| e-texts navigator |
| Wylie |
182a1 ནུས་པ། བཅོམ་ལྡན་འདས་ཀྱིས་བྱིན་གྱིས་བརླབས་པ་ཡིན་ནོ།། འཇུག་པའི་ཆོ་ག་འདི་ཡིས་རྡོ་རྗེ་སློབ་དཔོན་རང་ཉིད་ཅི་སྙེད་པའི་དྲིས་བྱུགས་ཤིང་བསྒོས་པ་རྒྱན་དང་བཅས་པའི་མེ་ཏོག་གི་ཕྲེང་བས་ལུས་ཤིན་ཏུ
182a2 བརྒྱན་པ། གོས་དམར་པོ་གཉིས་བསྒོས་པ་རང་ཉིད་ཀྱིས་བཅོམ་ལྡན་འདས་ལ་བསྟོད་ཅིང་རྡོ་རྗེ་དང་བཅས་པའི་རྡོ་རྗེ་བསྙེམས་པས་རང་ཉིད་འཇུག་པར་བྱའོ།། བསྟོད་པ་ནི་དྲུག་ལྡན་ལ་སོགས་པ་གླུ་ཡིས་བྱའོ།། འདོད་ཆགས
182a3 ལ་སོགས་བདེ་ཀུན་ཡིད་ཁྱོད་ནི།། ཀུན་ནས་བདག་ལ་བདེ་བ་སྩོལ་མཛོད་ཅིག། རྡོ་རྗེ་སེམས་དགོངས་མྱུར་དུ་བདག་བསྟན་བརྗོད།། བདག་དགྱེས་མཛད་དང་བདེ་མཆོག་གྲུབ་ལ་འདུད།། དེ་ནས་རབ་ཏུ་ཞུགས་ནས་དགོངས
182a4 སུ་གསོལ་བར་བྱས་ཏེ། ཐོག་མཐའ་མེད་པའི་སེམས་དཔའ་ནི།། རྡོ་རྗེ་སེམས་དཔའ་བདེ་བ་ཆེ། ཀུན་ཏུ་བཟང་པོ་ཁྱོད་ཡིན་ཏེ།། རྡོ་རྗེ་སྙེམས་བདག་ཁྱབ་བདག་ཡིན།། སེམས་ཀྱི་སེམས་དཔའ་ཏིང་ངེ་འཛིན།། དེ་བཞིན་རྡོ་རྗེ
182a5 རྡོ་རྗེ་འཛིན།། ཀུན་མཆོག་དམ་ཚིག་དངོས་གྲུབ་ཅན།། རྡོ་རྗེ་སེམས་བདག་དེང་གྲུབ་མཛོད། དེ་ནས་བཅོམ་ལྡན་དེ་ཉིད་ཀྱིས།། རྡོ་རྗེ་སློབ་དཔོན་བྱིན་རླབ་འགྱུར།། དེ་སྔར་མ་བྱུང་བའི་སོ་སོར་རང་རིག་པའི་བདེ་བ་གཉིས་ཀ་ལ།
182a6 སྐྱེ་བར་འགྱུར་རོ།། ཕྲ་མོ་དབབ་པར་ཡང་འགྱུར་རོ།། དེ་ནས་བདག་ལ་བཅོམ་ལྡན་འདས་གྲུབ་པར་གྱུར་ཏོ་ཞེས་ཤེས་པར་བྱའོ།། དེ་ནས་དེ་བཞིན་དུ་འདུག་ལ་ཅི་འདོད་པའི་བཟླས་བརྗོད་བྱའོ།། དེ་ནས་དེ་བཞིན་དུ་འདུག
182a7 ལ་རང་གི་བསོད་ནམས་ཀྱི་བྱིན་གྱིས་བརླབས་ཀྱིས་འདོད་པའི་དངོས་གྲུབ་ཐོབ་པར་འགྱུར་རོ།། དེ་ནས་བརྩམས་ཏེ་སེམས་དཔའ་ཆེན་པོ་ཐམས་ཅད་འགྲུབ་པར་འགྱུར་ཞིང་མཐོང་བར་འགྱུར་རོ།། དེ་རྣམས་ཀྱིས་ཀྱང་དེ
182a8 ལ་དངོས་གྲུབ་ཐམས་ཅད་སྩོལ་བར་མཛད་དོ།། ཕྱག་རྒྱ་ཐམས་ཅད་ཀྱང་བདག་རང་ཉིད་ཀྱིས་བཅིངས་ན་ལས་ཐམས་ཅད་འགྲུབ་པར་འགྱུར་རོ།། དམ་ཚིག་ཐམས་ཅད་ཀྱང་འདི་ལ་བསྟན་པར་འགྱུར་རོ།། ཡིད་ཀྱི་འདོད
iiif viewer powered by OpenSeadragon
