| e-texts navigator |
| Wylie |
183b1 ཅན་ཀུན་གྱི་དོན། དངོས་གྲུབ་ཐམས་ཅད་རབ་བསྒྲུབ་པ།། དེ་ལྟར་སྦྱིན་སྩོགས་ཕ་རོལ་ཕྱིན།། བྱང་ཆུབ་སྤྱོད་པ་མཆོག་གིས་མིན།། དེ་བཞིན་གཤེགས་ནི་གདུལ་མིན་ལ།། སེམས་ཅན་རྣམས་ཀྱི་དོན་མཛད་པ།། འདི་ནི
183b2 དངོས་གྲུབ་རབ་གྲུབ་ན།། དུས་ཀུན་ཏུ་ནི་ཐམས་ཅད་མཛད།། དེས་ན་བསྒྲུབ་འདི་བཤད་བྱ་སྟེ།། དངོས་གྲུབ་ཤིན་ཏུ་རྟག་པ་ཡིན།། གང་གིས་སྲིད་པ་འདི་ཉིད་དུ།། ཤིན་ཏུ་རྟག་པའི་དངོས་གྲུབ་ཐོབ།། དཀྱིལ་འཁོར
183b3 དག་ཏུ་མཞུགས་ཀྱང་།། དམ་ཚིག་རྣམ་པར་སྤངས་པ་འམ།། བསོད་ནམས་མེད་ཀྱང་ཐམས་ཅད་དུ།། སྲིད་པ་འདི་ལ་མྱུར་དུ་གྲུབ།། གལ་ཏེ་དངོས་གྲུབ་བསྒྲུབ་འདོད་ན།། རྟག་ཏུ་ཡུལ་དང་ལྡན་གྱུར་ན།། གསང་བའི
183b4 མཆོད་པས་མཆོད་ནས་ནི།། རང་རང་ཕྱག་རྒྱས་འགྲུབ་པར་འགྱུར།། དྲུག་ལྡན་ལ་སོགས་སྙན་པའི་གླུ།། ཆགས་པ་ཀུན་ཀྱང་ཕྱི་འདོད་པར།། བཟླས་པའི་དོན་ནི་ཅི་ནུས་པས།། རྡོ་རྗེ་སེམས་དཔའ་བསླབ་པར་བྱ།།
183b5 འདི་ཡིས་འདོད་པའི་ཀུན་དབང་ཕྱུག། ཅི་འདོད་འགྲོ་འོང་མཁའ་ལ་རྒྱུ།། དངོས་གྲུབ་ཀུན་གྱི་དབང་ཕྱུག་གྲུབ།། རྒ་ཤི་མེད་ཅིང་གཙོ་བོར་འགྱུར།། རྒྱལ་བ་ཀུན་གྱི་མཆོད་བྱ་ལ།། རང་གཞན་ཀུན་གྱི་བསྙེན་བཀུར
183b6 ཞིང་།། རྡོ་རྗེ་འཆང་ཆེན་དང་མཚུངས་ཤིང་།། དོན་ཡོད་ཀུན་མཆོག་སྤྱོད་པ་ཡིན།། བདེ་བ་ཆེན་པོ་རྡོ་རྗེ་གྲུབ་པའི་རྒྱལ་པོ་དེ་བཞིན་གཤེགས་པ་ལ་སོགས་པའི་དངོས་གྲུབ་ཐམས་ཅད་རབ་ཏུ་སྟེར་བ།། རྡོ་རྗེ
183b7 འཆང་ཆེན་པོ་བྱང་ཆུབ་སེམས་དཔའ་ཡིན་ན།། གལ་ཏེ་དེ་བཞིན་གཤེགས་པ་ཐམས་ཅད་ཀྱི་མཆོག་གི་དངོས་གྲུབ་མངོན་པར་འདོད་ན་དེས་བཅོམ་ལྡན་འདས་དེ་བཞིན་གཤེགས་པ། དེ་བཞིན་གཤེགས་པ་ཐམས
183b8 ཅད་ཀྱི་ཕྱག་རྒྱའི་ཁུ་ཚུར་ཡོངས་སུ་འཛིན་པ་རས་བྲིས་ལ་བྲི་བར་བྱའོ།། བཞད་པ་དང་བཅས་པ་དངོས་པོ་ཐམས་ཅད་དུ་དེ་བཞིན་གཤེགས་པ་རྣམས་ཀྱིས་ཡོངས་སུ་བསྐོར་བའོ།། དེའི་མདུན་དུ་དེ་བཞིན་གཤེགས
iiif viewer powered by OpenSeadragon
