| e-texts navigator |
| Wylie |
179b1 བརྒྱན་པ། སྣ་ཚོགས་པའི་ཁ་ཁྱེར་ལ་གནས་པ་མཆོག་ཏུ་གྱུར་པའི་ལྷའི་བུ་མོ་རྒོད་པ་དང་སྒེག་པ་དང་གར་དང་གླུ་ཡིས་རབ་ཏུ་བརྒྱན་པ་དང་། བསྟོད་པས་སད་པར་བྱེད་པ། བདེ་བ་ཆེན་པོ་རྡོ་རྗེ་སེམས་དཔའི་གནས་གཞལ་ཡས་ཁང་པ
179b2 ལ་ཞུགས་སོ།། དེ་ནས་བཅོམ་ལྡན་འདས་རྡོ་རྗེ་སེམས་དཔའ་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེས་བྱིན་གྱིས་བརླབས་པའི་དམ་ཚིག་སེམས་དཔའ་ཐམས་ཅད་དང་། དབང་བསྐུར་བ་ཐམས་ཅད་དང་། ཐམས
179b3 ཅད་མཁྱེན་པའི་ཏིང་ངེ་འཛིན་ལས་ཐམས་ཅད་མཆོག་གྱུར་པ། ཁམས་གསུམ་ཐམས་ཅད་འདུལ་བར་མཛད་པ་ཐམས་ཅད་དབང་དུ་བྱེད་པ་པོ།། འདོད་པ་ཐམས་ཅད་པ། རྒྱ་ཆེ་བའི་ཆོ་ག་ཐམས་ཅད་པ། རྟག་པའི་དེ་བཞིན་གཤེག
179b4 པ་ལ་གསོལ་བ་བཏབ་པ་ཅི་སྲིད་པའི་བར་གནས་པ་དེ་སྲིད་སེམས་ཅན་དོན་མཆོག་མཛོད། སེམས་ཅན་ཁམས་ནི་མཐའ་ཡས་དང་།། རྒྱལ་སྲས་སྲིད་པ་འདོད་པའི་ཕྱིར།། སྲིད་པའི་སྐྱོན་རྣམས་འཇོམས་ཕྱིར་དང་།། བདེ་བ་ཆེན་པོ་འཕེལ
179b5 བྱའི་ཕྱིར།། གསང་བའི་རྟོག་པ་མཆོག་གསུངས་པའི།། རྗེས་སུ་སྣང་བ་བདག་ལ་སྩོལ།། དེ་ནས་བཅོམ་ལྡན་འདས་དེ་བཞིན་གཤེགས་པས་ཆོས་ཐམས་ཅད་སྒྲིབ་པ་མེད་པ་ཉིད་ལ་ལྷག་པར་དགོངས་ནས་གདུལ་བྱ་ཐམས་ཅད་ཐུགས
179b6 རྗེ་ཆེན་པོའི་སྡེ་ཚོགས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། མ་ལུས་ཤིང་ལུས་པ་མེད་པའི་སེམས་ཅན་གྱི་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དང་། ཐམས་ཅད་ཡོངས་སུ་བསྐྱབ་པ་དང་། ཕན
179b7 པ་དང་བདེ་བ་དང་དངོས་གྲུབ་ཐམས་ཅད་ཕུན་སུམ་ཚོགས་པ་དང་། ཡེ་ཤེས་དང་ལས་དང་། མཆོག་གི་དངོས་གྲུབ་ཀྱི་རྒྱུར་འགྱུར་བའི་བར་དུ། དེ་བཞིན་གཤེགས་པ་ཐམས་ཅད་ཉིད་དང་། རྡོ་རྗེ་འཆང་ཆེན་པོ་ཐོབ་པ་མཆོག་གི་དངོས
179b8 གྲུབ་ཀྱི་དོན་བདེ་བ་ཆེན་པོའི་རྡོ་རྗེ་དང་པོ་དེ། དེ་བཞིན་གཤེགས་པ་ཐམས་ཅད་ཀྱི་འཁོར་ལོ་བསྒྱུར་བ་ཉིད་དེ་བཞིན་གཤེགས་པ་ཐམས་ཅད་ཀྱི་སྐུའི་ཕྲེང་བའི་ཅོད་པན་གྱི་དབང་བསྐུར་བས་དབང་བསྐུར་བ་ཡིན་ནོ།། དེ་ནས་བཅོམ
iiif viewer powered by OpenSeadragon
