| e-texts navigator |
| Wylie |
67a1 ནམ་མཁའི་སྙིང་པོ་ཐུབ་པ་ཆེ།། འདུ་བྱེད་ཐམས་ཅད་སྤངས་པ་ཡི།། མཁའ་དང་མཉམ་པ་དེར་འགྱུར་རོ།། ནམ་མཁའི་སྣང་བར་བྱེད་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ལ་ཡི་ཡེ་ཤེས་ལས
67a2 བསྒྲུབས་པ། ། རྒྱལ་བ་ཐམས་ཅད་ཀྱིས་ཀྱང་བརྒྱན།། ལྷ་མོ་སྤྱན་གསུམ་ཕྱག་བརྒྱད་པ།། ཞལ་གསུམ་གསེར་གྱི་མདོག་དང་མཚུངས།། སྒེག་པའི་ཆ་ལུགས་ལེགས་འཆང་བ།། ཅུང་ཟད་བཞད་པས་འདོད་ཆགས་མ།
67a3 དང་པོའི་ཕྱག་ནི་མཆོག་སྦྱིན་མཛད།། དེ་བཞིན་གཉིས་པ་མི་འཇིགས་སྦྱིན།། ཕྱག་གསུམ་པན་རྡོ་རྗེ་སྟེ།། བཞི་པ་ན་ནི་མདའ་ཡང་གསོར།། གཡོན་པ་སྡིག་མཛུབ་ཞགས་པ་ཅན།། རིན་ཆེན་སྙམ་གཉིས་པན།
67a4 གསུམ་པ་ན་ནི་བགྲང་ཕྲེང་སྟེ།། བཞི་པ་གཞུ་ཡིས་ལེགས་པར་བརྒྱན།། འོད་དམར་འོད་ཟེར་བྲེང་བ་ཅན།། ལྷ་རྣམས་འཇིགས་པས་སེམས་མྱོས་ཏེ།། ལག་པ་ཐལ་མོ་སྦྱར་བར་བྱེད།། སངས་རྒྱས་རྣམས་ཀྱི་སྤྲིན་འཕྲོ་བར།
67a5 ཡེ་ཤེས་རྡོ་རྗེ་སྤྱན་མ་བསམ།། བྱང་ཆུབ་ཡན་ལག་འབྲས་བརྒྱན་པའི།། ལྷ་མོ་འདི་འདྲ་བསྒོམ་པར་བྱ།། ཡེ་ཤེས་སྤྱན་གྱིས་སྣང་བར་བྱེད་པའི་རྡོ་རྗེ་འོཇོ་ཚུལ་ཞེས་བྱ་བའི་ཏིང་ངེ་འཛིན་ཏོ།། མ་ཡི་ཡེ་ཤེས་ལས་བསྒྲུབས་པ།། རྡོརྗེ
67a6 རིགས་ཅན་མཱ་མ་ཀཱི། ། ལྷ་མོ་ཞལ་གསུམ་ཕྱག་དྲུག་མ།། དགོད་ཅིང་ཞལ་རས་ཁྲོ་དང་བཅས།། ཨུཏ་པལ་སྔོན་པོའི་མདོག་འདྲ་བ།། འོད་དམར་ཤིན་ཏུ་འབར་བ་ཅན།། དང་པོ་མི་འཇིགས་སྦྱིན་པའི་ཕྱག། གཉིས་པ་ལེགས་པར
67a7 རྡོ་རྗེ་བསྡམས། ། གསུམ་པ་ཡིས་ནི་བདའ་ཡང་གསོར།། གཡོན་པའི་སྡིགས་པའི་འཛུབ་མོ་སྟེ།། གཉིས་པ་ཞགས་པ་ལེགས་པར་བསྣམས།། གསུམ་པ་ཡིས་ནི་གཞུ་ཡང་འཛིན།། རྡོ་རྗེ་ཅན་མ་སྐུ་གསུམ་འཆང་།། དངོས་མེད
67a8 ངོ་བོ་མཚན་ཉིད་ཅན། ། སངས་རྒྱས་ཀྱི་ནི་སྤྲིན་འཕྲོ་བ།། འདི་འདྲ་སྒོམ་པས་བསྒོམ་པར་བྱའོ།། སྒྱུ་འཕྲུལ་འབྱུང་བའི་སྟོབས་ཀྱི་ཡེ་ཤེས་ཟབ་མོ་ཞེས་བྱ་བའི་ཏིང་ངེ་འཛིན་ཏོ།། པ་ཡི་ཡེ་ཤེས་ལས་བསྒྲུབས་པ། ཟླ་བའི་མདོག་དང་ལྡན
iiif viewer powered by OpenSeadragon
