| e-texts navigator |
| Wylie |
65b1 མཛོད་དོ། ། ཨོཾ་སརྦ་ནི་བ་ར་ཎ་བི་ཤྲཱི་བྷི་ནི་ཧཱུཾ། སྒྲིབ་པ་རྣམ་པར་སེལ་བའོ།། ཨོཾ་ཡ་མཱན་ཏ་ཀྲིད། གཤིན་རྗེ་གཤེད་དོ།། ཨོཾ་པྲཛྙཱ་ན་ཏ་ཀྲིད། གཞན་གྱིས་མི་ཐུབ་པའོ།། ཨོཾ་པད་མཱན་ཏ་ཀྲིད། རྟ་མགྲིན་ནོ།། ཨོཾ་ཨ་མཱི་ཏ
65b2 ཀུཎ་ཌ་ལི་བགྷྣཱན་ཏ་ཀྲིད། བདུད་རྩི་ཐབ་སྦྱོར་རོ།། ཨོཾ་ཨ་ཙ་ལ་ཧཱུཾ་ཧཾ། མི་གཡོ་བའོ།། ཨོཾ་ཊཀྐི་ཧཱུཾ། འདོད་པའི་རྒྱལ་པོའོ།། ཨོཾ་ནཱི་ལ་ད་ཎ་ཌ་མ་ཧཱ་དཎ་ཌ་ཧཱུཾ། བེ་ཅོན་སྔོན་པོའོ།། ཨོཾ་ཀྲོ་དྷ་ཧཱུཾ་ཛ། སྟོབས་པོ་ཆེའོ།།
65b3 དཀྱིལ་འཁོར་དུ་དགོད་པའི་གསང་སྔགས་ཀྱི་ཡི་གེ། འདི་དག་གོ།། འདི་དག་ལ་རྟེན་ནས་ཏིང་ངེ་འཛིན་གྱི་ཁྱད་པར་ལས་ངེས་པར་འབྱུང་བའི་གསང་སྔགས་བྱེ་བ་ཕྲག་དུ་མ་གསུངས་སོ།། དེ་བཞིན་གཤེགས
65b4 པ་ལ་སོགས་པ་ཐམས་ཅད་ནི་ལྕགས་ཀྱུས་སྤྱན་དྲང་བ། ། བྱང་ཆུབ་སེམས་དཔའ་རྣམས་ནི་རྡོ་རྗེའི་ཕྱག་རྒྱས་སོ།། རིག་པའི་ལྷ་མོ་རྣམས་ཀྱི་ནི་རིགས་ཀྱི་ཡུམ་རྣམས་ཀྱིས་སོ།། ཁྲོ་བོ་རྣམས་ཀྱི་ནི་ཞལ་གྱི་ཕྱག་རྒྱས
65b5 སོ། ། བྲན་རྣམས་ནི་ཞགས་པའི་ཕྱག་རྒྱས་སོ།། ཕོ་ཉ་རྣམས་ནི་ལྕགས་ཀྱུའི་ཕྱག་རྒྱས་སོ།། དེ་དག་ལ་སོགས་པ་ནི་སྤྱན་དྲང་བའི་སྦྱོར་བའོ།། རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་འདི་ནི་གསང་སྔགས
65b6 རིམ་པར་ཕྱེ་བའི་ལེའུ་སྟེ་གསུམ་པའོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོའི་རྡོ་རྗེའི་དེ་བཞིན་གཤེགས་པ་ཡེ་ཤེས་ཆེན་པོའི་སྟོབས་ཀྱིས་རྣམ་པར་འཕྲུལ་པའི་རྡོ་རྗེ་ཞེས་བྱ
65b7 བའི་ཏིང་ངེ་འཛིན་ལ་སྙོམས་པར་ཞུགས་ནས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། ། ཕྱག་ན་རྡོ་རྗེ་རས་སམ་རྩིག་པ་ལ་སོགས་པ་ལ་གཟུགས་བརྙན་བསྒྲུབ་པ་ལ་དམིགས་པ་གང་གིས་གསང་སྔགས་འཆང་རྣམས་ཀྱིས་ཡེ
65b8 ཤེས་རྫོགས་པར་འགྱུར་ཞིང་། ཡེ་ཤེས་རྫོགས་པས་སངས་རྒྱས་ཉིད་བདེ་བླག་ཏུ་ཐོབ་པར་འགྱུར་ན། དངོས་གྲུབ་གཞན་ལྟ་སྨོས་ཅི་དགོས་པའི་གསང་སྔགས་ཀྱི་ཚོགས་ཐམས་ཅད་ཀྱི་ཏིང་ངེ་འཛིན་གསང་ཆེན་བླ་ན་མེད་པ
iiif viewer powered by OpenSeadragon
