| e-texts navigator |
| Wylie |
97b1 གནམ་པ་ཙམ་གྱིས་ཀྱང་། ། ལྷ་དང་ལྷ་མིན་མང་ལ་སོགས།། རྣལ་འབྱོར་ཅན་གྱིས་ཐམས་ཅད་བྱེད། གང་ཚ་དབང་ཉིད་ལ་གནས་པ།། དེ་ཚེ་ཐམས་ཅད་མདག་གཞུག་འགྱུར།། བཀས་པ་ཙམ་བྱས་འཆ་བའམ།།
97b2 མེ་ཙམ་གྱིས་ཀྱང་གཅོད་པའི་མཆོག། སྒྱུ་མའི་ཡེ་ཤེས་ཀྱིས་བསྐུལ་ནས།། རྣལ་འབྱོར་ཅན་གྱིས་གླུ་དང་གར།། ཅི་ལྟར་ཅི་ལྟར་བསྐམ་བྱས་པ།། དེ་ལྟར་འགྲོ་བ་རབ་ཏུ་བྱེད།། སྦྱིད་བསྲེག་དེ་ཉིད་ལ་གནས་པའི།།
97b3 ཡི་ལྷ་ནི་ཞལ་ཡིན་པས།། སྣ་ཚོགས་ལས་རྣམ་གྲུབ་བྱེད་པའི།། སྦྱིན་བསྲེག་ལས་ནི་རབ་ཏུ་བཤད།། སྦྱིན་བསྲེག་གི་ནི་ལྷ་རྣམས་ཚིམ།། ཚིམ་པར་གྱུར་ནས་དངོས་གྲུབ་སྟེར།། གསང་སྔགས་ལྷག་ཆད་གང་ཡིན།
97b4 པ།། ཐམས་ཅད་སྦྱིན་སྲེག་དག་གིས་སྐོང་།། དེ་ཕྱིར་སྐུ་གསུམ་མཁས་མཆོག་གིས།། སྦྱིན་བསྲེག་རབ་ཏུ་བསྔགས་པར་མཛད།། རྩུབ་ཤིང་ལས་ནི་བྱུང་བའི་མེ།། དགེ་བ་ཡིས་ནི་ལས་རྣམས་བྱེད།། གདོལ་པ་འམ།
97b5 དུར་ཁྲོད་ལས་བྱུང་བའི།། མེའི་ལས་རྣམས་རབ་ཏུ་བསྒྲུབ།། ཐབ་ཁུང་ཟླུམ་པོ་གྲུབ་བཞི་པ།། ཟླ་གམ་དང་ནི་ཟུར་གསུམ་པ།། དཀྱིལ་འཁོར་ཟུར་གྱི་ཁ་ཁྱེར་བ།། རྡོ་རྗེ་མཚན་མ་དག་གིས་བརྒྱན།། སྦྱིན་བསྲེག་དེ
97b6 ཉིད་ཚུལ་རིག་པས། ། ཐབ་ཁུང་རྣམས་ཀྱི་དབུས་སུ་ནི།། པད་མ་སྟེང་གནས་གཙུག་ཏོར་དང་།། རྡོ་རྗེ་རིན་ཆེན་པད་མོ་གཞག། ཅི་ལྟར་རིག་པར་འདུག་ནས་སུ།། ལག་གཉིས་པུས་མོའི་བར་བཞག་སྟེ།། དགང
97b7 གཟར་མར་གྱིས་བཀང་ནས་ནི། ། བླུགས་གཟར་བཀང་སྟེ་དེ་བཞིན་སྲེག། སྦྱིན་བསྲེག་ལ་དགོས་གཡས་སུ་བཞག། གཡོན་དུ་ཆུ་ཡི་སྣོད་དག་གོ། ལས་ཀུན་བྱེད་པ་བཟླས་ནས་སུ།། བསང་ཏོར་དང་ནི་འཐོར
97b8 འཐུང་བྱ། ། ཀུ་ཤིའི་རྩེ་མོས་གནོན་པ་ཡིས།། ཐབ་ཁུང་ཁོར་ཡུག་བསྐོར་བར་བྱ།། མེ་ནི་འབར་བར་ཤེས་པ་དང་། གཡས་པས་མི་འཛེགས་འཐེབ་བསྐྲད་ཅིང་།། གསང་སྔགས་འདས་ནི་ཆོ་ག་བཞིན།། མེ་ཡི་ལྷ་ནི
iiif viewer powered by OpenSeadragon
