| e-texts navigator |
| Wylie |
146b1 ཐེ་ཚོམ་མང་བ་དང་རྣམ་པར་རྟོག་པ་སྣ་ཚོགས་ཀྱི་རང་བཞིན་ཅན་དང་མི་དགེ་བ་ཤེས་གཉེན་གྱིས་ཡོངས་སུ་ཟིན་པ་དང་ཕ་ལ་མ་གུས་པ་དང་མ་ལམ་གུས་པ་དང་སློབ་དཔོན་དང་བླ་མ་ལ་སྨོད་པ་དང་། བླ་མའི་སྐྱོན་འབྲུ་པའི་སེམས་ཅན་དེ་དག་ལ་ནི་ཡེ
146b2 ཤེས་ཆེན་པོར་དབང་བསྐུར་བའི་གཟུངས་སྔགས་ཀྱི་དཀྱིལ་འཁོར་འདི་ལག་ཏུ་འཆང་དུ་མི་གཞུག་གོ། ། རྣ་ལམ་དུ་ཡང་གྲག་པར་མི་བྱའོ།། འཇམ་དཔལ་དེ་དག་གི་མདུན་དུ་ནི་གཏམ་ཡང་མི་བྱའོ།། གླེགས་བམ་དུ་བྲིས་པ་ཡང་དེ་དག་གི་མདུན་དུ
146b3 དབྱེ་བར་མི་བྱ་སྟེ། སེམས་ཅན་སྡིག་ཅན་དེ་དག་གིས་སྤོང་བ་ཅུང་ཟད་བྱས་པས་ཀྱང་ངན་སོང་སེམས་ཅན་དམྱལ་བར་འགྲོ་བར་མྱུར་དུ་འོང་ངོ་།། འདི་སྐད་དུ་འདི་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་ཟེར་ཏེ། དེ་དག་ནི་བདག་ཀྱང་བུད་ལ
146b4 གཞན་དག་ཀྱང་ཕུང་བར་བྱེད་དོ། ། དེ་ལྟར་བྱེད་པའི་སེམས་ཅན་དེ་དག་ལ་ནི་གསང་སྔགས་ཀྱི་དངོས་གྲུབ་མེད་དོ་ཞེས་ཁོ་བོ་སྨྲའོ།། སངས་རྒྱས་དང་བྱང་ཆུབ་སེམས་དཔའ་རྣམས་ཀྱང་རྟག་ཏུ་རྒྱབ་ཀྱིས་ཕྱོགས་པར་འགྱུར་ཏེ།། དེ་དག་རྒྱབ
146b5 ཀྱིས་ཕྱོགས་པར་གྱུར་ནས་ངེས་པར་འབྱིན་པ་དང་གསང་སྔགས་ཀྱི་དངོས་གྲུབ་གཏན་མེད་དོ། ། དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ།། གསང་སྔགས་ཀྱི
146b6 ཚུལ་འདི་ལ་དད་པ་གང་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་ཤིན་ཏུ་དཀའ་བ་བྱེད་པ་ཡིན་ནོ། ། འཇམ་དཔལ་ཇི་སྐད་སྨྲས་པ་བཞིན་ཏེ། དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ
146b7 ཡིན་ཏེ། དེ་དག་ལ་ནི་དེ་བཞིན་གཤེགས་པ་རྣམས་བྱིན་གྱིས་རློབ་པར་འགྱུར་རོ།། དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ།། བྱང་ཆུབ་སེམས་དཔའ་ཆེན་པོ་གང་ཡེ
146b8 ཤེས་ཆེན་པོར་དབང་བསྐུར་བའི་གཟུངས་སྔགས་ཆེན་པོ་འདི་ཡི་གེར་འདྲི་བ་དང་ཀློག་པ་དེའི་བསོད་ནམས་ཀྱི་ཕུང་པོ་ཇི་ཙམ་ཡོད་པར་རིག་པར་བྱ། ལག་ན་རྡོ་རྗེས་སྨྲས་པ། འཇམ་དཔལ་སངས་རྒྱས་ཀྱི་ཞིང་བཅུའི་རྡུལ་རབ་ཀྱི
iiif viewer powered by OpenSeadragon
