| e-texts navigator |
| Wylie |
147b1 བཞིན་གཤེགས་པ་ཐམས་ཅད་སྐུ་སྟོང་པར་མཛད་དོ། ། ཇམ་དཔལ་ལྟོས་དང་ས་ལ་གནས་པའི་ཤིང་དང་ནགས་ཚལ་ཐམས་ཅད་ནེས་མེད་ན་དེ་དག་ཀྱང་མེད་དོ།། འཇམ་དཔལ་དེ་བཞིན་དུ་དེ་བཞིན་གཤེགས་པ་ཐམས་ཅད་དང་། བྱང
147b2 ཆུབ་སེམས་དཔའ་ཆེན་པོ་སེམས་ལ་དབང་ཐོབ་པ་རྣམས་ཀྱང་གཟུངས་སྔགས་འདི་དག་ལ་གནས་ཏེ། འདི་དག་གིས་བྱིན་གྱིས་བརླབས་པས་ཐམས་ཅད་མཁྱེན་པ་ཉིད་ཀྱི་གོ་འབང་རྙེད་དོ།། བདུད་ལས་རྣམ་པར་རྒྱལ་བར་བྱེད་དོ།། ཆོས་ཀྱི་འཁོར་ལོ
147b3 བསྐོར་བར་བྱེད་དོ། ། བྱང་ཆུབ་ཏུ་མངོན་པར་རྫོགས་པར་འཚང་རྒྱའོ།། དེ་ནས་སེམས་ཅན་གྱི་དོན་རྣམ་པ་སྣ་ཚོགས་ཀྱང་བྱེད་དེ། འདི་དག་ཐམས་ཅད་གཟུངས་འདི་དག་གི་མཐུ་ཡིན་ནོ།། འཇམ་དཔལ་དེ་བས་ན་ཁྱོད་ཀྱིས་ཀྱང་ཆོང་པ་ཤིག། ལྷོགས
147b4 ཤིག་ཡིད་ལ་བྱོས་ཤིག། གཞན་དག་ལ་རྒྱ་ཆེར་ཡང་དག་པར་སྟོན་ཅིག་དང་། དེས་སེམས་ཅན་ཐམས་ཅད་ལ་ཕན་པ་དང་བདེ་བར་འགྱུར་རོ།། འཇམ་དཔལ་ས་ཕྱོགས་གང་ན་ཡེ་ཤེས་ཆེན་པོར་དབང་བསྐུར་བའི་གཟུངས་ཆེན་པོའི་དཀྱིལ་འཁོར
147b5 འདི་བྱེད་པའི་ས་ཕྱོགས་དེ་མཆོད་རྟེན་ལྟ་བུར་འགྱུར་རོ། ། གང་གི་ལག་ན་འཆང་བའི་སྔགས་པ་དེ་ལ་ཡང་སྟོན་པའི་འདུ་ཤེས་བསྐྱེད་པར་བྱའོ།། འཇམ་དཔལ་སྔག་པ་དེ་ལ་ནི་དེ་བཞིན་གཤེགས་པ་ཐམས་ཅད་རྟག་ཏུ་བྱིན་གྱིས་རློབ་པར
147b6 འགྱུར་རོ། ། སྔགས་པ་དེས་ཀྱང་གཟུངས་སྔགས་ཆེན་པོའི་དཀྱིལ་འཁོར་འདི་རིན་པོ་ཆེའི་ཟ་མ་ཏོག་བཞིན་དུ་རྟག་ཏུ་བསྲུང་བར་བགྱིའོ།། དེ་ཅིའི་ཕྱིར་ཞེ་ན། འཇམ་དཔལ་སེམས་ཅན་གང་སངས་རྒྱས་དང་བྱང་ཆུབ་སེམས་དཔའ་རྣམས་ལ་གུས
147b7 པ་མེད་པའི་རང་བཞིན་ཅན་དང་སློབ་དཔོན་གྱི་སྐྱོན་འབྲུ་བ་དག་ཡོད་པའི་ཕྱིར་ཏེ། འཇམ་དཔལ་དེ་དག་ལ་ནི་ཆུང་ངུ་ན་གཏམ་དུ་ཡང་བཟླས་པར་མི་བྱ།། གླེགས་བམ་ཡང་བསྟན་པར་མི་བྱ། ནན་གྱིས་དཀྱིལ་འཁོར་དུ་ཡང་དབང་བསྐུར་བ་དང
147b8 ཀློག་ཏུ་གཞུག་པ་དང་བརྟན་གཞུག་པ་ལྟ་ཅི་སྨོས། འཇམ་དཔལ་འདི་ལྟ་བུ་དག་བསྟར་གཞུག་པ་དང་ཚིག་དུ་འབྱུང་བ་ནི་བྱང་ཆུབ་སེམས་དཔའ་དེའི་འཁྲུལ་པ་ཡིན་ཏེ། འཇམ་དཔལ་བྱང་ཆུབ་སེམས་དཔའི་བག་མེད་པ་ཆེན་པོར་རིག་པར་བྱའོ།།
iiif viewer powered by OpenSeadragon
