| e-texts navigator |
| Wylie |
176a1 དང་། དྲིལ་བུ་དང་ཐོད་པ་ཁྲག་དང་བཅས་པདལ་ང་སིལ་དང་མཆེ་བ་དང་ཁ་ཊྭཱཾ་གའོ།། སྒོ་སྲུངས་རྣམས་ཀྱི་ནི་ཐོད་པ་དང་། རུས་པའི་ལུ་གུ་རྒུད་དང་བྱ་རྒོད་དང་བྱི་ལའོ།། དེ་ནས་ཕྱག་རྒྱའི་སློབ་དཔོན་ཆོས་སྤྱོད
176a2 པ་གཙང་བ་གོས་གཙང་མ་བགོས་པ་ཐམས་ཅད་ཟ་བ་འམ་ཐམས་ཅད་སྤྱད་པ་ལ་ཡང་སྨད་པ་མེད་དེ། ཞི་བའི་ཕོ་ཉའི་ཕྱག་རྒྱས་ཞུགས་ལ་སྙིང་པོ་བཟླས་པ་བྱའོ།། དེ་ནས་དཀྱིལ་འཁོར་གྱི་དབུས་ནས་བློ་ཆེན་པོ་ཐོས་པར
176a3 འགྱུར་རོ།། དེ་ནས་སློབ་དཔོན་མ་གཏོགས་པ་གཞན་ཐམས་ཅད་ཅི་ལྟར་འོངས་པ་ཞུགས་པར་འགྱུར་ཞིང་ཐོབ་པར་འགྱུར་ཏེ། གདུག་པའི་དམ་ཚིག་ནི་མ་གཏོགས་སོ།། དེ་ནས་སློབ་མ་ལག་ན་མེ་ཏོག་ཐོགས་པ་རས་ཀྱིས
176a4 མིག་བཀབ་ལ་ནག་པོ་ཆེན་པོའི་ཕྱག་རྒྱས་བཅུག་སྟེ། རྣ་བར་དམ་ཚིག་ཆེན་པོ་བྷོ་ཞེས་བྱ་བ་དང་སྦྱར་རོ།། དེ་ནས་སྐྲག་ནས་མེ་ཏོག་དོར་རོ།། དེ་ནས་གང་དུ་ལྷུང་བ་དེ་ལྷག་པའི་ལྷར་བསྒྲུབ་པར་བྱའོ།། གལ་ཏེ་ལྷུང་བར་མ་གྱུར
176a5 ན་ཡང་དོར་དུ་གཞུག་གོ།། དེ་ནས་ནི་འཇིགས་པར་བྱེད་ནུས་ཤིང་རྣལ་འབྱོར་ཡང་སོ་སོར་ཐོབ་པར་འགྱུར་རོ།། དེ་ནས་གདོང་གཡོགས་བཀྲོལ་ལ་དཀྱིལ་འཁོར་བསྟན་པར་བྱའོ།། བདུག་པ་ལ་སོགས་པའི་ཕྱག་རྒྱས་མཆོད
176a6 ནས་སྙིང་པོ་དང་རང་རང་གི་མཚན་མ་སྦྱིན་པར་བྱའོ།། དེ་ནས་དམ་ཚིག་བསྟན་པར་བྱ་སྟེ། སེམས་ཅན་ཐམས་ཅད་རྒྱས་བཏབ་ཅིང་། དམ་ཚིག་སྡང་རྣམས་བཟའ་བར་བྱ། སྔགས་རྣམས་བསྟན་པར་མི་བྱ་སྟེ།། དམ་ཚིག་རྣལ
176a7 འབྱོར་གྲུབ་སྟེར་བྱའོ།། དྲག་པོའི་དམ་ཚིག་མདུང་རྩེ་དང་།། མ་མོ་རྣམས་ཀྱིས་རྒྱས་འདེབས་པས།། གལ་ཏེ་འདས་ན་ཁྱོད་ཀྱི་སྙིང་།། རྟག་ཏུ་འཇིག་པར་བྱེད་པར་འགྱུར།། དེ་ནས་བརྩམས་ཏེ་གང་ཤ་ཆེན་པོ་ཟ་བ་ནི་དེ་རིང
176a8 པོ་མི་ཐོགས་པར་རྣལ་འབྱོར་འགྲུབ་པར་འགྱུར་རོ།། གང་ཟ་བར་མི་འགྱུར་བ་དེའི་དངོས་གྲུབ་མེད་དོ།། གལ་ཏེ་དམ་ཚིག་ལས་འདས་པར་མ་གྱུར་ན་ཚོགས་ཐམས་ཅད་ཀྱིས་ཀྱང་མི་སོང་བར་འགྱུར་རོ།། ཕྱག་རྒྱ
iiif viewer powered by OpenSeadragon
