| e-texts navigator |
| Wylie |
277a1 དངོས་གྲུབ་ཆེན་པོ་ལས་ཐམས་ཅད་དུ་རྗེས་སུ་ཆགས་ཤིང་ཤིན་ཏུ་མཉེས་པ་དང་།། ཤིན་ཏུ་བརྟན་པ་དང་། ཤིན་ཏུ་རྒྱས་པ་དང་། རྟག་ཏུ་རྒྱ་ཆེ་བར་འགྱུར་བ་ཡིན་ནོ།། གང་ཞིག་མཆོག་གི་རྒྱལ་པོ་སྙིང་པོ་སྒྲུབ་བྱ་པ།།
277a2 རྒྱལ་བ་ཐམས་ཅད་དགྱེས་ཤིང་རྒྱལ་བ་དགྱེས་པར་མཛད།། དེ་དག་གྲགས་པ་ཆེན་པོ་ཐོབ་ནས་བདེ་བའང་ཐོབ།། དེ་ཕྱིར་འདི་ལ་དད་ཅིང་གུས་པར་བྱ་བ་ཡིན།། དེ་ནས་རྒྱལ་བ་རྣམས་ཀྱིས་བཅོམ་ལྡན་འདས་ལ་ལེགས་སོ།
277a3 ཞེས་བྱ་བ་བྱིན་ཏེ།། ཡབ་མཆོག་སངས་རྒྱས་སྲས་ནི་ལེགས་སོ་ལེགས།། སྲས་མཆོག་སངས་རྒྱས་སྲས་ནི་ལེགས་སོ་ལེགས།། རྡོ་རྗེ་མཆོག་ནི་རྡོ་རྗེ་འབྱུང་བ་ལེགསོ་ལེགས།། དམ་པ་ཆོས་ཀྱི་བདག་ཉིད་ལེགས་སོ་ལེགས།
277a4 སངས་རྒྱས་རྣམས་ཀྱི་ཡང་དག་བྱིན་བརླབས་པ།། རྟག་ཏུ་མི་འགྱུར་དོན་ཡོད་གྲུབ་པ་ཆེ།། ཅི་ལྟར་དང་པོའི་གྲུབ་པ་དེ་བཞིན་དུ།། ཕྱི་ནས་ཀྱང་ནི་དེ་བཞིན་གྲུབ་པར་འགྱུར།། དེ་ལྟར་ངག་ཆེན་གསུངས་ནས་ནི།། སྲས་དང
277a5 བཅས་པའི་སངས་རྒྱས་རྣམས།། རྡོ་རྗེ་སེམས་དཔའ་ཆེན་པོ་ཡི།། གསུང་ལ་རྗེས་སུ་ཡི་རང་མཛད།། དཔལ་མཆོག་དང་པོ་ལས་རྟོག་པའི་རྒྱལ་པོ་ཐམས་ཅད་ཀྱི་ཆོ་ག་རྫོགས་སྷོ།།
277a6 ཐུགས་དམ་པའི་སྙིང་པོ་ཐཾ་ཡིད་དུ། རྒྱ་གར་གྱི་མཁན་པོ་བ་ཎ་ཌི་ཏ་མཁས་པ་ཆེན་པོ་མན་ཏྲ་ཀཱ་ལ་ཤེ་དང་། སྒྲ་སྐྱུར་གྱི་ལོ་ཙྪ་བ་ལྷ་བཙན་པོ་དགེ་སློང་བླ་མ་ཞི་བའི་འོད་ཀྱི་ཞལ་སྔ་ནས་བསྒྱུར་ཅིང་ཞུས་ཏེ་གཏན་ལ་ཕབ
277a7 པ།། ། ལོནྡོ་ཆེན་པོ་རིན་ཆེན་བཟང་པོ་ཡིས།། དཔལ་མཆོག་དང་པོའི་རྒྱུད་འདི་བསྐུར་བ་ལ།། བར་བར་དཔེ་མ་རྙེད་པས་མ་འགྱུར་ནས།། བདག་གིས་འབད་པས
277a8 དཔེ་བཙལ་རྙེད་པས་བསྒྱུར།།
iiif viewer powered by OpenSeadragon
