| e-texts navigator |
| Wylie |
85b1 ཚུར་བཅིངས་པ་ལས་འཛུབ་མོ་དང་མཐེའུ་ཆུང་གཉིས་ལུ་གུ་མུད་ལྟར་བཅིངས་པ་འདི་ནི་རྡོ་རྗེ་ལུ་གུ་རྒྱུད་ཀྱི་ཕྱག་རྒྱའོ། ། ལག་པ་གཉིས་ཁུ་ཚུར་བཅངས་པ་ལས་གུང་མོ་དང་སྲིན་ལག་གཉིས་བསླངས་ཏེ་རྩེ་མོའི་ཚུལ་དུ་བྱས
85b2 ལགུང་མོའི་རྒྱབ་དུ་སྲིན་ལག་བསྣོལ་ལ། ། འཛུབ་མོ་གཉིས་གདུབ་བུའི་ཚུལ་དུ་བྱས་པས་དཀྲིས་པས་མཐེ་བོ་གཉིས་མདུན་དུ་བཞག་པ་ལས་ཅུང་ཟད་བཀུག་སྟེ་ཁའི་ཚུལ་དུ་བྱས་པ་འདི་ནི་གཤིན་རྗེ་གཤེད་ཀྱི་ཕྱག
85b3 རྒྱའོ། ། ལག་པ་གཡོན་པ་རྡོ་རྗེ་ཁུ་ཚུར་བཅིངས་པ་ལས་ཁྲོ་བོའི་འཛུབ་མོ་སྙིང་ཁར་བཞག་སྟེ། ལག་པ་གཡས་པ་ཐལ་ལྕག་གི་ཚུལ་དུ་བྱས་པ་ནི་ཁྲོ་བོ་གཞན་གྱིས་མི་ཐུབ་པའི་ཕྱག་རྒྱའོ།། རྡོ་རྗེལ་ཚུར་གཉིས་ལ་ཐེའུ་ཆུང་ལུ་གུ
85b4 ཀླུ་ལྟར་དུལ་འཛུབ་མོ་བཞིབས་ཏེ་བསྒྲེང་བ་ལས་བཟློག་སྟེ་དདྲལ་བར་བཞག་པ་ནི་རྟ་མགྲིན་གྱི་ཕྱག་རྒྱའོ། ། ལག་པ་གཉིས་ཀྱི་མཐེ་བོས་སྲིན་ལག་དང་མཐེའུ་ཆུང་གཉིས་ཀྱི་སེན་མོ་མནན་ལ་རལ་གྲི་ཤུགས་ནས་དབྱུང་བའི་ཚུལ
85b5 དུ་བྱས་པ་ནི་འཕགས་པ་མི་གཡོ་བའི་ཕྱག་རྒྱའོ། ། ལག་པ་གཉིས་རྡོ་རྗེ་ཁུ་ཚུར་བཅངས་པ་ལས་རྒྱབ་སྤད་དེ་མཐེའུ་ཆུང་གཉིས་ལུ་གུ་རྒྱུད་ལྟར་བཅིངས་ནས་འཛུབ་མོ་གཉིས་བསྒྲེངས་པ་ལས་ཞགས་པའི་ཚུལ་དུ་བྱས་པ
85b6 ནི་འདོད་པའི་རྒྱལ་པོའི་ཕྱག་རྒྱའོ། ། ལག་པ་གཡོན་པའི་རྡོ་རྗེ་ཁུ་ཚུར་གྱི་འཛུབ་མོ་སྙིང་ཁར་བཞག་ལ།། གཡས་པ་ཁྲོ་བོའི་སོར་མོ་བེ་ཅོན་གྱི་ཚུལ་དུ་ཕྱར་བ་ནི། བེ་ཅོན་སྔོན་པོ་ཅན་གྱི་ཕྱག་རྒྱའོ།། ལག་པ་གཡོན་པ
85b7 རྡོ་རྗེ་སྙིང་ཁར་བཞག་ལ་གཡས་པའི་རྡོ་རྗེ་ཁུ་ཚུར་རྡེག་སྟངས་དང་བཅས་པར་ཕྱར་བ་ནི་སྟོབས་པོ་ཆེའི་ཕྱག་རྒྱའོ། ། ལག་པ་གཉིས་སོ་སོར་ཁུ་ཚུར་བཅངས་ལ།། འཛུབ་མོ་དང་གུང་མོ་བསྒྲེངས་ཏེ་སྤྲད་ནས
85b8 མེ་ཏོག་གི་ཚུལ་དུ་བྱས་པ་ནི་བྱམས་པའི་ཕྱག་རྒྱའོ། ། ལག་པ་གཉིས་ཐལ་མོ་ཁོང་སྟོང་དུ་སྦར་ནས་འཛུབ་མོ་གཉིས་ཀྱིས་སྲིན་ལག་གཉིས་ཀྱི་སེན་མོ་མནན་ནས། ཨུད་པལ་ཁ་བྱེ་བའི་ཚུལ་དུ་བཞུག་པ་ནི
iiif viewer powered by OpenSeadragon
