| e-texts navigator |
| Wylie |
94b1 བརྒྱ་སྟོང་ཕྲག་བརྒྱ་སྟོང་རྣམས་དང་།། གནོད་སྲིན་དང་། སྲིན་པོ་དང་། ལྷ་མ་ཡིན་དང་། ན་མཁའ་ལྡིང་དང་། དྲི་ཟ་དང་། མི་འམ་ཅི་དང་། ལྟེ་ཕྱེ་ཆེན་པོ་དང་། ཀླུ་ལ་སོགས་པ་འཁོར་རྣམ་པ་སྣ་ཚོགས་པ་དུ་མ་དང་། བྱང་ཆུབ་སེམས་དཔའ
94b2 སེམས་དཔའ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་རྣམས་ལ་འདི་ལྟ་སྟེ།། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་སྤོབས་པ་དང་།། བློ་གྲོས་མི་གཡོ་བ་དང་། བློ་གྲོས་ཡངས་པ་དང་། ཀུན་ཏུ་བློ་གྲོས་དང་།།
94b3 བློ་གྲོས་མཐའ་ཡས་པ་དང་། ཀུན་ནས་ལེགས་པའི་བློ་གྲོས་དང་། བློ་གྲོས་ཀ་མ་ལ་དང་། བློ་གྲོས་ཆེན་པོ་དང་།། བློ་གྲོས་ལྷ་རྫས་དང་། བློ་གྲོས་སྣ་ཚོགས་པ་དང་།། བློ་གྲོས་མ་ལུས་པ་དང་། ཀུན་ཏུ་བཟང་པོ་སྟེ། དེ་དག་ལས་ཐ
94b4 པ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་འདུན་མཐའ་ཡས་ཤིང་མུ་མེད་པ་རྣམས་ཀྱིས།། སྟི་སྟང་དུ་བྱས། བླ་མར་བྱས། མཆོད་ཅིང་རྗེད་པར་བྱས་ཤིན་ཏུ་ཕུལ་དུ་བྱུང་བར་བྱས་སྟེ།།
94b5 འཁོར་གྱི་ཚོགས་ཆེན་པོའི་དབུས་སུ་ཚངས་པ་ཆེན་པོ་པད་མའི་གདན་ལ་བཞུགས་ཤིང་ངན་སོང་ཐམས་ཅད་ཡོངས་སུ་སྦྱོར་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ།། དེ་མ་ཐག་ཉིད་དུ་ངན་སོང་གསུམ་གྱི
94b6 རྒྱུད་རྣམ་པར་གྲོལ་བར་བྱེད་པ་ཞེས་བྱ་བ་བྱང་ཆུབ་སེམས་དཔའ་ཆེན་པོའི་འོད་ཟེར་འཕྲོ་བ་དང་བསྡུད་པ་དུ་མའི་ཕྲེང་བ་རང་གི་མཛོད་སྤུ་ནས་ཕྱུང་སྟེ། དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཏུ
94b7 བར་བྱས་སོ།། ཀུན་ཏུ་སྣང་བར་བྱས་པ་དེས་སེམས་ཅན་ཐམས་ཅད་ཀྱི་སེམས་ཉོན་མོངས་པའི་འཆིང་བ་ལས་བཀྲོལ་ཏེ།། ཡང་དག་པ་སོ་སོ་སོ་སོར་ཐོབ་པར་བྱས་ཤིང་དགའ་བའི་ཚལ་ཡང་ཀུན་ཏུ་སྣང་བར་བྱས་སྟེ།། མཆོད་པའི
94b8 སྤྲིན་སྣ་ཚོགས་པ་རྣམས་ཀྱིས་མངོན་པར་མཆོད་ནས་ལན་བརྒྱ་ཕྲག་སྟོང་དུ་བསྐོར་བ་བྱས་སྟེ་མགོ་བོས་ཕྱག་འཚལ་ནས།། བཅོམ་ལྡན་འདས་ཀྱི་སྤྱན་སྔར་ནོར་བུ་དྲི་མ་མེད་པའི་སྟེང་དུ་འཁོད་དེ་འདི་སྐད་ཅེས་གསོལ་ཏོ།།
iiif viewer powered by OpenSeadragon
