| e-texts navigator |
| Wylie |
181b1 བྱིན་གྱིས་བརླབས་པ་ཉིད་དུ་འགྱུར།། དེ་ནས་ཕྱག་ན་རྡོ་རྗེ་འཛིན།། དཀྱིལ་འཁོར་ཀུན་མཆོག་བྲི་བྱས་ནས།། བུམ་པ་གང་བ་ཅི་སྙེད་པ།། མེ་ཏོག་ལ་སོགས་ཀུན་གྱིས་མཆོད།། དྲིལ་བུ་བཏགས་པའི་བ་དན་རྣམས།། འཚམས
181b2 རྣམས་སུ་ནི་བཞག་པར་བྱ།། ལྕུག་མ་དང་བཅས་བུམ་པ་རྣམས།། སྒོའི་ཕྱི་རོལ་དག་ཏུ་བཞག། རྡོ་རྗེ་དང་བཅས་བཞི་དང་བཅས།། ལྕུག་མོ་ཡོངས་སུ་བཟླས་ནས་ནི།། དྲི་ཆུས་གང་བའི་བུམ་པ་སྟེ།། ཕྱག་ན་རྡོ་རྗེའི་མདུན་བཞག
181b3 བྱ།། དེ་ལ་འདི་ལྟར་བདེ་བ་ཆེན་པོའི་དམ་ཚིག་གི་བདུད་རྩིའི་ཆུ་བྱིན་གྱིས་བརླབ་པའི་སྙིང་པོ་ནི།། ཨོཾ་མ་ཧཱ་སུ་ཁ་བཛྲ་ས་མ་ཡ་ཨ་བྷི་ཥེ་ཀ་ཛཿཧཱུ~ཾ་བཾ་ཧོཿལན་ཉི་ཤུ་རྩ་གཅིག་བཟླས་སོ།། ཆུ་འདི་གཏོར་བའམ
181b4 འཐུངས་ན་སྡུག་བསྔལ་ཐམས་ཅད་རབ་ཏུ་འབྱང་བ་དང་། བདེ་བ་ཐམས་ཅད་རབ་ཏུ་འཕེལ་བར་འགྱུར་བ་ཡིན་ནོ།། དེ་ནས་རང་གི་དམ་ཚིག་རྣམས་ཀྱིས་རྡོ་རྗེ་འཆང་ལ་སོགས་པ་བསྒྲུབ་པར་བྱའོ།། ཛཿཧཱུ~ཾ་བཾ་ཧོཿཞེས་བརྗོད
181b5 ནས།། དགུག་པ་དང་ནི་གཞུག་པ་དང་།། བཅིངས་ནས་སྐད་ཅིག་དབང་དུ་འགྱུར།། ཕྱག་རྒྱ་ཆེན་པོ་མཉམ་གཞག་སྟེ།། དེ་བཞིན་གཡས་འཛུབ་ལྕགས་ཀྱུར་བྱ།། དགུག་པ་འདི་ནི་ལན་གཅིག་གིས།། འགྲུབ་སྟེ་རབ་ཏུ་གཞུག
181b6 པར་བྱ།། ཨོཾ་མ་ཧཱ་སུ་ཁ་བཛྲ་སཏྭ་ཨ་ཨ་ཧི་ཤཱི་གྷྲཾ་ཁ་སུ་བཛྲ་གུ་ཧྱ་ས་མ་ཡ་མ་ནུ་སྥ་ར་པྲ་ནུ་སྣཱ་མར་པྲ་བྷཱུ་ཏ་ས་མ་ཡ་སྟྲཾ་ཧྲི་ད་ཡ། སུ་ཏོ་ཥྱོ་མེ་བྷ་བ་སུ་ག་པོ་ཥྱོ་མེ་བྷ་བ། ཨ་ནུ་རག་ཏོ་མེ་བྷ་ཝ། ཨ་དྷི་ཏིཥྛ་བྷ་ག་བྷན་ཨ་ན
181b7 ཏིན་ད་ན་སིད་དྷཱ་ཏུ་མེ་སཱ་ཏྲ་པ་ཏེཿཛཿཧཱུཾ་བ་ཧོཿ། དེ་ནས་རྟག་ཏུ་བཅོམ་ལྡན་འདས།། དཀྱིལ་འཁོར་དུ་ནི་རང་ཉིད་བྱོན།། དགུག་ཅིང་བཅུག་ནས་བརྟན་པ་དང་།། དབང་དུ་གྱུར་ཞིང་འགྲུབ་པ་ཡིན།། རྨད་དུ་བྱུང་བའི་རྫུ་འཕྲུལ
181b8 དུ་མ་རྣམས་མཐོང་བ་འམ། ཡང་ན་བཅོམ་ལྡན་འདས་རང་ཉིད་ཀྱིས་མཐོང་བར་འགྱུར་རོ།། དེ་ནས་རང་ཉིད་རྡོ་རྗེ་འཇིག་རྟེན་ཀུན་གྱི་སློབ་དཔོན་ནི་ཕྱག་རྒྱ་ཐམས་ཅད་གྲུབ་པ། དམ་ཚིག་ཐམས་ཅད་ཤེས་པ། ལས་ཐམས་ཅད
iiif viewer powered by OpenSeadragon
