| e-texts navigator |
| Wylie |
276b1 པོ་དང་བདེ་མཆོག་ཆེན་པོའོ།། བདེ་ཆེན་མཆོག་གི་མཆོག་དང་རྗེས་སུ་ཆགས་པ་ཆེ།། ཀུན་མཆོག་སེམས་དཔའ་རྣམས་ཀྱི་རྟག་ཏུ་འབྱུང་གནས་ནི།། ཀུན་མཆོག་འབྱོར་པའི་དང་དྲུ་འདི་ནི་གསོ་བ་ཡིན།། མཐའ་ཡས་པ
276b2 དང་ཐོག་མེད་མཐར་ཐུག་མེད་པ་ནི། མཆོད་བྱ་ཆེན་པོ་ཐམས་ཅད་རྣམས་ཀྱི་ཚུལ་ཆེན་པོ།། ནམ་མཁའ་དང་མཚུངས་མཆོག་གི་དངོས་འཕེལ་གསོལ།། དེ་ནི་སྲས་ཀྱང་མཐར་ཐུག་བྱེད་པར་ནུས་པ་མིན།། སེམས་ཅན་རྣམས
276b3 ནི་དམན་ལ་ཞན་ཅིང་ཉུང་ལ་དགའ།། དད་པ་མེད་ཅིང་བསླུ་བ་བྱེད་ལ་མ་སྦྱངས་པ།། རྟག་ཏུ་རྗེས་སུ་ཆགས་ཤིང་ཆགས་བྲལ་ལ་ཆགས་པ།། དེ་རྣམས་ལ་ནི་ཕན་ཕྱིར་འདི་ནི་མཐར་ཐུག་པའོ།། གང་གི་ཁྱིམ་ན་འདི་གནས
276b4 གང་གིས་རབ་ཏུ་བསྒྲུབས་པ་འམ།། ཡང་ན་ཇི་བཞིན་གསུངས་པ་རྟག་ཏུ་འདིར་བསྒྲུབ་བྱེད།། སོ་སོར་ཉམས་སུ་མྱོང་བའི་མཐུ་ཡིས་ཐམས་ཅད་དུ།། བདུད་ཀྱི་ལས་ཚོགས་རྣམས་ཀྱིས་དེ་ནི་གནོད་མི་ནུས།། རྡོ་རྗེ་འཆང
276b5 སྩོགས་སྒྲ་ནི་གང་གིས་སྒྲུབ་བྱེད་པ།། གཟུགས་རྙན་ལས་སོགས་ཐམས་ཅད་འདིར་ནི་ཅི་བཞིན་གསུངས།། དེས་ནི་ཐམས་ཅད་སོ་སོར་ཉམས་མྱོང་ནུས་པར་ལྡན།། བདུད་ཀྱི་ལས་ཚོགས་རྣམས་ཀྱིས་དེ་ནི་གདོན་མི་ནུས།།
276b6 གང་ཞིག་རྡོ་རྗེ་ལས་སོགས་གཟུགས་བརྙན་ལ་སོགས་པ།། ཅི་ལྟར་འདོད་པ་འདི་དག་ཐམས་ཅད་བསྒྲུབ་པར་བྱེད།། རབ་ཏུ་འདོད་པས་ཡི་གེ་ཧཱུཾ་ལས་བྲིས་ནས་ནི།། འདོད་པའི་དངོས་གྲུབ་དེ་ཡིས་སྟེར་ཞིང་ཐོབ་པར་འགྱུར།།
276b7 རྒྱལ་པོ་རྣམས་ཀྱིས་རྣམ་པར་སྦྱངས་པར་མཛད་པ་ནི།། གང་ལ་དོན་ཀུན་དག་ཕྱིར་མཛད་པར་མི་འགྱུར་མིན།། འདིར་ནི་བགེགས་བྱེད་བདུད་རྣམས་ཀྱང་ནི་ཡོད་མ་ཡིན།། རྟོགས་པས་དངོས་གྲུབ་འཕེལ་ཞིང་བྱིན་གྱིས
276b8 བརླབས་པ་ཡིན།། ང་ནི་བདུད་ཉིད་མི་འགྱུར་བརྟན་མེད་ཉིད་མི་འགྱུར།། བརྟན་པ་ཉིད་ཕྱིར་ང་ནི་བརྟན་པར་མཛད་པ་ཡིན།། རྟག་པ་འདི་ནི་མཆོག་ཆེན་གང་གིས་སྒྲུབ་བྱེད་པ།། དེ་ལ་དེ་ནི་དངོས་གྲུབ་མྱུར་དུ་སྒྲུབ་པར་བྱེད།།
iiif viewer powered by OpenSeadragon
