| e-texts navigator |
| Wylie |
83a1 སྔགས་ཆེ་གསུངས་པས། ། སངས་རྒྱས་ཞིང་རྣམས་རབ་ཏུ་གཡོས།། བྱང་ཆུབ་སེམས་དཔའ་ཐམས་ཅད་དང་།། བདུད་ཀྱི་རིས་རྣམས་གཡོས་པར་འགྱུར།། གཙོ་བོ་རྡོ་རྗེ་སྣང་མཛད་པ།། ཐམས་ཅད་ཚིག
83a2 བཞིན་བཏུད་ནས་སུ། ། བཅོམ་ལྡན་རིག་སྔགས་མཐུ་སྟོབས་ཀྱིས།། གནོད་བགྱིད་ཐམས་ཅད་གཟིང་ལགས་སོ།། གང་ན་རིག་སྔགས་སྟོབས་མོ་ཆེ།། ཕ་རོལ་གནོན་པ་འདི་ཟློས་པ།། དེར་ནི་བདག་ཅག་མི་མཆི
83a3 ཞིང་དེར་ནི་བསྲུང་བདག་ཀྱང་བགྱི། ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས།། བརྒྱ་བྱིན་མངོན་པར་མཐོ་བའི་སྟོབས་ལྷ་མ་ཡིན་རྣམ་པར་འཇོམས་པས་རྣམ་པར་རྒྱལ
83a4 བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྒྱལ་མཚན་གྱི་རྩེ་མོའི་དཔུང་རྒྱན་གྱི་གཟུངས་ཆེན་པོ་འདི་གསུངས་སོ། ། ཨོཾ་བྷ་ག་བ་ཏི་དྷྭ་ཛཱ་གྲ་ཀེ་ཡུ་རེ་པ་ར་སྱེ་བྱ།། བི་དྷཱ་ན་ས་ན་ཀཱ་སཱ་སཻ་ནྱ་བ་རི་ལ་ནི།། ཨུ་ལ
83a5 ཀཱ་མྲའི། ཁ་ཁ་ཁཱ་ཧི་ཁཱ་ཧི། བར་སེན་མ། ཨ་ནན་ཏ། བྷུ་ཛེ། ཨ་ནན་ཏ་མུ་ཁེ་པྲ་ཧ་ར་པྲ་ཧ་ར་ཧཱུཾ་ཕཊ་ཕཊ་སྭཱ་ཧཱ།། ། དེ་ནས་རིག་སྔགས་ཆེ་གསུངས་པས། སངས་རྒྱས་ཞིང་རྣམས་གཡོས་པར་འགྱུར།
83a6 བྱང་ཆུབ་སེམས་དཔའ་རབ་གཡོས་ཤིང་།། བདུད་ཀྱི་སྡེ་རྣམས་ཚིག་པར་འགྱུར།། གནོད་སྦྱིན་སྲིན་པོ་གོས་བྲལ་ནས།། འཇིགས་ཤིང་སྐྲག་པར་གྱུར་པ་ཡིས།། གཙོ་བོ་རྡོ་རྗེ་རྣམ་སྣང་དྲན།། བཅོམ་ལྡན་འདས་རིག
83a7 སྔགས་ཀྱི་རྒྱལ་མོའི་གཟི་བརྗིད་ཀྱིས་ཚིག་ལགས་ཏེ། ། བདག་ཅག་དམ་ཚིག་ལ་གནས་པར་འཚལ་ལགས་ན་མགོན་མཛད་ཅིང་ལུས་ཐམས་ཅད་རབ་ཏུ་བསྒྲུབ་ཏུ་གསོལ།། དེ་ནས་བཅོམ་ལྡན་འདས་རྣམ་པར་སྣང་མཛད
83a8 ཆེན་པོ་རྡོ་རྗེའི་དེ་བཞིན་གཤེགས་པས་མངལ་ཐམས་ཅད་ཡང་དག་པར་སྐྱེས་པས་ཁྱབ་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་སྔགས་ཀྱི་རྒྱལ་མོ་ཆེན་མོ་སོ་སོར་འབྲང་བ་འདི་གསུངས་སོ། ། ཨོཾ
iiif viewer powered by OpenSeadragon
