| e-texts navigator |
| Wylie |
272a1 རྣམས་ཀྱིས་རྒྱས་བཏབ་ན་ཐམས་ཅད་དུ་རྗེས་སུ་ཆགས་པ་དང་། དབང་དུ་བྱེད་པ་དང་། འབེབས་པ་དང་། རིམས་དང་། དྲུག་དང་། སྨར་དུག་དང་། གདོན་ལས་གྲོལ་བ་དང་། གསོད་པ་དང་འཐབ་མོ་ལས་རྣམ་པར་རྒྱལ།
272a2 བ་དང་། ཕུན་སུམ་ཚོགས་པ་ཐམས་ཅད་ཐོབ་པ་ཡིན་ནོ་ཞེས་བྱ་བ་གསུངས་སོ།། འདོད་ཆགས་ཆེན་པོས་རྣམ་དག་ཕྱིར།། རྡོ་རྗེ་སེམས་དཔའ་ཆེན་པོ་ཡིན། ཕྱག་རྒྱའི་རྟོག་པ་རབ་ཏུ་བརྟགས།། རྡོ་རྗེ་སློབ་དཔོན་སློབ་མ་མཆོག། དེ་ཉིད
272a3 དད་པའི་རྗེས་འབྲངས་ལ།། རྟོགས་པ་ཙམ་གྱིས་སྐད་ཅིག་གིས།། དོན་ཡོད་ཀུན་གྲུབ་བདེ་བར་གསོལ། ཞེས་བྱའོ།། དཔལ་མཆོག་དང་པོ་ལས་མཆོག་ཏུ་གྲུབ་པ་ཞེས་བྱ་བའི་ཕྱག་རྒྱའི་རྒྱུད་རྫོགས་སོ།།
272a4 དེ་ནས་མཆོག་ཏུ་མཁས་ཤིང་མཐའ་ལས་འདས་པ་ཚད་མེད་ཅིང་གཞལ་དུ་མེད་པ་མ་ལུས་ཤིང་ལུས་པ་མེད་པའི་མཆོག་གི་དངོས་གྲུབ་ཆེན་པོའི་བདག་ཉིད་ལ་སོགས་པའི་དངོས་གྲུབ་ཐམས་ཅད་ཀྱི་ལས་ཀྱི་ཚོགས་མཆོག་ཏུ་དམ
272a5 པ་གྲུབ་པ་ཞེས་བྱ་བ་རྡོ་རྗེ་གར་ལས་བྱུང་བའི་ཚོགས་ཐམས་ཅད་ཀྱི་ཕྱག་རྒྱ་སྟོང་བཤད་པར་བྱའོ།། ཞེས་བྱ་བ་བཅོམ་ལྡན་འདས་རྡོ་རྗེ་སེམས་དཔས་གསུངས་སོ།། ཕྱག་རྒྱ་ཆེན་པོ་མཉམ་བཞག་ནས།། སྒེག་བཅས་འཛུམ་ལ་སོགས
272a6 བཀྲོལ་བ་ཡིས།། ལས་ཀྱི་ཕྱག་རྒྱ་ཆེན་པོ་བརྒྱ།། ཐམས་ཅད་གར་གྱིས་བསྒྲུབ་པར་བྱ།། བདེ་བ་ཆེན་པོ་རྡོ་རྗེ་གསང་བའི་ལྕགས་ཀྱུས་ཁྱད་པར་དུ་ལས་ཀྱི་ཕྱག་རྒྱ་བཅིང་བ་སྟེ་བརྒྱ་ཕྲག་དང་པོ་མཆོག་ཏུ་བསྒྲུབས་ཏེ་རྡོ་རྗེ་དམ་ཚིག་ལྷ་མོ
272a7 རྣམས་ཀྱིས་ཕྱག་རྒྱའོ།། རྡོ་རྗེ་བསྡམས་པ་བཅིངས་ནས་ནི།། ཁ་སྦྱོར་ནང་དུ་གསལ་བ་སྟེ།། མཆོག་དང་པོའི་གསང་ཆེན་གྱིས།། ལས་ཀྱི་ཕྱག་རྒྱ་རྒྱ་གཞན་ཡིན་ཞེས་བྱ་བ་རྡོ་རྗེ་ལྷ་མོ་གསང་བ་ཐམས་ཅད་ཀྱི་ཕྱག་རྒྱའོ།། རྡོ་རྗེ་ལས་ཀྱི
272a8 མཆོད་པ་ཆེའི།། ཐལ་མོས་སྤྱི་བོར་བཟུང་ནས་ནི།། ལས་ཀྱི་ཕྱག་རྒྱ་གྲུབ་པས་ན།། དབང་པོ་རྣམས་དང་སྦྱར་བར་བྱ།། ཞེས་བྱ་བ་རྡོ་རྗེ་ཐམས་ཅད་ཀྱི་མཆོད་པ་ཆེན་པོའི་ལྷ་མོ་རྣམས་ཀྱི་ཕྱག་རྒྱའོ།། རྡོ་རྗེ་སྙེམས་མས་གར་བྱ་ཞིང་།། སྒེག
iiif viewer powered by OpenSeadragon
