| e-texts navigator |
| Wylie |
87b1 ནམ་མཁའ་ལྡིང་གི་ཕྱག་རྒྱའོ། ། འདི་བཅིངས་པ་ཙམ་གྱིས་ཁམས་གསུམ་ཁྱབ་པའི་དུག་ཀྱང་སྐད་ཅིག་གིས་སེལ་བར་བྱེད་དོ།། རྡོ་རྗེ་ཁུ་ཚུར་གཉིས་མདའ་གཞུ་དགང་བའི་ཚུལ་གྱིས་ཕྱོགས་བནི་མདའ་བཀང་སྟེ།།
87b2 འབངས་པས་ཕ་རོལ་དཔུང་གཞིག་པ་ནི་མཉེས་པར་བྱེད་པའི་རྡོ་རྗེ་མ་དེའི་ཕྱག་རྒྱའོ།། ཁུ་ཅུར་གཉིས་པས་ཀྲུང་མ་གཤིབས་ཏེ་བསྒྲེང་པ་ལས་རིན་པོ་ཆེའི་ཚུལ་དུ་བཀུག་ལ། མཐེ་བོ་བརྐྱང་བའི་སྟེང་དུ་འཛུབ་མོག
87b3 གདུབ་བུའི་ཚུལ་དུ་བྱས་པ་ནི་སངས་རྒྱས་འཁོར་ལོ་ཅན་གྱི་ཕྱག་རྒྱ་གཡུལ་ལས་གྲོལ་བར་བྱེད་པའོ། ། ལག་པ་གཡོན་པའི་མཐེ་བོས་སོར་མོ་མནན་ཏེ་གུང་མོ་བསྒྲེང་། གཡས་པས་པད་མཁའ་བྱེད་པའི་ཚུལ
87b4 དུ་བྱས་པ་ནི་ཧ་ལ་ཧ་ལའི་ཕྱག་རྒྱའོ། ། ཁུ་ཚུར་གཉིས་ཀྱིས་མཐེའུ་ཆུང་གཉིས་དཀྲིས་ལ་འཛུབ་མོ་གཉིས་གཤིབས་ཏེ་བསྒྲེངས་ནས་བཟློག་ལ་དཔྲལ་བར་བཞག་པ་ནི་རྡོ་རྗེ་ཁྲག་འཐུང་གི་ཕྱག་རྒྱ་སྟེ། དུར་ཁྲོད་དུ
87b5 འཇུག་པ་ན་མཁའ་འགྲོ་མ་རྣམས་འཇིགས་པར་བྱེད་པའོ། ། གཡོན་པསཐོད་པ་གཟུང་ལ་གཡས་པས་མདུད་རྩེ་གསུམ་ཐོགས་ནས་རལ་པ་བཅིངས་ཏེ་ཟླ་བས་བརྒྱན་ཅིང་མཚན་བསྒྲེང་ལ། མིག་གསུམ་བགར་བྱེད་པ་ནི
87b6 གར་སྟབས་ཀྱི་ཕྱག་རྒྱ་སྟེ། འདི་ནི་བདེ་བྱེད་ཀྱི་ཕྱག་རྒྱའོ།། གཡོན་པ་མི་འཇིགས་པར་བྱས་པ་ལས་སོར་མོ་རྣམས་ཅུང་ཟད་ཕྱེ་སྟེ། མཐེ་བོ་ལག་མཐིལ་དུ་བཞག། དེ་བཞིན་དུ་གཡས་པའི་ཁུ་ཚུར་དབྱུག་ཟོ་འཛིན་པ་ལྟར།
87b7 བྱས་པ་ནི་ཁྱབ་འཇུག་གི་ཕྱག་གི་ཕྱག་རྒྱའོ།། ལག་པ་གཉིས་བརྐྱང་ནས་དམའི་ཚུལ་དུ་བྱས་པ་ནི་ཚངས་པའི་ཕྱག་རྒྱའོ།། ལག་པ་གཉིས་ཐལ་མོ་ཁོང་སྟོང་དུ་སྦྱར་ཏེ་མེ་ཏོག་ལྟར་བྱས་པ་ནི་མ་མོ་རྣམས་ཀྱི་ཕྱག་རྒྱའོ།། རྡོ་རྗེ
87b8 ཁུ་ཚུར་གཉིས་ཀྱིས་ནི། ། རྒྱབ་དུ་མདུད་པ་ལྟར་འདོད་ཞིང་།། རྡོ་རྗེ་སེམས་མ་ལ་སོགས་པའི།། རིན་ཆེན་ཅོད་པན་ཕྲེང་དབང་བསྐུར།། ཏིང་འཛིན་གནས་པས་འཁོར་ལོ་ཅན།། འཁོར་ལོ་མངའ་བའི་ལྷ་རྣམས་ལ།
iiif viewer powered by OpenSeadragon
