| e-texts navigator |
| Wylie |
274a1 འདོད་ཆགས་ཆེན་པོ་དགའ་བ་ཆེ།། དེ་ལ་ཅི་ཀུན་ཏུ་བཟང་པོ་ཉིད་ཅི་ལྟར་ཡིན་ཞེ་ན།། ཤིན་ཏུ་དག་པ་ཀུན་གྱི་མཆོག། གདོད་ནས་གྲོལ་བ་དེ་བཞིན་གཤེགས།། ཀུན་ཏུ་བཟང་པོ་ཀུན་བདག་ཉིད།། བྱང་ཆུབ་སེམས
274a2 དཔའི་ཆོ་ག་མཆོག། དེ་ལ་རྡོ་རྗེ་བསྙེམས་བྱའི་བདག་པོ་བཅོམ་ལྡན་འདས་ཅི་ལྟར་ཡིན་ཞེ་ན།། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོ་ཕྱག་རྒྱའི་མཆོག། རྡོ་རྗེ་དབང་ཕྱུག་ཆེར་བསྟོད་པས།། རྡོ་རྗེ་བསྙེམས
274a3 པའི་བདག་པོ་བདག་ཅེས་བྱ་བ་ནི་བཅོམ་ལྡན་འདས་མཆོག་དང་པོའི་སྐྱེས་བུའོ།། མཆོག་དང་པོའི་དེ་ཉིད་འདི།། རྡོ་རྗེ་སེམས་དཔའ་གང་ཡང་བརྗོད།། དངོས་གྲུབ་ཀུན་གྱི་འབྱོར་པ་རྣམས།། དེ་ལ་ཐམས་ཅད་གྲུབ་པར་འགྱུར།།
274a4 ཞེས་བྱ་བ་མཆོག་གི་དེ་ཁོ་ན་ཉིད་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། དེ་ནས་དེའི་འོག་ཏུ་ལས་ཀྱི་བྱ་བས་བཅོམ་ལྡན་འདས་ཐམས་ཅད་ཀྱི་མཆོག་ཉིད་དུ་བཤད་པར་བྱའོ་ཞེས་བྱ་བ་བཅོམ་ལྡན་འདས་རྡོ་རྗེ་སེམས
274a5 དཔས་གསུངས་སོ།། དེ་ལ་བཅོམ་ལྡན་འདས་ཐམས་ཅད་ཀྱི་སེམས་ཅན་ཅི་ལྟར་ཡིན་ཞེ་ན།། བསམ་གྱིས་མི་ཁྱབ་རྒྱ་ཆེ་བ།། ཟབ་དངོས་ཀུན་དེ་མི་འགྱུར་བ།། ཐམས་ཅད་ཁྱབ་ཅིང་དྲི་མ་མེད།། བྱང་ཆུབ་སེམས་ནི་བདག
274a6 བརྟན་པ།། དེ་ནས་འདིའི་ལས་ཀྱི་ཁྱད་པར་ནི།། སེམས་ཉིད་བརྟན་པ་ཉིད་སེམས་པས།། ཏིང་འཛིན་དེ་ལ་མཉམ་པར་གནག། རྣམ་ཤེས་ལས་ནི་རྡོ་རྗེ་ཀུན།། རྡོ་རྗེ་ལས་ནི་འཛིན་འགྱུར་ཏེ།། བཅོམ་ལྡན་འདས་རྡོ་རྗེ་འཛིན
274a7 ཅེས་ཡིན་ནེན།། སེམས་དཔའི་བྱིན་པ་རླབས་སྦྱོར་བ་ནི།། བདག་ལ་བྱིན་པརླབས་མཆོག་བསྒྲུབ་པ།། ཉིན་རེ་སྒྲུབ་པར་བྱེད་ན་དེས།། རྡོ་རྗེ་སེམས་དཔའ་ཉིད་ཐོབ་འགྱུར།། དེ་ལ་བཅོམ་ལྡན་འདས་ཀུན་ཏུ་བཟང་པོ་འི་སྤྱོད་ལ་ཅིག
274a8 ཡིན་ཞེ་ན།། སྙིང་སྟོབས་རྡུལ་དང་མུན་པས་ཀྱང་།། གང་ཕྱིར་སེམས་ཅན་དོན་གྲུབ་པས།། ད་ཕྱིར་དེ་ནི་ཀུན་ཏུ་བཟང་།། བྱང་ཆུབ་སྤྱོད་པའི་རྗེས་འཇུག་པའོ།། དེ་ལ་ཅི་སྟར་བཅོམ་ལྡན་འདས་བདུད་ཉིད་དང་འདུལ་བས་རྒྱལ་བ
iiif viewer powered by OpenSeadragon
