| e-texts navigator |
| Wylie |
170b1 འཇམ་དཔལ་གཞོན་ནུར་གུར་པ་ཆོས་ཐམས་ཅད་ངོ་བོ་ཉིད་མེད་པ་སྤྲོས་པ་མེད་པའི་རལ་གྲི་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འཁོར་ལོ་ལྟར་ཡི་གེ་བསྐོར་བ་ཞེས་བྱ་བའི་དཀྱིལ་འཁོར་འདི་གསུངས་སོ།། ཕྱིའི་དཀྱིལ
170b2 འཁོར་ཅི་ལྟ་བའི་ནང་དུ་འཁོར་ལོ་བྲིསིལ། ཨ་ལ་སྩོགས་པའི་ཡི་གེའི་ཕྲེང་བ་གོ་རིམས་བཞིན་དུ་བྲི་བར་བྱའོ།། དེ་ནས་དཀྱིལ་འཁོར་བརྒྱད་པའི་ཚུལ་གྱིས་ཐིག་བཏབ་ལ་དེའི་ལྟེ་བ་ལ་བཅོམ་ལྡན་འདས་འཇམ་དཔལ་གཞོནུའི་ཆ
170b3 ལུགས་འཆང་ཞིང་འཛུམ་པ་དང་བཅས་པ་ནམ་མཁའི་མདོག་ཅན་ཕྱག་བཞི་དང་རལ་གྲིས་དེ་བཞིན་གཤེགས་པ་ཐམས་ཅད་ལ་འདེབས་པར་བཞག་པར་བྱའོ།། དེའི་མདུན་ལ་སོགས་པར་དེ་བཞིན་གཤེགས་པའི་སྐུ་རྣམས
170b4 བཞག་པར་བྱའོ།། ཕྱིའི་འཚམས་རྣམས་སུ་ཤེས་རབ་ཀྱི་ཕ་རོལ་ཏུ་ཕྱིན་པ་བཞི་ལུང་ཇི་ལྟར་ཐོབ་པ་བཞིན་དུ་གཞག་པར་བྱའོ།། སྒོ་རྣམས་སུ་ནི་མཚན་མ་བའི་བཞག་པར་བྱའོ།། འདི་ལྟ་སྟེ་རལ་གྲི་དང་མདུང་དང་ལྷུང་བཟེད
170b5 དང་གླེགས་བམ་རྣམས་སོ།། དེ་ནས་རལ་གྲི་དང་གླེགས་བམ་གྱི་ཕྱག་རྒྱ་དེ་བཞིན་དུ་ཆོས་ཀྱི་སློབ་དཔོན་དུ་བྱིན་གྱིས་བརླབ་བོ།། དེ་ནས་རལ་གྲི་བླངས་ཏེ་རལ་གྲིའི་མིང་གིས་དབང་བསྐུར་བས་དབང་བསྐུར་ལ་འདི་སྐད་ཅེས
170b6 ཆོས་འདི་བཤད་པར་བྱ་སྟེ། རལ་གྲི་འདི་ནི་རྟགཟུང་ལ།། ཤེས་རབ་ཚུལ་འདི་བཀར་སྨྲ་ཞིང་།། ནམ་མཁར་སངས་རྒྱས་སྦྱོར་བ་ཡིས།། འདེབས་ན་མྱུར་དུ་འགྲུབ་པར་འགྱུར།། སངས་རྒྱས་བསྟན་པ་བསྲུང་ཕྱིར་དང་།།
170b7 སེམས་ཅན་མང་པོ་བསྲུང་བའི་ཕྱིར།། འདིས་བསད་སྡིག་པར་མི་འགྱུར་ཞིང་།། བསོད་ནམས་དག་ཀྱང་ཐོབ་པར་འགྱུར།། སློབ་མ་རྣམས་ལའང་དེ་བཞིན་ཏེ།། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པའི་དངོས
170b8 གྲུབ་རྣམས་ཀྱིས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ།། ཆོས་ཀྱི་དཀྱིལ་འཁོར་རོ།། བསྒྲུབ་པ་ཡང་དེ་བཞིན་ནོ།། མ་བསྒྲུབས་པར་ཡང་དེ་བཞིན་དུ་ལས
iiif viewer powered by OpenSeadragon
