| e-texts navigator |
| Wylie |
286b1 དབུསྲ་ནི། ། ཌིན་ཆེན་རྡོ་བར་ལེགས་པར་གནས།། འབར་བའི་ཕྲེང་བ་གཟི་བརྗིད་འཁྲིགས།། ཉི་མ་འཆར་ཀའི་འོད་དང་མཚུངས།། རང་གི་ས་བོན་ས་བོན་གྱིས།། རྫོགས་པའི་སངས་རྒྱས་བསྒོམ་བྱ་བྲི།། འདི་ནི་བྱིན་གྱིས་བརླབས་པའི་སྔགས།
286b2 ན་མཿསརྦ་ཏ་ཐཱ་ག་ཏེ་བྷྱཿསརྦ་བི་ཤྭ་མུ་ཁེ་བྷྱཿཧེ་ཧེ་ཧེ། ཨ་ཛྙཱ་བ་རི་མཱ་གོ་ཎ་ཨཱ་གཙྪ་བྷ་ག་བཱན་སི་གྷཱ་སཱ་ཧཱ།། དེ་ཡི་བྱང་དུ་བྲི་བ་ནི།། བུམ་པ་རྡོ་རྗེ་མཚན་མ་ཅན།། ནོབ་འབར་བའི་ཕྲེང་བས་འཁྲེགས།། འཇིག་རྟེན་གཙོ་བོ་དེ་རང་བཞིན།། ལྷོ
286b3 ཕྱོག་སུ་མགོན་པོ་ཡིས། ། རྡོ་རྗེ་འབད་པས་བྲི་བར་བྱ།། མེ་ཡི་དཀྱིལ་འཁོར་དབུས་ནི།། ཕྱག་ན་རྡོ་རྗེ་བློ་ལྡན་པས།། དབང་ལྡན་ཕྱོགས་ལ་བརྟེན་ནས་ནི།། མཛེས་པའི་གཟུགས་བརྙན་ཕྱག་རྒྱ་བྲི།། རིན་ཆེན་རྡོ་བར་བཞུགས་ཤིང་འབར།།
286b4 ཡིད་བཞིན་ནོར་བུ་ཞེས་བཤད།། ཁྲོ་རྒྱལ་ཕྱག་རྒྱ་རྟུལ་པོ་རོལ།། སྟེང་དུ་པད་མ་བྲིས་ནས་ནི།། སངས་རྒྱས་ཐམས་ཅད་དེ་རུ་བཞུགས།། མེ་ཡི་ཕྱོགས་ལ་བརྟེན་ནས་ནི།། རབ་ཏུ་འབད་པས་རྡོ་རྗེ་བྲི།། འབར་བའི་ཕྲེང་བ་འཇིག་ས་རུང།།
286b5 པད་མ་ལ་ནི་རབ་ཏུ་བཞུགས།། བློ་དང་ལྡན་པས་འོག་ཏུ་ནི།། ཁྲོ་བོའི་རྒྱལ་པོ་མངག་བཞུག་བྲི།། རྡོ་རྗེ་རྡོ་བའི་སྟེང་ན་གནས།། རྡོ་རྗེ་འབར་བས་ཡོངསུ་བསྐོར།། རླུང་གི་དཀྱིལ་འཁོར་དབུས་སོན་པར།། རྟག་ཏུ་འབར་བས་འཁྲིགས
286b6 བ་ཡི། ། ཞགས་པའི་ཕྱག་རྒྱ་དེ་ལ་བྲི།། དེ་ནས་གཉིས་པའི་ཆ་ལ་ནི།། ཕོ་ཉ་མོ་ནི་ཀུན་ནས་བྲི།། བརྟན་པ་ཞེས་བྱའི་ཕོ་ཉ་མོ།། བྱང་ཕྱོགསུ་ནི་ཡང་དག་གནས།། ཆུ་ཡི་དཀྱིལ་འཁོར་ལ་བཞུགས་པར།། མཁའ་གསོད་མ་ནི་དེ་ལ་བྲི།
286b7 ལྷ་ཡི་ཕྱོགསུ་རྣམ་འཇིགས་མ།། ཉི་མའི་དཀྱིལ་འཁོར་དབུས་ན་བཞུགས།། བགེགས་རྣམས་ཀུན་ནས་འཇིག་པར་བྱེད།། འཇིགས་པ་ཡི་ནི་མེ་ལྟར་འབར།། འཁོར་ལོ་རྡོ་བའི་སྟེང་དུ་བྲི།། དེ་ཡི་གཡོག་འཁོར་དག་གི་དོན།། རབ
286b8 ཏུ་འབད་དེ་བྲི་བར་བྱ། ། མཁའ་གསོད་མ་ནི་སྣམ་བུ་ལ།། གཏུན་ཤིང་དང་ནི་ཐོ་བ་ཉིད།། རབ་ཏུ་འབད་པས་བྲི་བར་བྱ།། སླར་ཡང་ནུབ་ཕྱོགས་སོན་པར།། བཅོམ་ལྡན་མ་ནི་འཇིགས་པ་བྲི།། མཛོད་སྤུ་ཞེས་ནི་བཤད་པ་ཡི། ཕྱག
iiif viewer powered by OpenSeadragon
