| e-texts navigator |
| Wylie |
273a1 འགྱུར་དམ་པའི་དངོས་གྲུབ་བདེ་བ་ཡི།། མཆོག་ཏུན་མ་དག་རྡོ་རྗེ་བ་དེ་གྲུབ་མཐའ་ཡས་འབྲས་བུར་ལྡན།། དཔལ་མཆོག་དང་པོའི་གསལ་བའི་དེ་ཉིད་མཆོག་གི་རྩཝའི་ཚུལ་ལོ།། མཆོག་ཏུ་རྟག་པའི་རྟོག་པའི་ཚུལ་འདི
273a2 ཡོངས་སུ་མཐར་ཐུག་པའོ།། དཔལ་མཆོག་དང་པོ་ལས་དམ་པ་མཆོག་ཏུ་གྲུབ་པ་ཞེས་བྱ་བའི་ཕྱག་རྒྱའི་རྒྱུད་རྫོགས་སོ།།།། དེ་ནས་སེམས་དཔའ་ཆེན་པོ་ཀུན།། རྡོ་རྗེ་འཛིན་དང་བཅས་པའི་མཆོག། རྡོ་རྗེ་འཆང
273a3 ཆེན་གཙོ་བོ་ནི།། མགོན་ལ་བདེ་གཤེགས་རྣམས་ཀྱིས་གསོལ།། ཀུན་མཆོག་ནམ་མཁའ་ཆེན་པོ་ཡི།། དངོས་གྲུབ་དབང་ཕྱུག་རབ་གྲུབ་ཕྱིར།། རྟོག་པ་ཐམས་ཅད་ཀུན་བསྡུས་པའི།། དེ་ཉིད་སེམས་དཔའ་ཆེན་པོས
273a4 གསུངས།། རྣམ་རྟོག་མེད་པའི་ཆོས་རྣམས་ལ།། རྟོག་པའི་དོན་འདི་གང་བརྗོད་པ།། གང་གིས་རྒྱུད་འདི་ཕྱི་མ་ལ།། དང་པོའི་གནས་མཆོག་ཅི་ལྟར་ལགས།། དེ་བཞིན་རྡོ་རྗེ་སེམས་དཔའ་ཉིད།། རབ་དགའ་ཉིད་དང་བཟང་བ
273a5 ཉིད།། རྡོ་རྗེ་སྙེམས་བདག་ཅི་ལྟར་ལགས།། སེམས་དང་སེམས་དཔའ་ཏིང་འཛིན་དང་།། དེ་བཞིན་རྡོ་རྗེ་རྡོ་རྗེ་འཛིན།། རྡོ་རྗེ་འཆང་ཆེན་ཉིད་དང་ནི།། བྱང་ཆུབ་སྤྱོད་པ་ཅི་ལྟར་ལགས།། བདུད་དང་བདུད་ལས་རྒྱལ་བ་ཉིད།། བྱང་ཆུབ་སངས
273a6 རྒྱས་ཅི་ལྟར་ལགས།། རྡོ་རྗེ་གཏུམ་པོ་ཐར་བྱེད་ཉིད།། ཕྱག་ན་རྡོ་རྗེ་ཅི་ལྟར་ལགས།། ཅི་ལྟར་དང་པོའི་རིགས་བྱུང་དང་།། འདོད་པ་ཐར་པ་ཅི་ལྟར་ལགས།། ཅི་ལྟར་མགོན་པོ་རྣམ་གསུམ་དང་།། ཁྱོད་ནི་ཅི་ལྟར་ཐམས་ཅད་ཉིད།། དང
273a7 པོའི་སྙིང་པོ་ཅི་ལྟར་བྱུང་།། དེ་ཅི་ཉེ་སྙིང་ཅི་ལྟར་ལགས།། བདེ་ཆེན་རྡོ་རྗེ་ཆེན་པོ་ཡི།། དོན་ཡོད་དམ་ཚིག་ཅི་ལྟར་ལགས།། དཀྱིལ་འཁོར་ཞེས་བྱ་ཅི་སྐད་གསུངས།། དེ་ཡིན་མ་སྨིན་ཅི་ལྟ་བུ།། ཐིག་གདབ་པ་དང་བརྟག་པ་ཡིས།།
273a8 དངོས་གྲུབ་ཅི་ལྟར་གསུངས་པ་ལགས།། གསང་བ་ལྔ་ཡི་དེ་བདེ་བ།། ཅི་ལྟར་གྱུར་པ་ཅི་ལྟ་བུ།། དཀྱིལ་འཁོར་བདག་པོ་རྣམས་དང་ནི།། རིགས་རྣམས་གསལ་བ་ཅི་ལྟར་ལགས།། ཐམས་ཅད་དབང་བསྐུར་དེ་ཉིད་དང་།། ཕྱག་མཚན
iiif viewer powered by OpenSeadragon
