| e-texts navigator |
| Wylie |
287a1 དང་བྱི་ལ་དང་ཕག་དང་སྟག་དང་གླང་པོ་ཆེ་དང་སེང་གེའི་ང་རོ་འདྲ་བ་དག་ཏུ་འགྱུར་རོ།། དེ་དང་འདྲེ་བར་མི་བྱ་ཞིང་བལྟ་བར་མི་བྱའོ།། དེ་ནས་དེ་བཞིན་གཤེགས་པ་ཐམས་ཅད་སྐྱེད་པའི་ཡུམ་དེ་རྣམས་ཀྱིས་བཅོམ་ལྡན
287a2 འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་སེམས་ཅན་དེ་རྣམས་ཀྱི་མནར་མེད་པའི་སྡུག་བསྔལ་ཟད་པར་འགྱུར་རོ།། བཅོམ་ལྡན་འདས་ཀྱིས་བཀའ་སྩལ་པ། གང་གིས་འདིའི་མིང་གཟུང་ན་ཡོངས་སུ་ཟད
287a3 པར་འགྱུར་རོ།། བསོད་ནམས་དེའི་རྒྱུས་དེའི་ལས་ཀྱི་སྒྲིབ་པ་ཟད་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སྐལ་པ་ཅན་དུ་འགྱུར་རོ།། དེ་ནས་དེ་ངས་ཡིད་དགའ་བ་སྐྱེས་ནས་ཡང་བཅོམ་ལྡན་འདས་ལ་འདི་སྐད
287a4 ཅེས་གསོལ་ཏོ།། བཅོམ་ལྡན་འདས་བསྟན་དུ་གསོལ། བསོད་ནམས་དང་ཡེ་ཤེས་ཀྱི་ཚོགས་ཀྱི་རྒྱུས་དཀྱིལ་འཁོར་ཆེན་པོའི་རྒྱལ་པོ་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་གང་མ་འོངས་པའི་སེམས་ཅན
287a5 རྣམས་ཀྱིས་དྲན་པ་ཙམ་གྱིས་སངས་རྒྱས་ཀྱི་བྱང་ཆུབ་ཐོབ་པར་འགྱུར་རོ།། དེ་ནས་བཅོམ་ལྡན་འདས་ཀྱིས་ཀུན་ཏུ་བཟང་པོ་ཆེན་པོ་འོད་འཕྲོ་བ་གསལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། རང་གི་སྐུ
287a6 རང་གསུང་དང་ཐུགས་རྡོ་རྗེ་རྣམས་ལས་དེ་བཞིན་གཤེགས་པ་ཐམས་ཅད་ཀྱི་སྐུའི་དམ་པ་འདི་བཀའ་སྩལ་པ། དཀྱིལ་འཁོར་ཀུན་གྱི་ཡུམ་གྱུར་པ།། སྟོང་ཉིད་ཡེ་ཤེས་ཉིད་དུ་བཤད།། ཅི་ཞིག་ང་ཡིས་བསྟན་པར་བྱ།
287a7 རྟོག་པ་ཐམས་ཅད་རྣམ་པར་སྤངས།། སེམས་ཅན་རྣམས་ལ་ཕན་བཞེད་པ།། གང་ཞིག་ཅུང་ཟད་བསྟན་པར་བྱ།། དེ་ཀུན་སྒྱུ་མས་སྒྱུ་མའོ།། འགྲོ་བ་སྒྱུ་མ་ལྟ་བུར་ཤེས།། དེས་ན་སྒྱུ་མ་ལྟ་བུ་ཡིས།། སྒྱུ་མ་ལྟ་བུའི་དཀྱིལ
287a8 འཁོར་བྱ།། ནམ་མཁའི་ཁམས་ཀྱིས་ཁྱབ་པ་ཡི།། ཐམས་ཅད་ཡུམ་གྱིས་ཡང་དག་འཁྲུགས།། ཕྱི་རོལ་ཡང་ནི་བརྟག་པར་བྱ།། གསང་བའི་དཀྱིལ་འཁོར་ཡུམ་རྣམས་ཀྱིས།། དབེན་ཞིང་དགའ་བའི་གནས་སུ་ནི།། ཡིད་ཀྱིས་ལེགས
iiif viewer powered by OpenSeadragon
