| e-texts navigator |
| Wylie |
273b1 ཚོགས་ཀྱི་དེ་ཉིད་དང་།། ཐམས་ཅད་དགུག་གཞུག་མཆོད་པ་ཆེ།། བདག་བྱིན་བརླབས་སོགས་སྒྲུབ་པ་ཚེ།། དེ་ནི་དེ་ཉིད་གསད་པ་དང་།། དོན་ཡོད་པ་ནི་མཆོག་ཉིད་དེ།། མི་འགྱུར་དམ་པ་གྲུབ་པའི་ཕྱིར།། ཐམས་ཅད་བདག་ཅག
273b2 རྣམས་ལ་གསུངས།། ཞེས་བྱ་བ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཆོག་གི་མད་གསུངས་སོ།། དེ་ནས་སྟོན་པ་རྡོ་རྗེ་འཛིན།། རྟོག་པ་ཀུན་གྱི་བདག་པོ་ནི།། ཐེ་ཙོམ་ཚོགས་རྣམས་གསན་ནས་སུ།
273b3 དེའི་ལན་ནི་གསུངས་པ་ཡིན།། དེ་ལ་རྟོག་པའི་དོན་གྱི་རྒྱུད་ཅི་ལྟར་ཡིན་ཞེ་ན།། རྣམ་རྟོག་མེད་པའི་ཆོས་རྣམས་ལས།། སེམས་ཅན་དོན་ནི་ཡོངས་རྟགས་པས།། དེས་ན་རྟོགས་པར་གསུངས་པ་སྟེ།། རྟོག་པ་ཡོངས་སུ
273b4 དག་ཕྱིར་རོ།། དེ་ནས་རྒྱུད་ཕྱི་མ་ཅི་ལྟར་ཡིན་ཞེ་ན།། རྒྱུད་ནི་རྒྱུན་ཞེས་བྱ་བར་བཤད།། ཕྱི་མ་སྔར་དང་ཡང་དག་བྱུང་།། དེ་ཉིད་གསང་བའི་གསང་བ་དང་།། ཕྱི་མ་དང་བཅས་རྒྱུད་དུ་འདོད།། དེ་ལ་དང་པོ་གནས་ཤེས་བྱ་བའི
273b5 རྒྱུད་ཅི་ལྟར་ཡིན་ཞེ་ན།། ནམ་མཁའ་ཀུན་ལ་རབ་ཏུ་གནས།། རྡོ་རྗེ་ཀུན་མཆོག་རབ་བཞིན་མཆོག། བདེ་བ་ཆེན་པོ་དགའ་བ་ཆེ།། གྲོང་ཁྱེར་དེར་ནི་མི་འགྱུར་མཆོག། ཅེས་བྱ་བ་བཅོམ་ལྡན་འདས་རྡོ་རྗེ་སེམས
273b6 དཔས་རྟོག་པ་ཐམས་ཅད་ཀྱི་རྟོག་པའི་དེ་ཁོ་ན་ཉིད་ཅེས་བྱ་བ་འདི་གསུངས་སོ།། དེ་ལ་ཐོག་མ་ཐ་མ་མེད་པའི་རྡོ་རྗེ་སེམས་དཔའ་ཅི་ལྟར་ཡིན་ཞེ་ན།། ནམ་མཁའི་སྐྱེ་བ་མཚན་ལྡན་ཕྱིར།། ཐོག་མ་ཐ་མ་མེད་པའི་མཆོག།
273b7 སེམས་དཔའ་རྡོ་རྗེ་ཆེ་རང་བཞིན།། རྡོ་རྗེ་སེམས་དཔའ་ཞེས་བྱར་བརྗོད།། དེ་ནས་བཅོམ་ལྡན་འདས་དེ་གང་ཡིན་ཞེ་ན།། ཀུན་མཆོག་དངོས་གྲུབ་ཆེན་པོ་ཡི།། དབང་ཕྱུག་ཆེན་པོ་ལྷག་པའི་ལྷ།། རྡོ་རྗེ་འཛིན་པ་ཀུན་གྱི
273b8 རྒྱལ།། རབ་ཏུ་དགའ་བ་མི་འགྱུར་མཆོག། དེ་ལ་བཅོམ་ལྡན་འདས་དགའ་བ་ཆེན་པོ་ཉིད་ཅི་ལྟར་ཡིན་ཞེ་ན།། ཉེས་པ་མེད་ཅིང་ཤིན་ཏུ་རྟག། འདོད་ཆགས་ཀུན་གྱི་རྗེས་ཆགས་པ།། དེ་ཉིད་འདི་ཡིས་གསང་བ་འདི།
iiif viewer powered by OpenSeadragon
