| e-texts navigator |
| Wylie |
76a1 བདུད་ཀྱི་དཔུང་རྣམས་འདས་འགྱུར་ཏེ།། སངས་རྒྱས་རྡོ་རྗེ་རྗེས་པར་བྱེད།། ཞི་བ་སངས་རྒྱས་རྣམས་ཀྱི་ཡུམ།། རྡོ་རྗེ་དམ་ཚིག་གིས་བསྐུལ་ན།། ཤི་བ་རྣམས་ལ་སྲོག་སྦྱིན་མཛད།། མ་གྲུབ་པ་རྣམས་གྲུབ
76a2 པར་རྩོལ། ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེ་དེ་བཞིན་གཤེགས་པ་སྐུ་གསུམ་རྡོ་རྗེ་འབར་བའི་མཆོག་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་འཆང་མཆོག་ཐམས་ཅད
76a3 སྐྱེད་པའི་ཡུམ་རྡོ་རྗེ་དཀྱིལ་འཁོར་ཐམས་ཅད་ཀྱི་དངོས་གྲུབ་ཐམས་ཅད་རབ་ཏུ་གྲུབ་པར་བྱེད་པ་འདི་ཕྱུང་ངོ་། ། ཨོཾ་ཤཾ་ཀ་རེ། ཤཱན་ཏི་ཀ་རི། གྷུ་ཏ་གྷུ་ཏ་གྷཱ་ཏི་གྷཱ་ཏི་ཡ་གྷཱ་ཏི་ནི་སྭཱ་ཧཱ།། དེ་ནས་འདི་ནི་གསུངས་ཙམ་གྱིས།། རྡོ་རྗེ་གསུམ
76a4 ལས་སྐྱེས་གྱུར་པ། ། ཐམས་ཅད་ཀྱི་ནི་མིག་ཕྱེན་པ།། རྡོ་རྗེ་ཤུགས་ནི་རྗེས་དྲན་གྱུར།། སྒྲུབ་པ་ཐམས་ཅད་བསྲུང་མཛད་མ།། དེ་བཞིན་ལས་རྣམས་སྒྲུབ་པ་ཡིས།། སྡིག་པ་ཐམས་ཅད་འཇོམས་མ་སྟེ།། ཞི་དང་རྒྱས་དང་འབྲེལ
76a5 མཛད་མའོ། ། དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་འདོད་ཆགས་ཆེན་པོས་ཞོན་པ་པད་མ་གར་གྱི་སྟང་སྟབས་ཐུགས་ཀྱི་རྡོ་རྗེ་གསུམ་གྱིས་རྣམ་པར་འཐོབ་པའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས
76a6 པར་ཞུགས་ནས་ཆོས་ཐམས་ཅད་འཛིན་པ་མཆོག་གི་ཡུམ་འདི་རྡོ་རྗེ་གསུམ་རྣམས་ལས་ཕྱུང་ངོ་། ། ཨོཾ་ཀ་ཊེ་བི་ཀ་ཊེ་ཀ་ཊ~ཾ་ཀ་ཊེ་སྭཱ་ཧཱ།། དེ་ནས་ཆོས་ཀྱི་རྒྱལ་མཚན་མཆོག། དམ་པ་འདི་ནི་གསུངས་ཙམ་གྱིས།། ཏིང་ངེ་འཛིན
76a7 གྱིས་མིག་ཕྱེ་ནས། ། རྡོ་རྗེ་པད་མ་རྗེས་དྲན་བྱེད།། རྒྱས་པ་ཆེན་པོ་ཡུམ་ཡིན་ཏེ།། ཆོས་མཛོད་རྣམས་པར་འཕེལ་མཛད་མ།། བསྒོམས་ཤིང་བསྟན་ཏེ་བཟླས་བརྗོད་ན།། རྒྱ་ཆེར་སྲུང་བར་མཛད་པ་ཡིན།། དེ་ནས་བཅོམ
76a8 ལྡན་འདས་ཀྱིས་ཐམས་ཅད་དབང་དུ་བྱ་བ་ཁོང་དུ་ཆུད་པས། ། རྡོ་རྗེ་གསུམ་མཉམ་པ་ཉིད་ཀྱིས་དགའ་བར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཡེ་ཤེས་ལ་འཇུག་པར་བྱེད་པར་ས་ཚོགས་ཐམ
iiif viewer powered by OpenSeadragon
