| e-texts navigator |
| Wylie |
93a1 སྤྱོད་པའི་གོ་ཆའོ། ། གསོང་བའི་ཡེ་ཤེས་ལས་སྤྲུལ་པ།། ནང་གི་ཡང་ནི་བཤད་པར་བྱ།། བསྒྲུབ་བྱ་ཡིད་ཀྱིས་བསྲུངས་ནས་སུ།། ཆོ་ག་བཞིན་དུ་དགུག་པར་བྱ།། ལག་ན་རལ་གྲི་མཚོན་ཆ་དང་།། བེ
93a2 ཅན་རྡོ་རྗེ་གཏུན་ཤིང་ཞགས། ། ལག་ན་འཁོར་ལོ་མདའ་གཞུ་ཅན།། ཁྲོ་བོ་སྣ་ཚོགས་བསྣམས་པ་དེས།། བསྒྲུབ་བྱ་ཞགས་པས་བཅིངས་ནས་སུ།། རྡོ་རྗེ་ཡིས་ནི་ཁྲོ་བོ་ཡིས།། ལྷོ་ཡི་ཕྱོགས་སུ་ཁྲིད་པ་དང་།། རྡོ་རྗེ
93a3 གཞན་གྱིས་བརྡེག་པ་དང་། དེ་ནི་རལ་གྲིས་གཏུབ་པ་དང་།། རྒྱུ་མ་ལང་ལོང་ནར་བར་བསམ།། ཨོཾ་ཧཱུཾ་བཛྲ་རཀྵ་ས། བྷཀྵ་ཡ་ཐ་ཕཊ། རྡོ་རྗེ་སྲིན་མོ་བསྒོམས་ནས་ཀྱང་།། བྱ་རོག་ཝ་དང་བྱེ་རྒོད་ཀྱིས།། ཀུན་ནས་ཡོངས
93a4 སུ་བསྐོར་ནས་སུ། ། དེ་དགཟང་ཐོབ་བྱེད་པར་ནི།། བསྒོམ་ཞིང་མིང་ནས་བསྐུལ་བར་བྱ།། རླུང་གི་དཀྱིལ་འཁོར་ལ་གནས་པའི་རྡོ་རྗེ་རྔ་མོ་རྣམས་བསམས་ཏེ།། བསྒྲུབ་པར་བྱ་བར་ཡོངས་བརྟགས་པ།། དེ་ཡི་རྒྱབ་དུ
93a5 ཞོན་ནས་སུ། ། རྡོ་རྗེ་ཁྲོ་བོས་གཟིར་བཞན་དུ།། ལྷོ་ཕྱོགས་སུ་ནི་དཀྲི་བར་བྱ།། དེ་ཡི་རྐང་རྗེས་ས་ལ་ནི།། རླུང་གིས་རྩུབས་པའི་ཤིང་ལོ་ལ།། དེ་ཡི་མིང་ནས་བརྗོད་བྱས་ཏེ།། རྡོ་རྗེས་ཡོན་དུ་དུཿ།། དེ་ལྟ་བུར་ནི་སྐྱོར་རྩིལས་བསྒོམ་ཞིང་ཆོ་ག
93a6 བཞིན་བྱས་ན། བརྒྱ་བྱིན་ཉིད་ཀྱང་བསྐྲད་འགྱུར་ན།། ས་སྟེང་སྐྱེ་བོ་སྨོས་ཅི་དགོས།། དེ་མིང་གསང་སྔགས་དང་སྤེལ་ཏེ།། འུག་པའི་སྒྲོ་ལ་བྲིས་ནས་ནི།། དགེ་སྦྱོང་བྲམ་ཟེའི་སྒྲས་དཀྲིས་ཏེ།། སའི་འོག་ཏུ་བརྐོས་ནས་གཞུག།
93a7 རྡོ་རྗེ་ཁྲོ་བོ་གཉིས་ཀྱིས་ནི།། འཐབ་མོ་འགྱེད་དུ་འཇུག་པར་བྱ།། དེ་ལྟར་བསམས་པའི་སྦྱོར་བ་ཡིས།། འདོད་པ་བཞིན་དུ་འབྱེ་བར་འགྱུར།། ཧཱུཾ་ཞེས་བྱ་བས་གང་བ་ཡི།། རྡོ་རྗེ་ཕྲ་མོ་བསྒོམས་བྱས་ནས།། སྣ་ཡི་རྩེ་མོ་ནས
93a8 བཏོན་ཏེ། ། བསྒྲུབ་བྱའི་ལུས་ནི་དགང་བར་བྱ།། ལུས་ཀྱི་ཚིགས་ནི་ཐམས་ཅད་དུ།། སྣ་ཚོགས་རྡོ་རྗེ་བཅིངས་ནས་སུ།། རྡོ་རྗེ་འབར་རབ་འཕྲོས་གྱུར་པ།། དེས་ནི་ལུས་ཀྱང་བསྐམ་པར་བྱ།། རྡོ་རྗེ་མཁའ་འགྲོ་མ་བསྒོམས
iiif viewer powered by OpenSeadragon
