའི་མཚམས་མེད་པ་ལྔ་ལ་སོགས་པ་རྣམས་ཡོངས་སུ་བྱང་བར་འགྱུར་རོ།། དེ་ལ་འཇིགས་པ་ཐམས་ཅད་འབྱུང་བར་མི་འགྱུར་རོ།། དུས་མ་ཡིན་པར་འཆི་བ་ཐམས་ཅད་དང་ཕྱིར་རྒོལ་བའི་འཇིགས་པ་ཐམས་ཅད་ཀྱང་འབྱུང
148a5 བར་མི་འགྱུར་རོ། ། དེའི་ལུས་ལྡནད་ཐམས་ཅད་འབྱུང་བར་མི་འགྱུར་རོ།། གང་ལ་ལ་དབེན་པའི་ཕྱོགས་སུ་བ་ལང་གི་ལྕི་བས་དཀྱིལ་འཁོར་བྱུགས་ལ་མེ་ཏོག་ཕུལ་ནས་ཚེས་གྲངས་དང་ཞག་བྱེད་པ་དང་ཡུད་ཙམ་དུས་བཟང་པོ་ལ་གྲོག་ལ
148a6 བྲིས་སམ། ཡང་ན་ཡང་ངོའི་ཚེས་བརྒྱད་དམ་ཚེས་བཅཝ་ལྔ་ལ་སྤོས་དང་མེ་ཏོག་དང་བདུག་པ་དང་ལྷ་བཤོས་ཕུལ་ལ། མར་གྱི་མར་མེ་བརྒྱད་དང་གསེར་གྱི་བུམ་པ་ལྔ་བཞག་ནས་གྲོ་ག་ལ་བྲིས་ཏེ་མགུལ་པའམ་དཔུང་པ་འམ་ལག
148a7 དརར་མ་རྐེད་པ་ལ་བཏགས་ལ། ཐལ་མོ་གྱེད་པའི་ནང་དུ་འགྲོ་བ་འམ་ལམ་དུ་འགྲོའམ་རྒྱལ་པོའི་ཕོ་བྲང་དུ་འགྲོ་ན་ཡང་དེ་ལ་འཇིགས་པ་དེ་དག་ཐམས་ཅད་འབྱུང་བར་མི་འགྱུར་རོ།། འཇམ་དཔལ་འདི་ནི་སེམས་ཅན་ལ་བསྲུང་བའི་མཆོག
148a8 ཡིན་ཏེ། ཁྱིམ་མམ་གཙུག་ལག་ཁང་དམ་གནས་ཁང་གང་ན་གཟུངས་སྔགས་འདི་དག་འདུག་པའི་གནས་དེར་བསྲུང་བའི་མཆོག་ཏུ་འགྱུར་རོ།། འཇམ་དཔལ་གང་གི་གཟུངས་སྔགས་འདི་དག་ལས་གང་ཡང་རུང་བས་བསྲུང་བ་བྱ་བ་ལ
iiif viewer powered by OpenSeadragon
