| e-texts navigator |
| Wylie |
182b1 བའི་ལས་རྣམས་ཀྱང་བྱེད་པ་ཡིན་ནོ།། བདེ་བ་དང་ཡིད་བདེ་བ་ཐམས་ཅད་ཉམས་སུ་མྱོང་ཞིང་གཞན་གྱིས་མི་ཐུབ་པ་དང་མི་སོང་བས་ལོ་ཅིག་འདས་ནས་སངས་རྒྱས་ཉིད་ལ་སོགས་པའི་མཆོག་གི་དངོས་གྲུབ་ཐོབ་པ་ཡིན་ནོ།།
182b2 དེ་ནས་སེམས་ཅན་ཐམས་ཅད་གཞུག་པའི་དོན་དུ་བརྟག་པར་བྱ་བ་ཡིན་ནོ།། རྡོ་རྗེ་སློབ་དཔོན་རང་ཉིད་སྔ་མ་བཞིན་དུ་ལུས་ལ་བརྒྱན་ནས། རབ་ཏུ་བདེ་བའི་རྡོ་རྗེའི་དམ་ཚིག་གི་ཕྱག་རྒྱ་རབ་ཏུ་བཅུག་སྟེ། དེ་བཞིན་དུ་དེ་ཁོ་ན་ཉིད
182b3 ཆེན་པོ་བསྐུལ་བས་ཡང་དག་པར་བསྐུལ་བ་དགུག་པར་བྱ་སྟེ། འདི་སྐད་ཅེས་བརྗོད་དོ།། སྲིད་པའི་བདེ་བ་རྣམ་དག་ཕྱིར།། སྔར་གྱི་སྲིད་པ་ལ་ཁྱོད་དགའ།། འདོད་པ་ཀུན་གྱི་དངོས་གྲུབ་ཆེ།། འགྲོ་བ་ཀུན་ལའང་འགྲུབ་པར་གྱིས།
182b4 དེ་ནས་མཆོད་པ་བྱས་ལ་རང་གི་ལྷག་པའི་ལྷ་གང་ཡིན་པ་དེ་དམ་ཚིག་ཕྱག་རྒྱ་མེ་ཏོག་དང་བཅས་པ་བཞུགས་པར་བྱ་སྟེ། བཅུག་ནས་རྣ་བར་འདི་སྐད་ཅེས་བརྗོད་པར་བྱའོ།། ཆགས་བྲལ་འདུལ་བའི་འཇིག་རྟེན་ནི།། ཆགས་བྲལ་ཉིད
182b5 ཀྱིས་འདུལ་བར་འགྱུར།། འདོད་ཆགས་ཆེན་པོ་བདེ་བ་ཆེ།། རྡོ་རྗེ་སེམས་དཔའ་སྦས་པ་ཡིན།། འདོད་ཆགས་བྲལ་བ་བལྟ་བུ་ཡི།། སྡུག་བསྔལ་གཞན་ནི་རང་བཞིན་མེད། དེ་བས་སེམས་ཅན་ཆགས་བྲལ་ལ།། སྔར་ཡང་ཡིད
182b6 ནི་མ་བྱེད་ཅིག་དེ་ནས་མེ་ཏོག་ལ་སོགས་པ་སྙིང་པོ་འདིས་འདོར་དུ་བཞུག་གོ།། ཨོཾ་མ་ཧཱ་སུ་ཁ་བཛྲ་སཏྭ་པྲ་ཏི་གྲིཧྞ་ས་མ་ཡ་སྟྭཾ།། དེ་ནས་གང་དུ་བབས་པ་དེ་ནི་དེའི་ལྷ་ཡིན་ནོ།། དེ་ནས་དེ་ཁོ་ན་ཉིད་ཆེན་པོ་བརྗོད་པར་བྱའོ།། གང
182b7 འདོད་པའི་སྙིང་པོ་བྱིན་ལ་བསྒྲུབ་དུ་བཅུག་ལ་རང་ཉིད་ལྷག་པའི་ལྷའི་དབང་བསྐུར་བས་དབང་བསྐུར་ནས། དེའི་མཚན་མ་ལག་པ་གཉིས་སུ་བྱིན་ཏེ་དེའི་རིགས་ཀྱི་མིང་གི་དབང་བསྐུར་ལ་སྙིང་པོ་འདིས་དབང་སྐུར་བཔ།
182b8 བྱའོ།། ཨོཾ་སརྦ་ཏ་ཐཱ་ག་ཏ་ཨཱད་མ་ཀོ་ཧཾ་བཛྲ་དྷཱ་ར་ས་མུ་ཁེ་བྷ་ཨ་བྷི་ཥཀ་ཏྲཾ་ཨ་བྷི་ཤི་ཙ་མི་གྲིཧྞ་སི་དྷི་བཛྲི་ཏེ་ཨ་མོ་གྷ་སིད་དྷཾ་སྟཾ།། དེ་ནས་ཕྱག་རྒྱ་བཅིངས་པ་བརླབ་པར་བྱའོ།། དེ་ནས་ཅི་འདོད་པའི་མཆོད་པ་བྱས་ཤིང
iiif viewer powered by OpenSeadragon
