| e-texts navigator |
| Wylie |
145b1 མི་ཙི་མི་ཙི། ག་རྫགརྫ། སྥོ་ཏ་ཡ་སྥོ་ཏ་ཡ། མཐ་མཐ། དམ་ད་མ། སྭཱ་ཧཱ།། རླུང་གི་ཕྱོགས་སུ་ནི་དཀོན་མཆོག་འབྱུང་གནས་ཞེས་བྱ་བའི་གཟུངས་བྲི་བར་བྱ་སྟེ། དེ་ཡི་རླུང་གི་དཀྱིལ་འཁོར་ཏེ།། ཆ་གསུམ་ལ་ནི་གཙུག་ཏོར་གནས།། ལྕགས་ཀྱུས
145b2 ཐམས་ཅད་གང་བ་པར་བྱ། མེ་ལྕེ་འབར་བའི་ཕྲེང་བར་ལྡན། ནུབ་ཕྱོགས་སུ་ནི་བཅོམ་ལྡན་འདས་མ་སྐུལ་བྱེད་མ་བྲི་བར་བྱསྟེ། དེ་ཡི་དབང་ལྡན་དཀྱིལ་འཁོར།། དེ་ལ་རྡོ་རྗེ་ལེགས་པར་གནས།། དེ་ཡི་སྟེང་དུ་པད་མ་ཆེ། དེ་ཡི་སྟེང་དུ་བགྲང་ནོར
145b3 ཕྲེང། ། དེ་དག་མ་ལྕེ་ཕྲེང་གིས་བཀྲིས།། སྟེང་དུ་པད་མ་རྣམས་ཀྱིས་གདབ།། དེ་ནས་ཆ་གསུམ་པ་ལ་ནི།། བྱང་ཆུབ་སེམས་དཔའ་རྫུ་འཕྲུལ་ཆེ།། སྔགས་པས་ཅི་རིགས་བྲི་བར་བྱ།། བརྒྱད་རྣམས་སུ་ཡང་སྔ་མ་བཞིན།། དེ་ལ་ཤར་དུ་རྣལ་འབྱོར
145b4 པས། འཇིག་རྟེན་དབང་པོའི་འོད་ཆེན་བྲི།། པད་མ་ཤིན་ཏུ་མཛེས་པ་ནི།། དེ་ཡི་ཕྱག་རྒྱ་བརྗོད་པ་ཡིན།། མེའི་ཕྱོགས་སུ་བྱང་ཆུབ་སེམས་དཔའ་ཀུན་དུ་བཟང་པོའི་ཕྱག་རྒྱ་ཡིད་བཞིན་གྱི་ནོར་བུ་བྲི་བར་བྱའོ།། དབང་བདག་ཕྱོགས་སུ་ནི་འཇམ
145b5 དཔལ་གཞོན་ནུར་གྱུར་པའི་ཕྱག་རྒྱ་ཨུད་པ་ལ་བྲི་བར་བྱའོ། ། ལྷོ་ཕྱོགས་སུ་ནི་ལག་ན་རྡོ་རྗེའི་ཕྱག་རྒྱ་རྡོ་རྗེ་བྲི་བར་བྱའོ།། བྱང་ཕྱོགས་སུ་ནི་བྱམས་པའི་ཕྱག་རྒྱ་རིལ་པ་སྤྱི་བླུགས་བྲི་བར་བྱའོ།། རླུང་གི་ཕྱོགས་སུ་ནི་སྒྲིབ་པ་ཐམས་ཅད་རྣམ
145b6 པར་སེལ་བའི་ཕྱག་རྒྱ་པད་མ་བྲི་བར་བྱའོ། ། བདེན་བྲལ་གྱི་ཕྱོགས་སུ་ནི་ནམ་མཁའི་སྙིང་པོའི་ཕྱག་རྒྱ་རལ་གྲི་བྲི་བར་བྱའོ།། ནུབ་ཕྱོགས་སུ་ནི་སའི་སྙིང་པོའི་ཕྱག་རྒྱ་པད་མབྲི་བར་བྱའོ།། དེ་ནས་འཇམ་དཔལ་གཞོན་ནུར་གྱུར་པས་བྱང
145b7 ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། ། ལག་ན་རྡོ་རྗེ་ལེགས་སོ་ལེགས་སོ།། ལག་ན་རྡོ་རྗེ་ཁྱོད་ཀྱིས་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་ཡེ་ཤེས་ཆེན་པོས་དབང་བསྐུར་བའི་གཟུངས་སྔགས་ཆེན་པོ
145b8 དཀྱིལ་འཁོར་བརྗོད་པ་ཁྱོད་ཡང་ལེགས་སོ། ། དེ་སྐད་ཅེས་སྨྲས་པ་དང་། ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་ཡེ་ཤེས་ཆེན་པོར་དབང་བསྐུར་བའི་དཀྱིལ་འཁོར་ཆེན་པོ་འདི་སུའི་ལག
iiif viewer powered by OpenSeadragon
