| e-texts navigator |
| Wylie |
185a1 ཅད་དུ་གས་རབ་ལ་ནི་རྡོ་རྗེ་གསང་བའི་མཐར་བྱེད་ཀྱིས་སོ།། ཐམས་ཅད་སྐྱེལ་བ་ལ་ནི་རྡོ་རྗེ་གསང་བའི་ཧཱུཾ་མཛད་ཀྱིས་སོ།། ཐམས་ཅད་བསླང་བ་ལ་ནི་རྡོ་རྗེ་གསང་བའི་དམ་ཚིག་གི་སླང་བས་སོ།། ཐམས་ཅད་བཅིང
185a2 བ་ནི་རྡོ་རྗེ་གསང་བའི་བཅིངས་པས་སོ།། ཐམས་ཅད་ཐར་པར་བྱ་བ་ལ་ནི་རྡོ་རྗེ་གསང་བའི་ཡི་གེ་མུས་སོ།། ཕྲ་མེ་ན་མ་ཐམས་ཅད་ལས་ཐར་བར་བྱ་བ་དང་། སྔོན་གྱི་གནས་སྐབས་རྗེས་སུ་སྦྱིན་པ་ལ་གསང་བ་ཆེན་པོ་ཧེ་རུ་ཀ
185a3 རྡོ་རྗེས་སོ།། མ་མོའི་གདོན་ཐམས་ཅད་ལས་ཐར་པར་བྱ་བ་ལ་ནི། རྡོ་རྗེ་གསང་བའི་དྲག་མོས་སོ།། ཕྲ་མེན་མ་ཐམས་ཅད་ཀྱིས་རྒྱས་བཏབ་པ་ལ་ཐར་བར་བྱ་བ་དང་། སྙིང་ཟོས་པ་ལས་སྙིང་གཞན་འབྱུང་བར་འཇུག་པ
185a4 དང་། ཤི་བ་གསོ་བ་ལ་ནི་དམ་ཚིག་ཆེན་པོ་གསང་བའི་ཧེ་རུ་ཀའི་རྡོ་རྗེ་དབང་བསྐུར་བས་སོ།། གདུག་པ་ཐམས་ཅད་ཀྱི་ཕྱག་རྒྱ་གཞིག་པ་ལ་ནི་རྡོ་རྗེ་གསང་བའི་རྡོ་རྗེས་སོ།། རིམས་ཐམས་ཅད་རབ་ཏུ་ཞི་བ་ལ་ནི་རྡོ་རྗེ
185a5 གསང་བའི་འབར་བའི་བལྟ་བས་སོ།། དུག་ཐམས་ཅད་གཞིག་པ་དང་བཟའ་བ་དངའབབྲ་པ་དང་འཆི་བ་གསོ་བ་ལ་ནི་གསང་བ་ཆེན་པོ་རྡོ་རྗེ་ནོར་བུའི་ཕྱག་རྒྱས་སོ།། དུག་ཐམས་ཅད་དང་སྦྱར་བའི་དུག་ཐམས་ཅད་བདུད་རྩིར
185a6 བྱ་བ་ལ་ནི་རྡོ་རྗེ་གསང་བའི་དུག་མེད་པས་སོ།། གཤེད་བྱེད་ཐམས་ཅད་དང་བྱད་དང་རོ་ལ་ངས་དང་བྱུང་དང་གནོད་སྦྱིན་མོ་རྣམས་ཀྱི་གཞིག་པ་ལ་ནི་རྡོ་རྗེ་གསང་བའི་སྦྱིན་སྲེག་གིས་སོ།། རྩོད་པ་ཐམས་ཅད་དང་འཐབ་པ་དང
185a7 འབབ་མོ་དང་བརྩོད་པ་གཞིག་པ་ལ་ནི་རྡོ་རྗེ་གསང་བའི་ཞལ་རབ་ཏུ་གདངས་པས་སོ།། ཡམས་དཔའཚེ་བ་ཐམས་ཅད་དང་སྡིག་པ་དང་རྨི་ལམ་ངན་པ་གཞིག་པ་ལ་ནི་རྡོ་རྗེ་གསང་བའི་ཞིབས་སོ།། གཞན་གྱི་དཔུང
185a8 ཐམས་ཅད་རེངས་པར་བྱ་བ་དང་གཉིད་ལོག་པར་བྱ་བ་དང་རྨོངས་པར་བྱ་བ་དང་ལྐུགས་པར་བྱེད་པ་དང་རྒྱས་བཏབ་པ་དང་གསང་བ་ལ་ནི་བདེ་བ་ཆེན་པོ་རྡོ་རྗེ་གསང་བའི་གཤེད་བྱེད་ཀྱིས་སོ།། འཐབ་མོ་ཐམས་ཅད
iiif viewer powered by OpenSeadragon
