| e-texts navigator |
| Wylie |
92a1 ལས་མཛད། ། སྤྱན་དང་ལྷ་མོ་སྐུལ་བྱེད་མ།། དབང་པོ་ཞི་བ་ཟླ་འདྲ་བ།། ཕྱག་གཉིས་མ་ནི་བགྲང་ཕྲེང་དང་།། རིལ་བ་སྤྱི་བླུགས་ཀྱིས་བརྒྱན་པ།། དང་པོར་ཏིང་འཛིན་གྱིས་སྤྲུལ་ནས།། བུམ་པ་ཟླ་བའི་མདངས་ལྡན་པ།།
92a2 བདུད་རྩིའི་འོམས་རབ་བཀང་སྟེ།། ལག་གཉིས་པད་མའི་གདུབ་མཆོག་གིས།། རྣམ་པར་སྣང་མཛད་ཞབས་དྲུང་དུ།། ནད་པ་ལ་ནི་བདུགས་པར་བསམ།། རིན་ཆེན་མ་དང་གོས་དཀར་ཅན།། སྐུ་ཆེ་ཁ་དོག་སེར་པོ་སྟེ།།
92a3 ལྷ་མོ་སེར་མོ་སྣང་བ་ལ།། ཕྱག་ན་རིན་ཆེན་པད་མ་ཅན།། དང་པོར་ཏིང་འཛིན་གྱིས་སྤྲུལ་ནས།། ཡིད་འོང་རྒྱལ་བའི་འདོད་པ་ཡིས།། རིན་ཆེན་འབྱུང་བའི་ཞབས་དྲུང་དུ།། བདུད་རྩིས་རབ་ཏུ་དགང་བ་དང་།། བླ་མེད
92a4 རིན་ཆེན་ཁར་བབ་ན། ། རྒྱས་པ་མཚུངས་མེད་མཛད་པར་འགྱུར།། ལྷ་མོ་སྐུ་ཆེན་མདོག་དམར་བ།། སྒྲོལ་མ་དེ་བཞིན་ལུ་གུ་རྒྱུད།། ཀུན་ནས་འོད་དམར་འབར་བ་ཅན།། ལྷ་རྫས་ལྕགས་ཀྱུ་ཞབས་ཐོགས་པ།། རབ་ཏུ
92a5 བཞད་ཅིང་སྤྱན་ཕྱེ་བས། ། འོད་དཔག་མེད་པའི་ཞབས་དྲུང་དུ།། བསྒྲུབ་བྱ་རྒྱགས་པས་མྱོས་པ་དག། བཀུག་སྟེང་མདའ་ཡིས་བསྣུན་ན་ནི།། སྐད་ཅིག་ཉིད་ལ་དབང་དུ་མཛད།། མི་ངས་གནོད་པ་གཞིག་པའི་ཕྱིར།།
92a6 སྐུ་ཆེན་ནམ་མཁའི་ཁ་དོག་ཅན།། འོད་ཟེར་ཅན་དང་རི་ཁྲོད་མས།། རྡོ་རྗེ་དོན་ཡོད་ཞབས་དྲུང་དུ།། མཁས་པས་སྔར་བཤད་ཚུལ་དུ་ནི།། བདུད་རྩི་ཡིས་ཀྱང་རྣམ་པར་བཟློག། ལྷ་མོ་ཁྲོ་གཉེར་མཱ་མ་ཀི།། མརྒད
92a7 ལྟ་བུའི་མདོག་ཅན་མ། ། ཧཱུཾ་ཞེས་བྱ་བའི་སྒྲ་སྒྲོགས་པ།། རྡོ་རྗེས་སྡིགས་པར་བརྩོན་པ་ཡིས།། རྡོ་རྗེ་མི་འཁྲུགས་ཞབས་དྲུང་དུ།། ཁྲོད་ནས་རྡོ་རྗེའི་མེ་ཡི་ཆར།། འབེབས་པར་རྣམ་པར་བསམ་པར་བྱ།། རྡོ་རྗེ་རབ་ཏུ
92a8 འབར་བ་དེས། ། བསྲུབ་བྱ་ཚིག་ནས་མོག་ཅས་བྱེད།། སྦྱོར་བ་འདི་ཡི་མོད་ལ་ནེ།། དེ་ནི་འཆི་བར་འགྱུར་བའམ།། ཡང་ན་ལུས་ནི་འཇིག་པར་མཛད། བྱིན་བརླབས་དམ་ཚིག་དབང་བསྐུར་ལ།། རྡོ་རྗེ་སེམས་མ་རིན
iiif viewer powered by OpenSeadragon
