| e-texts navigator |
| Wylie |
269a1 ཕྱག་རྒྱ་བཅུ་ནི་བདག་ཉིད་ཐམས་ཅད་བསྐྱེད་པར་བྱེད་པའོ།། རྡོ་རྗེ་སེམས་དཔའི་ཕྱག་རྒྱ་ཆེན་པོའི་བདེ་བ་ཆེན་པོའི་རྡོ་རྗེ་དོན་ཡོད་པའི་དམཚིག་ལས་བྱུང་བའོ།། སྔོན་དུ་དང་པོའི་དངོས་གྲུབ་ཐམས་ཅད་མཆོག་ལ་སོགས་པའི
269a2 དངོས་གྲུབ་ཐམས་ཅད་ཀྱི་ལས་ཀྱི་ཚོགས་མྱུར་དུ་གྲུབ་པར་བྱེད་པ་སྟེ། དེ་ལ་འདི་ནི་སྐུའི་ཕྱག་རྒྱ་སྟེ། བ་དན་གསུམ་པ་དང་ཁ་ཊྭཱཾ་གའི་ཕྱག་རྒྱ་བཅིངས་ནས་གཡོན་པ་དྲིལ་བུ་དང་བཅས་ཤིང་གཡས་པ་སྨད་པའི་ཚུལ་དུ་བྱེད་པ་སྟེ། སྒེག
269a3 པ་དང་བཅས་པའི་འཛུབ་མོ་ལ་སོགས་པ་དཀྲོལ་བའི་གར་གིས་རྡོ་རྗེ་འདོད་པའི་དབང་ཕྱུག་མ་བསྟོད་པ་སྟེ། ཐམས་ཅད་ཀྱི་མཆོག་དངོས་གྲུབ་ཆེན་པོ་དབང་ཕྱུག་ཆེན་པོའི་མཆོག་གི་ཕྱག་རྒྱས་དགའ་བ་ཆེན་པོའི་དཔལ་རྡོ་རྗེ་དོན་ཡོད་པའི
269a4 དགྱེས་པའི་དམ་ཚིག་དངོས་གྲུབ་ཀྱི་རྣལ་འབྱོར་གྱི་དབང་ཕྱུག་མ་ཞེས་བྱ་བ་སྟེ། དེས་རྡོ་རྗེ་སྙམས་མ་ཡོངས་སུ་གཏང་བར་བྱས་ན་དངོས་གྲུབ་བཞིར་འགྱུར་རོ།། རྡོ་རྗེ་བསྙེམས་མ་ཉིད་ཀྱིས་རྒྱས་བཏབ་ན་ཐམས་ཅད་ཀྱི་མཆོག་གི་དངོས
269a5 གྲུབ་ཆེན་པོའི་དབང་ཕྱུག་ཆེན་པོའི་བདག་ཉིད་མི་འགྱུར་བའི་མཆོག་གོ། མདའ་གསོར་བས་རྒྱས་བཏབ་ན་རྡོ་རྗེ་ལྷ་མོ་རྣམས་ཀྱང་རྗེས་སུ་ཆགས་པར་བྱེད་ན་བུད་མེད་གཞན་རྣམས་ལྷ་མོས་ཀྱང་ཅི་དགོས།། རྡོ་རྗེ་ཀཱི་ལི་ཀཱི་ལས་རྒྱས་བཏབ
269a6 ན་ལྷ་དང་ལྷ་མ་ཡིན་གྱི་བུད་མེད་ཐམས་ཅད་ཀྱི་བུད་མེད་ཐམས་ཅད་རོལ་པར་བྱེད་ཅིང་མ་གྲུབ་ན་ཡང་ཐམས་ཅད་སྒྲུབ་པར་ནུས་པ་ཡིན་ནོ།། ཆུ་སྲིན་གྱི་རྒྱལ་མཚན་སྒྲེང་བའི་ཕྱག་རྒྱ་འདིས་ཐམས་ཅད་ལས་རྣམ་པར་རྒྱལ་བ་དང་གསོང་བའོ།།།
269a7 རྡོ་རྗེ་འདོད་པའི་དབང་ཕྱུག་མས་ཡོངས་སུ་དགོད་ཅིང་ཕྲེང་བ་དོར་བའི་སྔགས་དང་ཕྱག་རྒྱས་བཏབ་པ་ཙམ་གྱིས་འདོད་པ་ཐམས་ཅད་ཀྱི་དབང་ཕྱུག་ཐོབ་པའོ།། མཆོག་ཏུ་གསང་བའི་རས་རིས་ཀྱི་ཕྱག་རྒྱ་ཅིག་བ་བཞིན་དུ་བརྗོད་པར
269a8 བྱའོ།། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་གི་མཆོད་པས་རབ་ཏུ་དགའ་བ་ལ་སོགས་པའི་མཆོད་པ་ཐམས་ཅད་ཐོབ་པ་མི་ཟད་པའོ།། རྡོ་རྗེ་བསྟོད་པའི་ཕྱག་རྒྱས་སྲིད་པ་གསུམ་ཐམས་ཅད་བསྐྱོད་པ་དང་དབང་དུ་བྱེད་པའོ།།
iiif viewer powered by OpenSeadragon
