| e-texts navigator |
| Wylie |
147a1 རྡུལ་ཇི་སྙེད་པ་དེ་སྙེད་ཀྱི་དེ་བཞིན་གཤེགས་པ་རྣམས་ཀྱི་བསོད་ནམས་ཀྱི་ཕུང་པོ་ཇི་ཙམ་པ་དེའི་བསོད་ནམས་ཀྱི་ཕུང་པོ་ཡང་དེ་ཙམ་དུ་རིག་པར་བྱའོ། ། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ཉིད་གཟུངས་སྔགས་འདིའི
147a2 རང་བཞིན་དུ་བཞུགས་ཏེ། ཚུལ་འདིམ་རྟོགས་པ་བླུན་པོ་དེ་དག་གིས་ནི་མི་ཤེས་སོ།། འཇམ་དཔལ་གཞན་ཡང་བྱང་ཆུབ་སེམས་དཔའ་གཟུངས་ཐོབ་པ་དང་སེམས་ཅན་ཐམས་ཅད་ལ་དབང་ཐོབ་པ་ཇི་སྙེད་པ་རྣམས་རྫུ་འཕྲུལ་དང་ཆོ་འཕྲུལ
147a3 སྣ་ཚོགས་བྱེད་པ་དང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་མཆོད་པའི་སྤྲིན་རྣམ་པ་སྣ་ཚོགས་སྟོན་པ་དེ་དག་ཐམས་ཅད་ཀྱང་གཟུངས་སྔགས་འདི་དག་གི་མཐུ་ཡིན་ནོ། ། བྱང་ཆུབ་སེམས་དཔའ་ཆེན་པོ་གང
147a4 དག་བདུད་ཕམ་པར་བྱེད་པ་དང་། བྱང་ཆུབ་མངོན་པར་རྫོགས་པར་རྟོགས་པ་དང་། ཆོས་ཀྱི་འཁོར་ལོ་བསྐོར་བ་དེ་དག་ཀྱང་གཟུངས་སྔགས་འདི་དག་གི་མཐུ་ཡིན་ནོ།། འཇམ་དཔལ་སུ་གསང་བའི་ཡེ་ཤེས་ཆེན་པོར་དབང་བསྐུར་བའི
147a5 དཀྱིལ་འཁོར་འདིར་དབང་བསྐུར་བ་དེ་ནི་དམ་ཚིག་ཐམས་ཅད་ལ་ཞུགས་པ་ཡིན་ནོ། ། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ཉིད་དེ་ལྟ་བུའི་རང་བཞིན་ནམ་གཟུངས་སྔགས་ཀྱི་རང་བཞིན་ནམ་དཀྱིལ་འཁོར་གྱི་རང་བཞིན་དུ
147a6 གནས་པའི་ཕྱིར་ཏེ། དེ་བས་ན་གཟུངས་སྔགས་ཀྱི་དཀྱིལ་འཁོར་འདི་མ་གཏོགས་པ་དེ་ལས་གཞན་མེད་དོ།། དེ་ཅིའི་ཕྱིར་ཞེ་ན། དཀྱིལ་འཁོར་འདི་ནི་དེ་བཞིན་གཤེགས་པའི་རང་བཞིན་ཡིན་པའི་ཕྱིར་རོ།། དེ་བས་ན་སུ་འདིར་དབང
147a7 བསྐུར་བ་དེ་ནི་དཀྱིལ་འཁོར་ཐམས་ཅད་ཀྱི་དབང་སྐུར་བ་ཡིན་ནོ། ། འཇམ་དཔལ་ཕྱོགས་གང་དུ་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་འདི་བྱེད་པའམ་གང་གི་ལག་ན་འཆང་བ་འམ་གང་གི་ཕྱིར་འདྲི་བ
147a8 འམ། གང་ཞིག་ཉིན་གཅིག་བཞིན་དུ་ནང་པར་ལངས་ནས་ལན་རེ་ཀློག་པ་དེ་ལ་འཇིགས་པ་རྣམས་མི་འབྱུང་ངོ་།། དེ་བཞིན་གཤེགས་པ་ཐམས་ཅད་ཀྱང་དེ་ལ་ཉིན་གཅིག་བཞིན་དུ་གཟིགས་པར་འགྱུར་རོ།། འཆི་ཀར་ཡང་དེ་ལ་དེ
iiif viewer powered by OpenSeadragon
