| e-texts navigator |
| Wylie |
265b1 བ་ཆེན་པོའི་རྡོ་རྗེ་རྡོ་རྗེ་སྤྱན་ཞེས་བྱ་བའི་ཕྱག་རྒྱའོ།། དེ་བཞིན་གཤེགས་པ་ཐམས་ཅད་ཀྱི་བཞད་པ་ཆེན་པོས་དགོད་ཅིང་བརྟན་པའི་རྡོ་རྗེ་ལྟ་བུའི་བྱེད་བདག་གིས་དེ་བཞིན་གཤེགས་པ་ཐམས་ཅད་ཀྱི་ལས་རྣམས་སྒྲུབ་པར་བྱེད་པ་སྟེ།
265b2 དེ་བཞིན་གཤེགས་པ་ཐམས་ཅད་ཀྱི་སྤྱན་ཞེས་བྱ་བའི་ཕྱག་རྒྱའོ།། ཁྲོ་གཉེར་དང་བཅས་ཁྲོ་བོའི་རྡོ་རྗེ་ལྟ་བ་དང་བཅས་པའི་བྱེད་པ་དག། སྣའི་དབུགས་ཆེན་པོའི་ཡི་གེ་ཧཱུཾ་གིས་རྡོ་རྗེ་ཐམས་ཅད་ཀྱི་དངོས་གྲུབ་པ་སྟེ། རྡོ་རྗེ་ཉི་མ་ལྟར
265b3 འབར་བའི་ལྟ་བའི་སྤྱན་ཞེས་བྱ་བའི་ཕྱག་རྒྱའོ།། བདེ་བས་ཅུང་ཟད་འཛུམ་པས་དངོས་གྲུབ་ཐམས་ཅད་ཀྱི་ལས་ཀྱི་ཡེ་ཤེས་ཀྱི་རྡོ་རྗེ་ལྟ་བའི་བྱེད་པ་རྣམས་ཀྱིས་མཆུ་མཉམ་པའི་ཏིང་ངེ་འཛིན་རྡོ་རྗེ་ལ་སོགས་པའི་དངོས་གྲུབ་ཐམས་ཅད་ཀྱི་ལས
265b4 ཀྱི་ཡེ་ཤེས་ཀྱི་ཚོགས་རྣམས་སྒྲུབ་པར་བྱེད་པ་སྟེ་པད་མ་ཆེན་པོའི་སྤྱན་ཞེས་བྱའི་ཕྱག་རྒྱའོ།། སྙེམས་པ་དང་བཅས་པའི་ཏིང་ངེ་འཛིན་གྱིས་ཕྲ་བར་འཛུམ་པའི་ལྟ་བའི་བྱེད་པ་རྣམས་དང་། བཞིན་འཛུམ་པ་དང་། བཞད་པས
265b5 ནམ་མཁའ་ལ་དངོས་གྲུབ་ཐམས་ཅད་ཀྱི་ལས་ཀྱི་ཚོགས་སྒྲུབ་པར་བྱེད་པ་སྟེ་རྡོ་རྗེ་ཆེན་པོ་ནི་ནོར་བུའི་སྤྱན་ཞེས་བྱ་བའི་ཕྱག་རྒྱའོ།། དོན་ཡོད་ཐོགས་མེད་གྲུབ་པ་དང་།། བདེན་པའི་བདག་ཉིད་འཇིགས་པ་མེད།། སངས་རྒྱས
265b6 ཀུན་དང་བདག་གིས་ཀྱང་།། གསང་བའི་ཕྱག་རྒྱ་ལེགས་གྲུབ་སྩོལ།། དཀྱིལ་འཁོར་དུ་ནི་མ་ཞུགས་ཀྱང་།། དེ་ནས་དེ་ཕྱིར་མཆོག་དང་པོ།། བཅོམ་ལྡན་རྡོ་རྗེ་སེམས་དཔའི་མཆོག། དང་པོ་ཤིན་ཏུ་མཁས་ཤིང་ཕྲ་ལ་ཟབ་ཅིང
265b7 རྒྱ་ཆེ་བ་བསམ་གྱིས་མི་ཁྱབ་པ་སྟེ། མཆོག་གི་མཆོག་ནི་དང་པོ་དང་།། མཆོག་ཏུ་གསང་བ་དམ་པ་སྟེ།། འཛུམ་པའི་ཕྱག་རྒྱ་ལ་སོགས་ཚོགས།། རྡོ་རྗེ་སེམས་དཔས་གསུངས་པ་ཡིན།། རྡོ་རྗེ་འཆང་ཆེན་པོ་ཡི་སློབ་དཔོན
265b8 ནི།། མཆོག་ཏུ་དང་ཞིང་རབ་དགའ་བས།། སྙིང་པོ་ལ་སོགས་རྣམས་མེད་ཀྱང་།། མྱུར་དུ་ཐམས་ཅད་སྒྲུབ་པར་བྱེད།། སྙིང་པོ་ཕྱག་རྒྱ་སྔགས་རིག་པ།། སྒྲུབ་པ་འདི་ནི་རྨད་འབྱུང་སྟེ།། དངོས་གྲུབ་ཐམས་ཅད་རབ་སྒྲུབ་པས།། མ་གྲུབ
iiif viewer powered by OpenSeadragon
