| e-texts navigator |
| Wylie |
266a1 རྣམས་ཀྱང་འགྲུབ་པར་འགྱུར།། གང་ཞིག་གྲུབ་པར་མ་གྱུར་དང་།། བསོད་ནམས་བྲན་ཚོགས་མི་ལྡན་ན།། བདག་ཉིད་དམ་ནི་རྡོ་རྗེ་སེམས།། སྦུབས་ན་དེ་ནི་མྱུར་དུ་འགྲུག།། གལ་ཏེ་རྡོ་རྗེ་སེམས་དཔའ་མཆོག།
266a2 སྙིང་པོ་སོགས་དང་ཉེ་སྙིང་པོས།། སྒྲུབ་པར་བྱས་ཀྱང་མ་གྲུབ་ན།། འཛུམ་པའི་ཕྱག་རྒྱས་བསྒྲུབ་པར་བྱ།། དེ་ཕྱིར་གསང་བའི་བཙུན་མོ་འདི།། རྡོ་རྗེ་སེམས་དཔས་རབ་དགའ་བྱེད།། རྡོ་རྗེ་སེམས་དཔས་དགའ་བ་ཆེ།། དགྱེས་པ།
266a3 དེ་ཡིས་མྱུར་དུ་འགྲུབ།། དེ་ཉིད་ཆེན་པོ་འདི་གྲུབ་པ།། དམ་པ་མཆོག་གི་བདག་ཉིད་ནི།། གསང་བ་མཆོག་ཏུ་བསོད་ནམས་ལྡན།། སོ་སོའི་སྐྱེ་བོ་ལ་བརྗོད་མིན།། དེ་ཉིད་གྲུབ་པའི་རྗེས་འབྲང་བའི།། རྡོ་རྗེ་སེམས་དཔའི་གྲུབ་པ་གང་།།
266a4 གལ་ཏེ་དངོས་གྲུབ་མཆོག་འདོད་ན།། དེ་བཞིན་གཞན་ལ་སྦྱིན་མི་བྱ།། གང་གིས་གྲུབ་པར་མ་གྱུར་ན།། དེ་ལ་དེ་ཉིད་སྦྱིན་པར་བྱ།། དེ་ཉིད་འཛུམ་པས་མྱུར་དུ་ནི།། བདག་བྱིན་བརླབས་པས་འགྲུབ་པར་འགྱུར།། དེ་ཉིད་ཆེན་པོ
266a5 དག་པ་འདི།། རྡོ་རྗེ་ཅན་གྱི་མཚོན་ཆ་མཆོག། ཕྱག་རྒྱའི་རྒྱུད་ནི་བླ་མེད་པ།། མཆོག་ཏུ་གསང་བ་བཤད་པ་ཡིན།། དེ་ཉིད་དད་པའི་རྗེས་འབྲང་བའི།། རྡོ་རྗེ་སློབ་དཔོན་ཀུན་མཆོག་ལ།། གལ་ཏེ་དངོས་གྲུབ་མཆོག་འདོད་ན།།
266a6 གཞན་རྣམས་ལ་ཡང་དེ་བཞིན་སྦྱིན།། ཕྱག་རྒྱའི་རྒྱུད་ནི་གཅིག་པུ་འདི།། བདག་ཉིད་གང་ལ་ཡོད་གྱུར་ན།། བདུད་ལ་སོགས་པ་རྣམས་ཀྱིས་ནི།། མི་ཐུབ་པ་དང་མི་སོང་འགྱུར།། དེ་ལ་རྒྱལ་པོ་རྡོ་རྗེ་འཛིན།། ཀུན་མཆོག་དངོས
266a7 གྲུབ་ཀུན་གསོལ་པ།། ཀུན་གསོལ་ཀུན་བྱེད་ཐམས་ཅད་དུ།། བཀའ་བསྒོ་བ་ཀུན་གྲུབ་པར་འགྱུར།། དཔལ་མཆོག་དང་པོ་གསང་བའི་བླ་མ་དམ་པའི་དཔལ་རང་གི་དམ་ཚིག་གི་བླ་ན་མེད་པའི་མཆོག་ཏུ་གསང་བའི་ཕྱག
266a8 རྒྱ་ཆོ་གའོ།། དེ་ནས་བཅོམ་ལྡན་འདས་དཔལ་མཆོག་དང་པོ་རྡོ་རྗེ་སེམས་དཔའི་མཆོག་དང་པོ་མཆོག་ཏུ་མཁས་ཤིང་བྲལ་ཟབ་ཅིང་རྒྱ་ཆེ་བ་བསམ་གྱིས་མི་ཁྱབ་ལ་མཐའ་མེད་ཅིང་ཤིན་ཏུ་མཐའ་ཡས་པའི་ཚད་མེད་ཅིང
iiif viewer powered by OpenSeadragon
