| e-texts navigator |
| Wylie |
274b1 ལྟར་ཡིན་ཞེ་ན།། སེམས་ཉིད་ཁོ་ན་བདུད་ཉིད་དེ།། སེམས་ཉིད་དེ་བཞིན་གཤེགས་པའོ།། རང་སེམས་གདུལ་བར་བྱ་བའི་ཕྱིར།། བདག་ནི་བདུད་ཉིད་གྱུར་པ་ཡིན།། དེ་ལ་ཅི་ལྟར་བཅོམ་ལྡན་འདས་མངོན་པར་རྫོགས་པའི་བྱང
274b2 ཆུབ་དང་སངས་རྒྱས་ཡིན་ཞེ་ན།། རང་སེམས་སོ་སོར་རྟོག་པའི་ཕྱིར།། བྱང་ཆུབ་སེམས་མཆོག་རྡོ་རྗེ་ཉིད།། དེ་ཕྱིར་དེ་ཉིད་སངས་རྒྱས་ཉིད།། བདག་བྱིན་བརླབས་མཆོག་གྲུབ་ཕྱིར་རོ།། དེ་ཅི་ལྟར་བཅོམ་ལྡན་འདས་ཕྱག་ན་རྡོ་རྗེ་ཡིན།
274b3 ཞེ་ན། མི་བྱེད་སོ་སོར་རྟོགས་པ་དང་།། གདུག་པ་ཐམས་ཅད་ངེས་པར་གནོན།། སངས་རྒྱས་ཀུན་དངོས་རྡོ་རྗེ་སྟེ།། བྱང་ཆུབ་སེམས་ནི་བརྟན་པ་བདག། ཀུན་ཏུ་བཟང་པོའི་ལག་ཏུ་ནི།། མཚོན་ཆ་དེ་ནི་རྒྱལ་བས་བྱིན།། བརྟན་པ་ཐམས
274b4 ཅད་གྲུབ་པའི་ཕྱིར།། དེས་ན་ཕྱག་ན་རྡོ་རྗེ་དེས།། དེ་ལྟ་ཅི་ལྟར་དང་པོའི་རིགས་ལས་བྱུང་བས་ཤེས་པའི་རྒྱུད་ཡིན་ཞེ་ན།། ཤེས་རབ་ཕ་རོལ་བྱིན་པ་ཡུམ།། ཡབ་ནི་ཐབས་ལ་མཁས་པ་སྟེ།། རྡོ་རྗེ་སེམས་དཔའ་གདུལ་བྱའི་ཕྱིར།
274b5 རིགས་རྣམས་རབ་ཏུ་བྱུང་བའོ།། དེ་ལ་ཅི་ལྟར་བཅོམ་ལྡན་འདས་འདོད་དང་ཐར་པ་ཡིན་ཞེ་ན།། བཅོམ་ལྡན་འདས་ནི་ཆགས་པ་ཆེ།། དངོས་གྲུབ་ཐམས་ཅད་རྗེས་ཆགས་ཕྱིར་དངོས་གྲུབ་ཐམས་ཅད་མི་འགྱུར་བ་དེ།། བདེ་བ་ཆེན་པོ་ཞེས
274b6 བརྗོད་པའོ།། དེ་ལ་ཅི་ལྟར་བཅོམ་ལྡན་འདས་རྣམ་པ་གསུམ་ཡིན་ཞེ་ན། བདག་ནི་དུས་གསུམ་མཐའ་ཡས་ཕྱིར།། དེ་ནི་སྲིད་གསུམ་གདུལ་བྱའི་ཕྱིར།། གསུམ་མཆོག་འཇིག་རྟེན་གསུམ་ཀུན་ཕྱིར།། འཇིག་རྟེན་གསུམ་ང་ཁམས
274b7 གསུམ་པ། དེ་ལ་ཅི་ལྟར་བཅོམ་ལྡན་འདས་ཐམས་ཅད་ཉིད་ཞེ་ན།། དེ་ཉིད་བརྟན་པ་ཐམས་ཅད་པདེ།། བསོད་ནམས་ཀུན་མཆོག་ཆེ་བའི་ཕྱིར།། གཡོ་བ་སེམས་ཀྱིས་འདུས་བྱས་ཕྱིར།། སྒྱུ་མ་ཐམས་ཅད་ང་ཡིན་ནོ།། ཞེས་བྱ་བ་དང
274b8 གི་ལས་ཀྱི་བྱ་བའི་དེ་ཁོ་ན་ཉིད་རྡོ་རྗེ་སེམས་དཔས་གསུངས་སོ།། དེ་ལ་ཅི་ལྟར་དང་པོའི་གླུ་བྱུང་བ་ཤེས་པ་ཡིན་ཞེ་ན། སྲིད་པ་ཤིན་ཏུ་གྲུབ་པ་ཡི།། དབང་ཕྱུག་ཆེན་པོ་མཆོག་གྲུབ་ཕྱིར།། གཟི་ཅན་སེམས་ཅན་དོན་མཛད་ཕྱིར།། སྐལ
iiif viewer powered by OpenSeadragon
